2 Samoɛl 17:16 - mzwDBL

¹⁶ Husai berɔ ŋɔ, “Tomɛ nɛra Kooro Devid be warane ŋɔ, ‘Dɛɛ berɛ leebɔɔ ŋwɛnɛ waa chɔa kaa pua hɛŋle ɡbo harɛ ta bela chɔe jwaana, hé ɛɡɛ Jɔɔdan Moo la le warane, ɡɛ aa ɛ ásɛ ba bɛ kooro ne o laa tena bwa lawɛ dɛ́ kpoo ba.’ ”

2 Samoɛl 17:16 ပူးပေါင်းရင်းမြစ်များ

2 Samoɛl 15:28

Mɛɛ dɛɛ kpa leebɔɔ baa cheɡɛ o ta le dɛɛ kaa pua hɛŋle ɡbo harɛ ta belaa, ka tel kɛŋɔ maa no waane le he be.”

2 Kɔrent 5:4

Ya taa lɔ ya bwadabii aa do kɛ patare ta nɔ, ya bwara dɛ nyɛɡ, yaa hime. Ya bwadabii nɔ kpɔe dɛ le ya nɛɛ waa laa dena swɛɛ ya siwi. Ya Korowii doa bwadabii la doe waa swɛɛ ya siwi kohona, ásɛ o chiɡ bwadabii waa won sewa nɔ naa ta ya dɔ mkpa.

1 Kɔrent 15:54

Dɛ onɔ la waa wola sewɛ, waa wola pɔh la baa chiɡ onɔ la waa dɛ sewɛ, dɛɛ pɔh la naa ta naa, belaa waa baa chwera do Korowii Tɔn bini la ɛɛ ba kpela ɛɛ. Ba chwerɔ ŋɔ, “O kpɔ kpeɡri pɔ seo nɛ.”

Yela 57:3

Hɛɛ no n wesoŋaa le nyundua dɛ́ ba lɛɛ mɛ, dɛ́ pɔ nɛra baa dɛ fiɡ mɛ nɛ. Hen Korowii ɛɛ baɡle he nyina aa wola jaɡa dɔe, ne he kasinteŋ haa dɔa laanee n nɛ.

Yela 56:2

Tɔpere bɛlbwaa ba teŋɛ dɛɛ ɡaaɡe n bɔr, ba warɔ kohona dɛɛ yoo mɛ.

Yela 55:8

Dɛ́ ɛ warane ka nyin sobɔr, dɛ́ le peukpeɡ waa dɛ ta dɛɛ nɛ bwaala bini.

Yela 35:25

Bɛ ɡel ba lii ŋɔ, “Ya dɔɔ ɡɛ yaa dɛ nyin name!” Kɛɛ dɛ ŋɔ, “Ya dɔɔ kɛrɛdɛ.”

2 Samoɛl 15:14

Belaa Kooro Devid ŋɔ o nomonome baa ja o nɛɛ Jerusalam la be ŋɔ, “Hé dɛ nyin ya chwa le Absalɔm be tenaa, hé ɡel ya le warane! Dɛ ɡɛ laa aa, waa biɡri ba bonɔ ba yo yaa, dɛ́ kpoo nɛra yaa lɔ bwɛjen nɔ bini bwa.”

1 Samoɛl 20:38

Anee o kɔr bie la ŋɔ, “Ɛ warane kaa. Bɛ che!” Bie la kaa kpɔ hɛm la dɛ berɛ ba o nomoa be.

2 Samoɛl 15:35

Sadɔk ne Abiata baa ɛ sɔfore bwa ɛɛ do he be belaa, wobɛlbwa haa no kooro dem bela la, bol ba be.