2 Samoɛl 19:8 - mzwDBL

⁸ Ate, kooro ɡel wii dɛ ir dɛ ka so bwɛjen la doonyojen la jwɛh. O laa tena la noɔ kɛŋɔ o leɔ dɛ ba so bela, asɛ ba la ka che baro. Anɔ bwa aa dɛ ɛ la, dɛ Israel tena la bwa berɔ kaa ba deremi.

2 Samoɛl 19:8 ပူးပေါင်းရင်းမြစ်များ

2 Samoɛl 18:24

Dɛ Kooro Devid ta soɡe bwɛjen la bini doonyoa ne baŋ kon la baah ta, nɛn waa dɛ daah bela la teehnɔ kaa danjwɛɛ la kaa ka che o doa, dɛ ka pɛl o doonyoa. Waa dɛ nyiŋi la o na baa bɛl waa dɛ chwa.

2 Samoɛl 18:4

Anee kooro chaŋ ba ŋɔ, “Mɛɛ ɛ anɔ la aa too he tea laanee.” Anomanta, kooro kaa che bwɛɛ la doonyoa la jwɛh, asɛ laa tena la ɛ ɡɛ baa bɔne ba bini lafare ne kaɡboŋa la.

2 Koranar 14:12

Israel laa tena pɔ Juda laa tena nɛ, asɛ ba chwa peɡre kaa ba bwɛɛre.

1 Koranar 22:36

Wee aa dɛ jo la, takpeɡ le laa tena la baah ta ŋɔ, “Nomɛlbwa berɛ kaa o bwɛɛ ne o harɛ ta!”

2 Samoɛl 19:3

Laa tena la ba dɛ jo bwɛjen la bini sum ne kɛŋɔ, baa pɔ ba nɛɛ laa ta ba kpɔ sihiih chwa la ken.

2 Samoɛl 18:17

Ba kpɔ Absalɔm chɔɔ la ta bɔluŋ bɛl bini kɔr la bini, dɛ pa bwea dawɛ o nɛ a daŋɛ kohona. Asɛ Israel tena la bwa chwa kaa ba deremi.

2 Samoɛl 15:2

Absalɔm yon fel ir chɔmbibi, dɛ́ ka che ŋwɛnɛ waa chɔa kaa bwɛjen la doonyoa la keŋkeŋ. Dɛ nomɛl ba waa ne dɛɛ nyin kooro nyiŋi a ta tɛo waa, o yon yerɛ naate dɛ́ bɔɔro bela waa lea. Dɛ naate chaŋo ŋɔ o le Israel deene la bɛl bini naa,

1 Samoɛl 4:10

Anomanta, Filisti tena la yo Israel tena dɛ pɔ ba nɛ, asɛ bɛlbwa chwa ka so ba deremi. Nɛra baa serewa warɔ taeh, Israel laa tena kaɡboŋa fifraatoroo ba kpoo.

2 Koranar 8:21

Belaa Kooro Jehoram kpɔ o laa sitɔɔla ne kwaa aa do kɛ torɔɡore, dɛ ka yo bwɛjen Sai tena. Edom tena la bar o ne o laa sitɔɔla baa dɛ nyiŋi kwaa aa do kɛ torɔɡore, kɛ o ne o laa tena iro dɛ ka yoo ba. Kooro Jehoram ne o laa sitɔɔla iro jwaana, dɛ jo ba baah le dɛ chwa kaa, asɛ laa tena la ɡe chwa kaa ba deremi.