2 Samoɛl 20:1 - mzwDBL

¹ A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

2 Samoɛl 20:1 ပူးပေါင်းရင်းမြစ်များ

Mumpar 46:21

Bɛnjamen ɡe bibaalaa nɔ, Bɛla ne Bɛka ne Asbɛl ne Gɛra ne Naaman ne Ehi ne Rɔs ne Mupim ne Hupim dɛ Aad.

2 Samoɛl 15:10

Absalɔm sɔɔh tomɛ toroma Israel tena deene la be ba ka ŋɔ, “Dɛ he baa no bɛle sii yaa, he ŋɔ, ‘Absalɔm di kora Hɛbrɔn.’ ”

2 Samoɛl 16:11

Belaa Kooro Devid ŋɔ Abisae ne o nomonome la bwa be ŋɔ, “N bilole ɡbabir dɛ nyin mɛ dɛ́ kpo, ɛrɛɛ he ɡel Bɛnjamen dea nɛn nɔ wa ɛɛ ɛɛ nyokpoa ɔ? Hé ɡelo wɛɛ taah, Korowiirii tɛo ŋwɛnɛ.

2 Samoɛl 16:7

Simei taahno dɛ ŋɔ, “Le bonɔ kaa! Le bonɔ kaa! Nɛŋkpoa nɛn bɛl le! Wechɔɡ-ɛɛ kohona!

2 Samoɛl 18:17

Ba kpɔ Absalɔm chɔɔ la ta bɔluŋ bɛl bini kɔr la bini, dɛ pa bwea dawɛ o nɛ a daŋɛ kohona. Asɛ Israel tena la bwa chwa kaa ba deremi.

2 Samoɛl 20:2

Anomanta, Israel laa tena la bwa le Kooro Devid habɔɔ, ba ne Seeba kaa. Kɛ Juda laa tena la teŋɛ Kooro Devid nɛɛ le Jɔɔdan Moo la ta dɛ ba Jerusalam.

2 Samoɛl 20:22

Ate, haah la kpɔ o liire waa ba a ne la tɛ nɛra la bwa, asɛ ba sɛh dɛ teŋe Seeba nyu dɛ kpɔ viɡru. Belaa o hoh bɛla la, asɛ o laa tena la bwa peɡre le bwɛjen la ta, asɛ bɛlbwa kaa o dem. Asɛ Joab ɡe berɛ kaa kooro be Jerusalam.

2 Samoɛl 23:6

Kɛ nɛra baa wola Korowii tomɛ do kɛ sɔɔhne baa paa ta, nomɛlbwa aa won kpɔ nɔn lawa.

1 Koranar 12:16

Nɛra baa ja Kooro Jɛroboam nɛ aa naa kɛŋɔ kooro la ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

1 Koranar 21:10

Hé nyin nyosonteŋna banɛ ba so, ásɛ ba ne o sie chaɡɛ dɔŋa. Ásɛ ba haŋɛ o nyoa nɛra la baah ta kɛŋɔ o taah Korowii ne kooro, dɛ́ lawɔ le bwɛjen la ta dɛ́ ka foɡro bwea kpo.”

2 Webena 10:16

Nɛra baa ja Kooro Jɛroboam nɛ aa naa kɛŋɔ, kooro ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

2 Webena 10:6

Ate, Kooro Rɛhoboam cheme nomonome ba ne o mɛɛ Kooro Solomɔn fa aa lole baa jao la, o kpɔ bil ba sie dɛ ŋɔ, “Wejaala besoo he dɔ tɛ mɛ ń bol baɡle nɛra nɔɔ?”

Yela 17:13

N Naa Korowii, ir nyu ne, puu ba, dɛ́ ba ba ne harɛ, kpɔ he tokobi, dɛ́ lɛɛ mɛ le nyubinikpeɡ tena nɔn ta.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Sɛɡla 25:8

bɛ too dɛ́ kpɔ kaa kɔɔto, ɡɛ laa dɛ he dɔŋ kaa di danseɛ bɔe naa, hɛɛ di sihiih.

Sɛɡla 26:21

Gɛ hɔla aa dɔ nii, damara ɡe ɡel nii ɛɛ hɔ la, ɡɛɛ naɡrenyini ɡe ɛɛ ba naɡra ne.

Amanesoma Mak Aa Chwera Tɔn 3:24

Dɛ sɛɡ ba ŋɔ, “Dɛ harɛ bɛl ta tena bini pere anɛ asɛ baa yo aa, o dɛ paɡre.

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’

Amanesoma Luk Aa Chwera Tɔn 19:27

N dɔma la baa ŋɔa baa men nyin kɛ n ɛ ba kooro la ɡe, hé laɡ ba ba n siwi ta bonɔ dɛ́ ba kpoo ba!’ ”

Amanesoma Jɔn Aa Chwera Tɔn 13:8

Asɛ o berɛ ŋɔ, “Akai! Maa sɛh he sarame n nakpale bwa.” Belaa Yeesu ŋɔ, “Dɛ he ta ɡelɛ n sarame he nakpale aa, amɔ n ne he toole wobɛlbwa bini kpa.”

Mmarare 13:13

ɡɛ hiribi nɛra nɔ iro dɛɛ neɡre nɛra ŋɔ baa tomɛ voɡfala aa,

Sitɔɔla 19:22

Baa dɛ lɛ ba sie la, nɛnchɔɡa bane baa lɔ bwɛɛ la ta baa bar dem la cheme, dɛɛ lɔ dem la doonyoa ɡbera la, dɛɛ kɔɡre dem te la ŋɔ, “Le baa la waa ba he dem bonɔ la ne tɛ yaa yá lawɔ ka chɔ kɛ baa ne haah.”

Sitɔɔla 3:27

Waa tel Efrem deŋɡarere harɛ ta la, o hoh bɛla yerɛ Israel tena, asɛ ba teŋɛ o nɛɛ le deŋɡarere la dor o tɔ ba sie ba kaa laa.

Rut Tɔn 2:3

Anomanta, o la koo bɛl ta, dɛ ka teŋɛ tom-ɛɛra nɛ dɛɛ kuuh mea la. Jaah dɛ Ɛlemɛlɛk lole Boas koo taa.

1 Samoɛl 13:2

Kooro Sɔɔl le baala kaɡboŋa batoro le Israel harɛ, ba bini kaɡboŋa banɛ do o be Mikmas ne Bɛtel waa chɔ deŋɡarere doa, asɛ kaɡboŋ ɡe do Jonatan be Gebea waa lɔ Bɛnjamen dea harɛ ta. Dɛ ɡel ba kabora kaa ba deremi.

1 Samoɛl 2:12

Dɛ sɔfo Eli bibaala nyu bini kpeɡri, baa Korowii ɔmɛ.

1 Samoɛl 30:22

Kɛ ba bini nyubinikpeɡ tena ne nɛnchɔɡa bwa baa ja Devid ne o laa tena nɛɛ la ŋɔ, “Baa wola ya nɛɛ jae ya ne ba ka yo nɔ, ya ne baa won bɔne kwaa yaa kaa paa laa ta nɔ. Kɛ bɛlbwa ɛɛ won kpɔ o haah ne bii te kaa.”