2 Samoɛl 15:30 - mzwDBL

³⁰ Kooro Devid teŋɔ teeh kaa Ɔlevere Bwejen la doa dɛ kaa wi, o kpɔ kon bɔle nyu dɛɛ valɛ nakpapɛɛ, a baɡle kɛ o loo kuu. Nɛra baa ja o nɛɛ la bwa ɡe kpɔ kwaa tɔ nyuune dɛ wi teŋɛ, dɛ teeh dɛɛ kaa.

2 Samoɛl 15:30 ပူးပေါင်းရင်းမြစ်များ

Ɛsta 6:12

Baa tona la, Mɔdekae berɔ ka so koodem doonyoa la ta. Heeman ɡe kpɔ sihiih ne baŋaɡola dɛ le bela kaa o dem warane.

2 Samoɛl 19:4

Kooro kpɔ nɔɔra tɔ sie dɛ do lɔŋɔ kohona ŋɔ, “N bidɛɛɡe Absalɔm, n bidɛɛɡe kohona.”

Ɛsekeɛl 24:23

Hɛ́ ɡel yapondɛɛɡa la vɔwɛ he nyuune, hé do naŋɡaware, dɛ bɛ wi, hɛɛ ɡwaŋɔɔ he wechɔɡa nɔ wa, bɛlbwa sɔh dɛɛ wi.

Ɛsekeɛl 24:17

Wi dɛɛ do he bini. Bɛ wi tɛ lale la, bɛ nakpapɛɛ valɛ, bɛ yal waa vɔwɛ he nyu ta laa kpɔ á baɡle kɛ he dɛ ɛ lwe. Bɛ kon kpɔ tɔ he nyoa, bɛ kondikwaa nɛra baa dɛ ɛ lwe aa dɛ di la ane di.”

1 Kɔrent 12:26

Dɛ bwadabii bobɛl dɔ weela aa, dɛ bwadabii bwaa weela lawɛ la. Dɛ ba kpɛɛ bwadabii bobɛl aa, a dɛ do bwadabii la bwa som.

Tɔn Pɔɔl Aa Chwerɛ Rom Tena 12:15

Nɛra lɔ silɛɛ bini naa, hé puu ba he ne ba lɛ sie. Ba dɛ wi ɡe aa, hé ne ba wi.

We-ɛɛla 1:12

Asɛ Yeesu toroma la le Ɔlevere Bwejen la ta baa cheɡa o kaa nyundua ɡel ba la ta, dɛɛ kaa bwɛjen Jerusalam. A ka tama bwe la ne Jerusalam ɛ kwansini beŋkpoŋ.

Amanesoma Luk Aa Chwera Tɔn 22:39

Yeesu le bwɛɛ la ta dɛ kaa Ɔlevere Bwejen la ta, ɡɛ o yon dɛɛ ɛ la, asɛ o habɔteŋra la teŋɛ o nɛɛ kaa.

Amanesoma Luk Aa Chwera Tɔn 21:37

Dɛ tɔpere bɛlbwaa Yeesu bol waa dɛɛ baɡ ba Korowii Dea, asɛ bɔr baa jo aa, o yon kaa bwe bɛl baa dɛ yerɔ Ɔlevere Bwejen la doa dɛ́ ka chɔ.

Amanesoma Luk Aa Chwera Tɔn 19:41

Baa dɛ ba bwɛjen Jerusalam tela la, Yeesu nyiŋi bwɛɛ la dɛ wi tɛ o tena.

Amanesoma Luk Aa Chwera Tɔn 19:37

Baa wili Ɔlevere Bwejen la dɛɛ tel Jerusalam la, Yeesu habɔɔ nɛra la bwa sie lɛo, baa kpɛɛ Korowii kohona kɛŋɔ waa ɛ nyokpowaa ba na la.

Amanesoma Luk Aa Chwera Tɔn 19:29

Baa dɛ tel Bɛtfej ne Bɛtani bwɛɛre ta, Ɔlevere Bwejen bɔr la, o tomɛ o habɔteŋra la bini banɛ ŋɔ bá tɔ sie,

Matiu 5:4

Nɛra baa dɛ wi taraken la, ba na som, dɛkalkɛ Korowii ɛɛ larawe ba bwaraa.

Sekaria 14:4

Awola tɔpere la, wɛɛ ka che Ɔlevere Bwejen la taa, Jerusalam wee leebɔr. Ásɛ Bwejen la bini bɔne anɛ le wee leebɔr ba kaa wee cholibɔr, dɛ́ ɡel fɛlembɔjen chɔ baah ta, ásɛ Bwejen la pera do weekaŋle nyunduabɔr, o pera ɡe do weekaŋle harɛbɔr.

Yela 43:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee ɛ n Lɛɛ.

Yela 42:3

Sinii ber mɛ kondikwa, chɔɔ ne jwaana bwa. Saŋ bɛlbwaa n dɔma ɛɛ pɛɛ mɛ ŋɔ, “Leperaa Korowii haa dɛ tomɔ la dɔɔ?”

2 Samoɛl 15:29

Anomanta, Sadɔk ne Abiata baa ɛ sɔfore berɔ kpɔ Korowii Ne Nɛwɛnyina Fɔo Daka la kaa Jerusalam dɛ ka so bela.

2 Samoɛl 19:5

Belaa Joab jo kooro dem bela dɛ ka ŋɔ o be ŋɔ, “N naa, he ɡelɔ sihiih kpo he laa tena baa lɛ he ne he bibaala, ne bihaahna ne haahna dɛ he sɛnanar la nyu.