2 Samoɛl 16:1 - mzwDBL

¹ Kooro Devid aa kaa sie tama bwe la doa la, Mɛfebɔsɛt bonɔɔ Siba den le bela ba chemo. Dɛ o dɔ keeɡore ane, dɛ kpɔ paanoo lafraanɛ ne ɡrepo daa nɔna aa hola nɔndela lafa, ne fiɡ daa nɔna aa hola nɔndela lafa, dɛ sen oltɔn pur del.

2 Samoɛl 16:1 ပူးပေါင်းရင်းမြစ်များ

1 Samoɛl 25:18

Abiɡel ta hɛlɛ dɛ den kpɔ paanoo lafraanɛ, ne sen oltɔn pure dela anɛ ne peera anue ola baa hala, ne mea baa hala dɛ ɛ baaɡere anue, ne daa nɔna aa hola dɛ ɛ lakaja anue, dɛ fiɡ nɔna dɛ ɛ nɔndela lafraanɛ dɛ kpɔa choɡ keeɡore.

2 Samoɛl 15:32

Kooro Devid aa tel bwe la doa, bela nɛra yon dɛɛ tomɛ Korowii la, dɛ Husai waa ɛ Aaki te lɔ bela, dɛ ba chemo. Dɛ o batakaare kɛɛrɔ, asɛ teera su o nyu bwa.

Emɔs 8:1

Nemenɛ Korowii berɔ ɡel men Emɔs na waane wepila ta ja. N na wɛɡrɛ bɛl daa nɔna aa bea do o bini.

Jeremia 40:12

ba bwa berɔ le bwɛɛre baa peɡra ka so a ta, dɛ ba Juda harɛ ta. Ba ba Gedalia be Mispa, asɛ ba boa sen ne daa nɔna nyoa a warɛ kohona.

Jeremia 40:10

N ɡbabir dɛ ba Mispa soɡa dɛ́ che he naa ta, Babelɔn tena baa dɛɛ ba ya be la sie. Kɛ a chɛ kɛ he boa sen ne daa nɔna ne ɔleve noo nyoa cheɡ, dɛ́ ka so bwɛɛre haa dɛ ba ba so a ta la ta.”

1 Webena 12:40

Deene ane kɛŋɔ Isaaka ne Sebulon, dɛ Naftale deene tena ɡe le bojaŋa, dɛ kpɔ nyoɡmare ne keeɡore ne nabala aa cheɡɛ kondikwa ne men aa kpera kɛrɛdɛ, ne fiɡ daa nɔna aa hola nɔn del, ne daa nɔna ane ɡe aa hola nɔn del, ne sen dɛ ɔleve no. Ba kpɔ nae ne peera aa wara ba ba kpo di, dɛkalkɛ silɛɛ tentenee ba Israel harɛ ta bwa.

2 Samoɛl 19:32

Dɛ Baasilai hwɛɛhrɔ kɛrɛdɛ, dɛ o dɔ bene fifraanuatoro. O dɔ suuɡa taeh, ɡɛ saŋ kooro fa aa soɡe Mahanaim la, dɛ onee dɛɛ tɛo kondikwa.

2 Samoɛl 15:30

Kooro Devid teŋɔ teeh kaa Ɔlevere Bwejen la doa dɛ kaa wi, o kpɔ kon bɔle nyu dɛɛ valɛ nakpapɛɛ, a baɡle kɛ o loo kuu. Nɛra baa ja o nɛɛ la bwa ɡe kpɔ kwaa tɔ nyuune dɛ wi teŋɛ, dɛ teeh dɛɛ kaa.

1 Samoɛl 16:20

Anomanta, Jese kpɔ keeɡo, dɛ kpɔ paanoo ne oltɔn pur sen aa suu, ne bombie ja ŋɔ Devid kpɔ ka tɛ Kooro Sɔɔl.

1 Samoɛl 10:3

He le bela dɛɛ kaa laa, hɛɛ ka tel dajen bɛl waa lɔ bwɛɛ Tabɔ munii. Hɛɛ ka pu baala batoro bane baa dɛ kaa bwɛjen Bɛtel ka ɛ saraha tɛ Korowii. Ba bini bɛl lawɛ bombiire atoro teŋɛ o nɛ, nɛɛte kpoŋe paanoo atoro, asɛ toorote la ɡe kpoŋe sen aa lɔ oltɔn pur bini.

Maeka 7:1

N waa sum kohona! N do kɛŋɔ nɛn waa ɡaaɡa dɛɛ nyin daa nɔna lɔmɔɡa saŋ, waa wola daa bɛlbwa nɔn waa ka o ta kɛɛ ɡrepo nɔna o daa ta nae dɛ́ di. Ba tɔɔ ɡrepo nɔna, ne fiɡ daa nɔna aa soma la bwa.

Sɛɡla 18:16

Koŋkɛɛla pili ŋwɛnɛ dɛɛ tɛ nɛn, a ɡelɔ wɛɛ jo nomonome bini.

2 Samoɛl 19:17

Dɛ Bɛnjamen dea laa tena kaɡboŋ ja o nɛ. Dɛ Siba ɡe waa dɛ daah Kooro Sɔɔl dem la kpɔ o bibaala fi dɛ banue, dɛ bonɔɔna fifraanɛ ja o nɛ. Ba ɛ warane ba Jɔɔdan Moo la nyoa dɛ ba cheme Kooro Devid.