2 Samoɛl 17:11 - mzwDBL

¹¹ Anomanta, waa maa dɛ bol laanee kɛŋɔ, he boa Israel tena nyoa le Dan dea waa lɔ weekaŋle nyundua pera, dɛ́ ba kaa Beɛseeba waa lɔ weekaŋle harɛbɔr baa wara kɛŋɔ mpo nyoa hɛŋle dɛ do harɛ la bobɛlbwa, ásɛ he ɡbaɡba tɔ ba sie la ba ne laa.

2 Samoɛl 17:11 ပူးပေါင်းရင်းမြစ်များ

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Yela 9:16

Hen Korowii cheɡɛ bole haa dɛ pa a toɡre la ta, dɛ ɡel nɛra jemɛ, nyubinikpeɡ tena ɡbaɡba we-ɛɛla laɡ ba.

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

Josua 11:4

Ate, koranar la bwa sɛh dɛ kpɔ ba laa tena pɛ, ne kwaa aa do kɛŋɔ torɔɡo ba vɔwa pɛl jaɡre dɛɛ yo ane la ba cheme. Laa tena la warɔ kɛŋɔ mpo nyoa hɛŋle ken.

1 Koranar 20:10

Belaa Kooro Bɛn Hadad berɛ tomɛ nɛra Kooro Ahab be dɛ ŋɔ, “Dɛ n ta ɡelɛ ba chɔɡ Samaria kwaraa naa, voɡare la tɛr n deŋne kohona.”

1 Koranar 4:20

Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.

2 Samoɛl 24:2

Anomanta, Kooro Devid ŋɔ Joab ne laa nomonome la be ŋɔ, “Hé valɛ Israel deene la bwa ta, le Dan waa lɔ weekaŋle nyunduabɔr pera, dɛ́ ba kaa Beɛseeba weekaŋle harɛbɔr, dɛ́ chwerɛ ba sɔna dɛ́ ba bol n be, ásɛ n jemɛ ba nyoa.”

2 Samoɛl 12:28

Boa he laa tena baa kaa la bwa nyoa, ásɛ ba ba bar bwɛjen la dɛ́ laɡ ba. Gɛ laa, dɛ menee dɛ́ ka yoo ba dɛ́ pɔ ba nɛ aa, n sɔnee bá kpɔ pao.”

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

1 Samoɛl 3:20

Anomanta, Israel harɛ ta bwa, le Dan dea harɛ waa lɔ weekaŋle harɛbɔr, ka tel bwɛɛ Beɛseeba waa lɔ weekaŋle nyundua bwa jemɔ kɛŋɔ Samoɛl ɛ Korowii keame.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.

2 Samoɛl 3:10

dɛ́ berɛ kora waa lɔ Kooro Sɔɔl luɡe ta la, dɛ́ ɡel Kooro Devid kora che kɛrɛdɛ Israel ne Juda, dɛ́ le Dan waa lɔ weekaŋle nyundua dɛ́ ba kaa Beɛseeba waa lɔ weekaŋle harɛbɔr.”