2 Samoɛl 16:8 - mzwDBL

⁸ Korowiirii bɔe kem Kooro Sɔɔl dem nɛra haa kpoora dɛ ba so o buɡ ta la. Korowii kpɔ he kora la tɛ he bibaa Absalɔm. He kora chɔɡɔ, nyubinikpeɡ haa ɛa kohona dɛ kpoo nɛra la wa.”

2 Samoɛl 16:8 ပူးပေါင်းရင်းမြစ်များ

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

Sitɔɔla 9:24

Korowii ɛ ɡɛ dɛ kpɔ bɔ Abemɛlɛk ne Sɛkem tena baa chao dɛ kpoo Gedeɔn bibaala fifraanuanɛ la kem.

Wepila 16:6

dɛkalkɛŋɔ ba fa ɡelɔ he nɛra ne he keamere chal fuɡe. Anomanta, he tɛɛ ba chal ba nyɔ. Gɛɛ ba chɛ.”

Yela 4:2

Saŋ besoo he nɛra haa dɛ chɔɡ mɛ la ɛɛ ba ɡela ɔ? Saŋ besoo hɛɛ ba waa aa ɛ wepuu, ne nyosone waa ta teŋa ɡela ɔ?

Yela 3:2

Dɔma la ɡalɡa dɛ bol n waa ŋɔ, “Korowii aa on lɛɛ ba.”

2 Samoɛl 21:9

Kooro Devid kpɔ ba do Gebeɔn tena nɔn ta ba kpoo ba, dɛ kpɔ ba saɡɛ deŋɡare bɛl ta Korowii sie. Nɛra banuanɛ la bwa sewɔ tɔpebeŋkpoŋ. Awola laanee baa pa mea koma mun, asɛ dɛ kpoo ba.

2 Samoɛl 19:21

Belaa Seruya bibaa Abisae ŋɔ, “A ta chɛ kɛŋɔ bá kpo Simei ɡɛ waa nɔ wa aa? O taah nɛn Korowii aa leo dɛ fuɡe noo do o nyu ta, dɛ cheɡo kora ta.”

2 Samoɛl 21:1

Kooro Devid kora dii saŋ la, lɔr chole harɛ la ta teŋɛ dɔŋa nɛɛ bene atoro. Anomanta, o bɔɔrɔ le Korowii be. Asɛ Korowii ŋɔ, “Kooro Sɔɔl ne o lolanar di bolchɔɡe nɛŋkpoa wa, dɛkalkɛ o kpoo Gebeɔn tena la ɡalɡa.”

Yela 55:3

n dɔma aahra baa dɛ aah mɛ, ne fiiɡa baa dɛ fiɡ mɛ nomanta, ba kpɔ wenaale ba ta n nɛ, ba muɡli n baah dɛ hah mɛ.

2 Samoɛl 19:19

dɛ ŋɔ o be ŋɔ, “N dɔɔ, Korowii bɛ ɡel he pa mɛ bolchɔɡe kpa. Bɛ wechɔɡa maa ɛa awola haa dɛ le Jerusalam la lii. N dɛ soŋe kɛ he laa kpɔ he nyu bini.

1 Koranar 2:8

Berɛ no, Gɛra bibaa Simei waa le Bɛnjamen dea dɛ le bwɛɛ bɛl baa dɛ yerɔ Bahurim la lɔ bela. Onee taah mɛ kohona awola maa la bobɛl baa dɛ yerɔ Mahanaim la, kɛ a habɔɔ waa baa chem mɛ Jɔɔdan Moo nyoa la, n ŋwɛɛrɔ Korowii sɔn ta baɡlo kɛŋɔ maa on kpo.

Yela 7:4

dɛ n ɛ nɛn n ne waa soma wechɔɡa, kɛɛ dɛ ɛ nɛn waa cheɡɛ n nɛɛ wechɔɡa pɛɛpɛɛ aa,

Sɛɡla 26:2

Nyotaahna aa wola hen chɛɛ la, do kɛŋɔ jumbii aa dɛ ɡah aa wola daa ta joŋi la ken.