2 Samoɛl 18:9 - mzwDBL

⁹ Absalɔm soɡe keeɡo bie ta dɛ den cheme kooro laa tena la, dɛ keeɡo la dɛ jo dajen bɛl lɔɡa, asɛ Absalɔm nyu ka karɛ daa la kpala ta. O saɡɛ daa la ta, asɛ keeɡo la na tɛr do dɛɛ kaa.

2 Samoɛl 18:9 ပူးပေါင်းရင်းမြစ်များ

2 Samoɛl 14:26

Bena bɛlbwaa wɛɛ fonɛ o nyu, o nyumpona waa fona la ɡbo tɔɡre ɛɛ ɡwaa kilore anɛɛ, ɡɛ kooro aa maɡa bil harɛ la ta.

Sɛɡla 30:17

Nɛn o siwi aa wola o mɛɛ tɔɡɛ wɛɛ mamɔ, dɛ berɛ nyiŋi o nya dɛɛ vah la, ɛɡreree dɛ́ foromi o sibie, ásɛ kokosakire di o ola.

Job Tɔn 31:3

O ta kon waa chɔɡ nyubinikpeɡ tena ɛɛ yaa? O ta wenaale ɛɛ tɛ nɛra baa dɛ ɛ wechɔɡa aa?

Galaasia 3:13

Yeesu Kristo lɛ nyotaahna aa lɔ Mosis Mmara la ta bɛ won teŋa la dawɛ o nɛɛ dɛ lɛ yaa le a ta. Korowii Tɔn baɡlɔ ŋɔ, “Nomɛlbwa baa saɡɔ daa ta la, Korowii nyotaahna lɔ o nɛ.”

Amanesoma Mak Aa Chwera Tɔn 7:10

Mosis Mmara la bini o ŋɔ, ‘Duu he nya ne he mɛɛ,’ dɛ, ‘Nomɛlbwa waa bol o nya ne o mɛɛ bwara wechɔɡe la, a chɛ kɛ ba kpoo.’

Jeremia 48:44

Nomɛlbwa koh ɔmee kohona la waa chwa dɛɛ kaa laa, wɛɛ le bɔɔ binii. Bɛlbwa ɡe waa ŋɔ wɛɛ leo la, belii dɛɛ ba o lawa, dɛkalkɛ Moab tena deŋnetɛra saŋ telo ń kpɔ ba ta ba nɛ. Men Korowiirii bola.

Sɛɡla 20:20

He taah he nya kɛɛ he mɛɛ aa, he piɡro dɛɛ sewɛ kɛŋɔ kandea aa dima biro ta la.

2 Samoɛl 18:14

Ate, Joab ŋɔ, “Maa ŋɔ n dɛ che dɛ biɡri kpa.” Anomanta, o kpɔ lampeare atoro dɛ yaɡɛ Absalɔm bambile ta, o siwi ta aa lole o saɡɛ dajen la ta la.

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

Mmarare 27:20

Bá berɛ ŋɔ, ‘Nomɛlbwa waa lawɛ o mɛɛ haah chɔ la, Kórowii taahno, dɛkalkɛŋɔ a do kɛŋɔ waa wur o mɛɛ ken.’ Ásɛ Israel tena la bwa chaŋe ŋɔ, ‘Aamen!’

Mmarare 27:16

Ásɛ ba berɛ ŋɔ, ‘Nomɛlbwa waa wola o nya ne o mɛɛ duu la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Mmarare 21:23

he bɛ ɡel o saɡɛ daa la ta tɔɔ per. Hé nyiŋi dɛ́ huɡo awola tenten, ásɛ dɛ bɛ doŋa ba kah harɛ Korowii haa dɛ tomɔ nɔ aa kpɔa dɛɛ ba heyaa tɛɛ he so o ta la. Dɛkalkɛŋɔ Korowii taah nomɛlbwa waa saɡɛ daa ta sewɛ.”

Matiu 27:5

Anee Judas kpɔ suuɡapoŋa la viɡri Korowii Dea bela, asɛ dɛ ka saɡɛ o te.

2 Samoɛl 13:29

Anomanta, o bonɔɔna la teŋɛ o waa waa baɡ ba la ta, dɛ kpo Amnɔn. Belaa kooro bibaala la bwa ir, dɛ kpɔ ba keeɡore dɛ chwa kaa.

2 Samoɛl 18:8

Laa la yɛɛrɔ kaa bwɛɛ la dahare bwa, asɛ nɛra serewe kɔr la bini dɛ ɡwaa banɔ la baa sewɛ laa la ta.

2 Samoɛl 18:10

Kooro Devid laa tena la bɛl nao dɛ ŋɔ Joab be ŋɔ, “Nomoa, n na Absalɔm o saɡɛ dajen bɛl ta.”