2 Samoɛl 17:14 - mzwDBL

¹⁴ Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.

2 Samoɛl 17:14 ပူးပေါင်းရင်းမြစ်များ

2 Samoɛl 15:34

Waa haa ɛ á won cha mɛ laanee kɛ, he berɛ kaa bwɛjen la ta, dɛ́ ka ŋɔ Absalɔm be kɛŋɔ taraken te hɛɛ berɔ tomɔ kasinteŋ ne, ɡɛ haa tomɛ o mɛɛ la. Ásɛ he takapɔ kɛŋɔ Ahetofɛl liire bɛlbwa waa ba a ne la, hɛɛ lɔɔ ta.

Aesaya 8:10

He vɔrɔwe vɔrɔwa bɛlbwa kwaraa naa, aa ɛ pɛɛpɛɛ. He bol wobɛlbwa ɡɛ haa dɛ nyin kwaraa noo, aa ɛ wepuu, dɛkalkɛŋɔ Korowii ne ya lole.

Sɛɡla 21:30

Nɛwɛnyini wejema ne waa mun noe, dɛ wejaala ɛ pɛɛpɛɛ, dɛ Korowii ta o nɛɛ jae yaa.

Sɛɡla 19:21

Nɛn won waa maɡla kohona, kɛ anɔ la Korowii aa dɛ nyin laanee dɛɛ ɛ.

2 Samoɛl 15:31

Dɛ ba ŋɔ Kooro Devid be kɛŋɔ Ahetofɛl ja Absalɔm nɛra o ne baa dɛ vɔrɔwe waa la nɛ. Anomanta, Kooro soŋɔ ŋɔ, “N Naa Korowii, ɡel Ahetofɛl liire bwa berɛ wepuu.”

1 Kɔrent 3:19

Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”

Amanesoma Luk Aa Chwera Tɔn 16:8

Anee bonɔɔ naŋɡarawa te nɔ dɔɔ la aa noa la, o kpɛɛro ŋɔ o ɛa wejema ta.” Yeesu aa sɛɡ ba tonɛ la, o ŋɔ, “Nɛra baa dɔ harɛ nɔ ta liire la, ba dɔ wejema ba ne ba bala kpoŋa dɛ ɡwaa nɛra ba sie aa chaah Korowii waa ta la.”

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?

2 Samoɛl 16:23

Saŋ la, dɛ Ahetofɛl bol wobɛlbwa naa, Kooro Devid ne Absalɔm dɛ yaradao kɛŋɔ a ɛ waa waa bɔɔra le Korowii be.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Emɔs 9:3

Ba chwao ka sɔh Kaamɛl Bwejen doa aa, mɛɛ nyin ba bɔree, dɛ́ laɡ ba. Ba chwao le n sie ka sɔh mpo bini naa, mɛɛ ɡeloo mpo bini oljen laɡ ba chwe.

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

2 Webena 25:20

Kɛ Kooro Amasea ta a mun noɛ, dɛkalkɛ Korowii dɛ nyin kɛŋɔ ó kpɔ ba do Kooro Jehoas nɔn ta, toma baa dɛ tomɛ Edom harɛ ta voɡa la wa.

2 Webena 25:16

Korowii keame la nyoa taa lɔ waa la ta wɛɛ bol la, Kooro Amasea ŋɔ o be ŋɔ, “Ya lee ŋɔ hɛɛ ja kooro aa? Tɔ nyoa! Gɛ laa aa, mɛɛ ɡeloo bá kpoe.” Ate, Korowii keame la tɔ nyoa, dɛ berɛ pili nyoa ŋɔ, “Taraken te n jemɔ kɛŋɔ Korowii dɛ ba he kpoe, dɛkalkɛ he vɛh waa maa jae ŋɔ he bɛ ɛ la.”

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

Kaala 9:16

Kɛ n ɡelɔ he do le, ásɛ he na ɡɛ maa dɔ kpeɡri, ásɛ nɛwɛnyina bwa che he nɛɛ dɛɛ yerɛ n sɔn harɛ nɔ ta bobɛlbwa.

2 Webena 10:8

Kooro Rɛhoboam ta nomonome la jae baa jao la noɛ, dɛ ka no o bala o ne baa ira baa tomɔ la wa.

Nehemia 4:15

Ya dɔma noɔ kɛŋɔ ya jemɛ vɔrɔwa baa vɔrɔwa la, dɛ berɛ na kɛŋɔ Korowii chɔɡ ba wa. Ate, ya bwa berɛ ba danjwɛɛ toma la ta, bɛlbwa baa ɛ o toma.

Yela 9:15

Voɡtoroma kwi nafuɡe, dɛ ɡbaɡba le o ta, ba ɡbaɡba bel laɡ ba.

Josua 11:20

Korowiirii saahna dɛ ɡel ba bambile do kpeɡri ba ka pu Israel tena yo, ásɛ Israel tena bɛ ba sum na, dɛ́ kpoo ba dɛ́ he ba. Gɛ Korowii aa ŋɔ Mosis be la.

2 Webena 10:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ́ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la, ɛ kpela.

Job Tɔn 12:17

O lɛ nɛra baa dɛ ja nɛra wejema, dɛ ɡel nɛra baa bol waa dɛɛ pa bole do kɛŋɔ ɡɛna ken.