2 Samoɛl 16:5 - mzwDBL

⁵ Kooro Devid aa baa tel bwɛɛ Bahurim la, Gɛra bibaa Simei waa le dea Kooro Sɔɔl aa le o ta balɔ ba chemo. Waa lea dɛɛ ba dɛ o dɛ taahno.

2 Samoɛl 16:5 ပူးပေါင်းရင်းမြစ်များ

2 Samoɛl 16:14

Kooro ne nɛra baa ja o nɛɛ la bwa koɔh ken ɡɛ saŋ baa kaa tel Jɔɔdan Moo ta, asɛ dɛ onɛ.

2 Samoɛl 16:4

Ate, kooro ŋɔ Siba be ŋɔ, “N dɛ ŋɔ he be kɛŋɔ komɛlbwa aa ɛ Mɛfebɔsɛt kwaa la ɛ he kwaa taraken.” Asɛ Siba ŋɔ, “N dɛ duuri, N naa kooro, ɡel he sie lɛ men maa ɛ he bonɔɔ nɛ.”

2 Samoɛl 16:6

Dɛ a lole kɛŋɔ Kooro laa tena ne nɛra baa dɛ daahno bwa baro cheme te, kɛ dɛ Simei dɛ foɡre o ne o nomonome bwa bwea,

2 Samoɛl 17:18

Kɛ awola bɛl, bonɔɔ bɛl na ba asɛ dɛ ŋɔ Absalɔm be, anomanta, ba nɛra banɛ la ɛ warane chwa ka sɔh baa bɛl waa lɔ Bahurim dem. O dɔ kɔlɔŋ bɛl o dembaah, asɛ ba ka jo o bini.

2 Samoɛl 23:31

ne Abi Albɔn waa le Aaba, ne Asmavɛt waa le Bahurim,

2 Samoɛl 3:16

Baa lawɔ dɛɛ kaa la, o jaa Paltiel wio teŋɛ o nɛɛ ka tel bwɛɛ Bahurim ta. Belaa Abna ŋɔ o be ŋɔ “Berɛ kaa dem!” Asɛ o berɛ kaa.

Ɛsta 2:5

Ate, Susa bwɛjen ta bela, dɛ Juu te bɛl lole baa yerɔ Mɔdekae. Bɛnjamen dea o le. O mɛɛ sɔne Jɛɛ, asɛ Jɛɛ ɡe mɛɛ sɔne Simee, asɛ Simee mɛɛ sɔne Kes.

Job Tɔn 30:11

Korowii aa ɡela n ɡwɛɡre, maa wola won ɛ wobɛlbwa nomanta, ba na mɛ naa, ba dɛ ɛɛ mɛ wobɛlbwa baa dɛ nyin.

Yela 102:8

Saŋ bɛlbwaa n dɔma ɛɛ chɛɡ mɛ, n sɔnee ba yerɛ dɛɛ taah nɛra.

Yela 109:28

Baa taah mɛɛ, kɛ hɛɛ swee mɛ andɛɛɡaa. Ba dɛ yoo mɛ naa, hɛɛ ɡeloo sihiih kpo ba, ásɛ men maa ɛ he bonɔɔ nɔ sie lɛ.

Yela 69:26

dɛkalkɛ ba dɛ ɛ nɛra haa tɛr ba deŋne la hɔhɔrɔwa, dɛɛ bol nɛra haa do ba bola, ba bonyɛɡa baa dɛ na la wa.

Kaala 22:27

o ɡboo ken ɛ yal waa dɔa dɛ́ kpɔ tɔ. A ba ɡɛ naa, bɔkwaa wɛɛ ba dɔe dɛ́ kpɔ tɔ chɔɔ? O wio no men Korowii aa, mɛɛ no o bee, dɛ́ chao dɛkalkɛ n dɔ tedoma dɛ tɛ nɛra.

Kaala 22:28

He bɛ nɛnhɛlwobol bol yaɡɛ men Korowii kɛɛ dɛ́ taah he harɛ nomoa.

Sɛɡla 26:2

Nyotaahna aa wola hen chɛɛ la, do kɛŋɔ jumbii aa dɛ ɡah aa wola daa ta joŋi la ken.

Wejereme 10:20

Bɛ he liire ɛ kɛŋɔ, hɛɛ bol kooro bwara wechɔɡe bɛlee, kɛɛ dɛ́ taah suuɡate he dea haa chɔ o bini, dɛkalkɛ jumbie bɛl ken ɛɛ kpɔ waa haa bola laanee ka taa baɡ ba.

Aesaya 8:21

Ba bwara ɛɛ hwaoh baa valɛ harɛ la ta, lɔr ɡe kpo ba, ba kpɔ bandia ha sie nyundua dɛ́ taah ba kooro ne Korowii baa dɛ tomɔ.

1 Samoɛl 17:43

O bɔɔ Devid ŋɔ, “Nyoatee men he kpoŋe daa dɛɛ ba n be naa?” Asɛ o ŋwɛɛ voɡa ta Devid nɛɛ dɛ taahno.