2 Samoɛl 16:10 - mzwDBL

¹⁰ Ate, kooro ŋɔ, “Abisae ne Joab, bɔkwa waa n ne he dɔ ɛɛ yɔ? Dɛ Korowiirii ŋɔa Abisae taah men Devid aa, umee dɛ́ won bɔɔ ŋɔ ɛrɛ waa wɛɛ ɛ ken ɔ?”

2 Samoɛl 16:10 ပူးပေါင်းရင်းမြစ်များ

2 Samoɛl 19:22

Anee Kooro Devid chaŋe ŋɔ, “Seruya bii, bɔkwa waa n ne he dɔ ɛɛ yɔ? He nyin wa ba dawɛ n nɛ, dɛ berɛ n dɔma! A chɛ kɛ bá lawɛ nɛn kpo Israel harɛ ta fini ɡɛ naa? N laa kooro Israel harɛ ta taraken nɔ naa?”

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?

Amanesoma Jɔn Aa Chwera Tɔn 18:11

Pita aa ɛ ɡɛ la, Yeesu ŋɔ o be ŋɔ, “Kpɔ kere la su o tɔɔ ta! N bɛ wahala n Mɛɛ aa cheɡa ŋɔ ń na la na kɛɛ?”

1 Pita 2:23

Ba fa aa dɛ chɛɡro chɛɡtɔrɔ la bwa la, o ta nyoa pile chɛɡɛ nomɛlbwa. Ba fa aa dɛ ɛo hɔhɔrɔwa la bwa la, o ta nomɛlbwa aahrɛ. O kpɔ a bwa tɛ Korowii waa dɛ bol nɛra bwa waa dɛɛ pa bole kasinteŋ ne la.

Matiu 16:23

Belaa Yeesu laa o te berɛ dɛ kɔr Pita ŋɔ, “Le n jwɛh, Bɔnsam! He dɛ neɡ mɛ ń ɛ wechɔɡa, dɛkalkɛ haa anɔ la Korowii aa dɛ nyin la lii, nemenɛ nɛra tetoowa.”

Daneɛl 4:35

Nɛra baa lɔ harɛ nɔ ta waa ta komɛlbwa ɛɛ o be. Gɛ waa dɛ nyin laanee wɛɛ ɛ kwaa aa lɔ nyundua ne harɛ nɛra nɛ. Nomɛlbwa aa won tɔŋlo kɛɛ dɛ́ bɔɔro waa waa ɛa.

2 Samoɛl 3:39

Fini, Korowii fuɡe noo do n nyu ta dɛ lee mɛ cheɡ kɛ kooro te, kɛ n ɡwɛɡrɔ. Seruya bibaala nɔ kpeɡri ɡwaa n nɛ. Korowiirii dɛ́ bɔ nɛnchɔɡe waa ɛ ɡɛ nɔ kem ɡɛ aa chɛa.”

Mumpar 50:20

He te la, he lii n ne wechɔɡa, kɛ Korowii ɡelɔ a berɛ wedɛɛɡa, ɡɛ aa ɛ ó won lɛ nɛndamanta mkpa ɡɛ waa ɛa fini nɔ.

Wejereme 8:4

Kooro aa dɛ di kpeɡri nomanta, dɛ o bol waa, umee dɛ́ won tɔŋlo wɔ?

Job Tɔn 9:12

Dɛ o ŋɔ wɛɛ lɛ komɛlee yaa, umee dɛ́ won tɔɔ ŋwɛnɛ ɔ? Umee dɛ́ won ŋɔ o be ŋɔ, ‘Bɔkwaa hɛɛ ɛ nɔɔ?’

2 Koranar 18:25

He dɛ lii kɛŋɔ Korowii habɔɔ n le dɛɛ ba dɛ́ ba yo he harɛ nɛra nɔ kɛɛ? Korowii ɡbabirii ŋɔ n be ŋɔ, ń ba dɛ́ ba chɔɡ harɛ nɔ.”

1 Koranar 2:5

Kooro Devid berɔ ŋɔ, “He ɡbabir na ɡɛ Seruya bibaa Joab aa ɛɛ mɛ dɛ kpo Israel laa sitɔɔla banɛ. Nɛr bibaa Abna ne Jɛta bibaa Amasa. O saahnɔ kpoo ba kɛŋɔ nɛra baa kpoo ba laa ta bɔ kem, ɡɛ saŋ yaa soɡe deŋnesɔɔhna ta, laa yoi aa wola toole kpa ta. O kpɔ ba chale fɔɡɛ o kiriso ne o naŋɡawa, ba seo ɡure o nyu ta.

Matiu 8:29

Baa chemo la, ba den kpɔ takpeɡ ŋɔ, “Bɔkwaa hɛɛ nyin ya be nɔ, Korowii Bie? He dɛ ba ba do yaa weweele mɔɔ ya weweele nae saŋ la tel kɛɛ?”

1 Koranar 17:18

Anee luhaah la ŋɔ Elaeja be ŋɔ, “Korowii keame, bɔkwa waa he ɛɛ mɛ ken? He balɔ dɛ́ ba lii mɛ n wechɔɡa maa ɛa wa dɛ́ kpo n bie kɛɛ?”

Yela 39:9

N tɔ nyoa name, maa wobɛlbwaa bol kpa, henee ɛɛ mɛ ɡɛ.

1 Samoɛl 26:19

N naa kooro, no men maa ɛ he bonɔɔ waa maa dɛ bol. Dɛ Korowiirii ɡela he fome siwi pa n nɛ aa, mɛɛ kpɔ saraha kwaa tɛo. Kɛ dɛ nɛwɛnyinii dɛɛ ɛ aa, Korowii nyotaahna laɡ ba. Dɛkalkɛ, ba doŋ mɛ le Korowii be o harɛ ta, n ka do harɛfale baa dɛ tomɛ voɡa ɡbo o ta.

2 Samoɛl 19:23

Asɛ kooro ŋɔ Simei be ŋɔ, “N ŋwɛɛrɔ kɛŋɔ a ta chɛ kɛŋɔ bá kpoe.”

Wiile 3:37

Umee dɛ́ bol waa aa won chiɡ, dɛ Korowii laa sɛah kɛ a chiɡo?