2 Samoɛl 15:2 - mzwDBL

² Absalɔm yon fel ir chɔmbibi, dɛ́ ka che ŋwɛnɛ waa chɔa kaa bwɛjen la doonyoa la keŋkeŋ. Dɛ nomɛl ba waa ne dɛɛ nyin kooro nyiŋi a ta tɛo waa, o yon yerɛ naate dɛ́ bɔɔro bela waa lea. Dɛ naate chaŋo ŋɔ o le Israel deene la bɛl bini naa,

2 Samoɛl 15:2 ပူးပေါင်းရင်းမြစ်များ

Mumpar 34:20

Kooro Hamɔ ne o bie Sɛkem la ba bwɛɛ la doonyoa baa soɡa dɛɛ bol waa la, dɛ ka cheme bwɛɛ la tena dɛ ŋɔ,

2 Samoɛl 19:8

Ate, kooro ɡel wii dɛ ir dɛ ka so bwɛjen la doonyojen la jwɛh. O laa tena la noɔ kɛŋɔ o leɔ dɛ ba so bela, asɛ ba la ka che baro. Anɔ bwa aa dɛ ɛ la, dɛ Israel tena la bwa berɔ kaa ba deremi.

2 Webena 10:7

Anee ba ŋɔ, “Dɛ he sɛoh kɛŋɔ hɛɛ dɛɛ tom baa dɛ sɛh dɛɛ bol wedɛɛɡa ba be tenaa, ate baa tomɛɛ saŋ bɛlbwaa.”

Job Tɔn 24:14

Bɔr joɔ waa, dɛ nɛn waa dɛ kpoo nɛra iro, dɛ́ kaa kpoo nɛŋɡwɛɡra ne nyaara, jwaana dɛɛ bɛɛ kɛŋɔ ŋwɛɛ.

Kaala 18:14

O helabaa Jetro aa nao la, o bɔɔro ŋɔ, “Bɔkwa waa he ɛ dɛɛ tɛ nɛra la bwa nɔɔ? Ɛrɛɛ he ɡbo so ba waa ta dɛɛ bola, hale ba che bare dɛ le chɔɔ ka tel jɔmɔra bwa nɔɔ?”

Kaala 18:16

Dɛ bɛl ne o dɔŋ dɔ waane aa, n siee ba yon ba a ne, ásɛ n so a ta dɛ́ pa bole dɛ́ ɡel ba jemɛ Korowii Mmarare la wa.”

Kaala 18:26

Banee chɔ ba bala nyoo dɛɛ bol ba waa saŋ bɛlbwa. A bini ane baa do kpeɡri aa, bá kpɔ ba Mosis be, anɔ la aa wola kpeɡe ɡe la, ba ɡbabir bola.

Sɛɡla 4:16

Gɛ nɛra la aa won chɔ, dɛ ba ta wechɔɡa ɛɛ, baa won haŋre, dɛ ba ta wechɔɡa dii.

Daneɛl 11:21

Nyundua torome la berɔ ŋɔ, “Nɛmpɛɛ bɛl waa wola kora la ta jae ɛɛ ba chiɡ Siiria kooro naa taa, dɛ́ di kora. Wɛɛ kpɔ laalee ba ta harɛ la ta nɛra nɛ, ɡɛ saŋ baa dɛɛ lii kɛŋɔ deŋnesɔɔhna lole. Ásɛ dɛ che neɡra ŋwɛnɛ ta dɛɛ di kpeɡri.

Matiu 27:1

Tɔɔ aa pera chɔmbibi la, Korowii Dea Sɔfonomonome bwa ne ba harɛ la nomonome chemo dɛ vɔrɔwe Yeesu kpoe vɔrɔwa,

Mmarare 17:8

Dɛ waane bole pae baa do kpeɡri tɛ nɛra baa bol waa dɛɛ pa bole he bwɛɛre la ta, kɛŋɔ nomɛl aa saahna kpo o dɔŋ kɛɛ waa wola saahnɛ, kɛɛ laala ane wa aa lɔ bɛl ne o dɔŋ baah ta, kɛɛ nomɛl aa saahna do o dɔŋ bol kɛɛ waa wola saahnaa, hé kpɔ la bela Korowii haa dɛ tomɔ aa lea tɛ heyaa la,

Rut Tɔn 4:1

Boas la bwɛɛ la doonyoa baa soɡa dɛɛ kpɔ liire la, dɛ ka so bela. Belaa baa la Boas fa aa ŋɔa on tɔ sie o ɡe teŋɛ dɛ dɔ Rut nyiŋa la den baa kaa, asɛ o yerɔ dɛ ŋɔ, “N dam, ba so n be bonɔ tama.” Asɛ o ɡe la dɛ ka so o be bela.