2 Samoɛl 20:2 - mzwDBL

² Anomanta, Israel laa tena la bwa le Kooro Devid habɔɔ, ba ne Seeba kaa. Kɛ Juda laa tena la teŋɛ Kooro Devid nɛɛ le Jɔɔdan Moo la ta dɛ ba Jerusalam.

2 Samoɛl 20:2 ပူးပေါင်းရင်းမြစ်များ

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Sɛɡla 17:14

Naɡra mumpar do kɛŋɔ haa teɡɛ nee bio, waa la aa wola dɔe do kan la, teŋe a ta mɔɔ a kaa sie.

Yela 62:9

Nɛwɛnyina bwa do kɛŋɔ nyoa peu ken, nyaara ne kondɔɔhna bwa kɛrɛdɛ. Dɛ ba kpɔ ba dawɛ kon baa kpɔa dɛɛ kari kwaa ta naa, ba fɛɡre dɛ ɡwaa nyoa peu ɡba.

2 Webena 10:17

Kɛ Israel tena baa lɔ Juda harɛ bwɛɛre ta la te, dɛ Kooro Rɛhoboam dɛ di kora ba nɛ.

2 Samoɛl 19:15

Kooro Devid aa bera dɛɛ ba la, Juda harɛ laa tena bwa baa chemo Jɔɔdan Moo ta. Dɛ ba ba Gelɡal, dɛ́ ba kpɔɔ ɡale Jɔɔdan Moo.

2 Samoɛl 20:1

A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

2 Samoɛl 20:3

Kooro Devid aa bera kaa o koodem Jerusalam la, o lawɛ o sɛnanar fi baa dɛ daah koodem la do dea, baa daah ba. Dɛ o dɛ tɛɛ ba komɛlbwa kɛ dɛ o ne baa chɔ. Ba chɔ dea ka tel ba serewe wee, kɛŋɔ luhaahna ken.

2 Samoɛl 20:21

Gɛ laa waa la do. Bikri bibaa Seeba waa le Efrem deŋɡarere harɛ ta laanee ɛ Kooro Devid deŋnekpeɡ. Hé le Seeba ɡbo ne tɛ mɛ, ásɛ n ɡel wobɛlbwa dɛ́ berɛ kaa.” Belaa haah la ŋɔ Joab be ŋɔ, “Yaa kpoo dɛ́ kpɔ o nyu ba che danjwɛɛ ta viɡri tɛɛ.”

1 Koranar 12:20

Baa noa kɛŋɔ Jɛroboam berɔ le Ijipt harɛ ta ba la, ba tomɛ nɛra ba ka kpɔɔ ba ba baah ta, dɛ ba cheɡo Israel harɛ ta bwa kooro. Juda dea tena ɡboo teŋɛ Kooro Devid luɡe tena nɛ.