2 Samoɛl 2:1 - mzwDBL

¹ A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

2 Samoɛl 2:1 ပူးပေါင်းရင်းမြစ်များ

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 32:2

Waa na ba la, anee o ŋɔ, “Korowii soŋnibɔree bonɔ.” Asɛ dɛ pa bela sɔn Mahanaim.

2 Samoɛl 15:7

Bene anaarɛ habɔɔ la, Absalɔm ŋɔ Kooro Devid be ŋɔ, “Tɛ mɛ ŋwɛnɛ ń la Bwɛjen Hɛbrɔn, dɛ́ ka chuɡri n nyobaɡa maa baɡɛ Korowii.

2 Samoɛl 2:11

Kooro Devid di kora Hɛbrɔn Juda dea harɛ ta bene anuanɛ korobie anumɛl.

2 Samoɛl 5:19

Belaa Kooro Devid ka bɔɔ le Korowii be ŋɔ, “N Naa Korowii, ń la ka yo Filisti tena nɔ naa? Hɛɛ kpɔ baa do n nɔn taa kɛɛ?” Asɛ Korowii chaŋo ŋɔ, “Ir kaa, mɛɛ kpɔ baa do he nɔn taa, ásɛ he pɔ ba nɛ.”

2 Samoɛl 5:23

asɛ Kooro Devid ka bɔɔ le Korowii be ja, asɛ o chaŋo ŋɔ, “Hɛɛ berɛ sie pae dɛ́ kaa ba be. Hé bar ba ka che ba habɔɔ dɛ́ yoo ba daa ane baa dɛ yera balsam sie bela.

1 Koranar 2:11

O di kora Israel harɛ bene fifraanaarɛ. Hɛbrɔn lɔ bene anuanɛ, asɛ bene fifraatoro dɛ atoro ɡe Jerusalam.

1 Webena 29:7

Kwaa kɛŋɔ suuɡaswɛm a tɔɡre aa ɡwaa kilore kaɡboŋa lafa fifraanuanɛ, ne suuɡapoŋa a tɔɡre aa ɛ kilore kaɡboŋa lafraatoro fifraanaarɛ, ne ayaawa a tɔɡre aa ɛ kilore kaɡboŋa lafraanumɛl dɛ fi dɛ anɛ, dɛ bune a ɡe tɔɡre aa ɛ kilore kaɡboŋ bele kaɡboŋa atoro, dɛ kaɡboŋa lafraanaarɛ.

2 Webena 11:10

ne Sora ne Aejalɔn dɛ Hɛbrɔn. Dɛ anɔɔ bwɛjena baa ma danjwɛkpeɡa bara Juda ne Bɛnjamen deene harɛre ta.

Yela 143:8

Dɛɛ lii mɛ he nyina aa wola jaɡa dɔe la chɔɔ bɛlbwa, dɛkalkɛ he nɛɛ n kpɔ n te dawɛ. Henee n wi dɛɛ no, baɡ mɛ ŋwɛnɛ maa kpɔ o ta.

Yela 27:4

N Naa Korowii, kombeŋkpoŋii n soŋe dɛɛ le he be, ɡɛ maa dɛ nyin laanee kɛŋɔ, ń so he Dea n soɡa bini bwa, dɛ́ nyiŋi ɡɛ he wa aa wera dɛ́ kooɡa, dɛ́ soŋe, he nyiŋi n nɛ.

Ɛsekeɛl 36:37

Nemenɛ Korowii ŋɔ, “Mɛɛ berɔ no Israel tena wesoŋa ja, ásɛ dɛ ɛ ɡɛ waa la tɛɛ ba. N dɛ ba ɡela ba warɛ kɛŋɔ peera ken.

Nɛra Kura 13:22

Ba kpɔ Nɛɡɛv waa ɛ pua hɛŋle ɡbo harɛ weekaŋle harɛbɔr dɛ ka tel Hɛbrɔn. Dɛ nɛra bane baa dɛ yer ba Anak naanar soɡe bela. Banee Ahiman ne Sɛsae dɛ Talmai tena. Dɛ ba vɔrɔwe Hɛbrɔn bene anuanɛ mɔɔ dɛ vɔrɔwe Soan waa lɔ Ijipt harɛ ta.

Nɛra Kura 27:21

Josua chɛ kɛŋɔ ó kpɔ o te dawɛ sɔfo Eliasa nɛ, dɛ́ che kwaa baa dɛ yera Urim ne Tumim ta, dɛ́ jemɛ waa men Korowii aa dɛ nyin kɛ wɛɛ ɛ. A ɡɛ taa sɔfo Eliasa ne Israel tena nɔ ɛɛ ba cheɡa, dɛ́ na ɡɛ baa dɛɛ ɛ.”

Josua 15:13

Jefune bibaa Kaleb waa le Juda dea tena bini la dɔ harɛ la pera, ɡɛ Korowii aa do Josua la. Bwɛjen Hɛbrɔn waa ɛ Aaba kon laanee ba kpɔ tɛ Kaleb. Anak tena nabaalee a ɡɛ Aaba nɔ.

Sitɔɔla 1:1

Josua seo habɔɔ la, Israel tena soŋe Korowii ŋɔ, “Ya deene nɔ, bamewaa dɛ́ tɔ ya sie yá ka yo Keenan tena ba harɛ ta nɔ?”

1 Samoɛl 10:22

Anee ba ka bɔɔ le Korowii be ŋɔ, “Sɔɔl ta bonɔ balɛ mɔɔ kɛɛ?” Asɛ Korowii ŋɔ, “O sɔh bone la habɔɔ.”

1 Samoɛl 23:2

Asɛ o bɔɔ Korowii ŋɔ, “Ń ka yo Filisti tena nɔ naa?” Anee Korowii chaŋo ŋɔ, “Kaa ka yoo ba, dɛ́ lɛ Keila tena ta.”

1 Samoɛl 23:4

Devid berɔ bɔɔ waa le Korowii be asɛ o chaŋo ŋɔ, “Kaa Keila dɛ́ ka puu ba yo, mɛɛ ɡeloo he pɔ Filisti tena la nɛ.”

1 Samoɛl 30:31

ne Hɛbrɔn dɛ nɛra baa lɔ harɛre Devid ne o laa tena aa ɡaaɡe a ta bwa.