2 Samoɛl 15:12 - mzwDBL

¹² Absalɔm aa kpoo kwaa dɛɛ ɛ saraha la, o ɡe tomɔ ŋɔ bá ka yerɛ Ahetofɛl waa ɛ Gilo te la ó le o bwɛɛ Gilo ba. Dɛ o ɛ nɛn waa dɛ ja Kooro Devid la bini bɛl. Dɛ Kooro vɔrɔwa Absalɔm aa dɛ vɔrɔwe la waa wer kɛrɛdɛ, asɛ nɛra warɛ dɛɛ teŋɛ o nɛ.

2 Samoɛl 15:12 ပူးပေါင်းရင်းမြစ်များ

Yela 41:9

Hale n dansom maa dɛ hwɛɡɛ o nɛ, nɛn n ne waa pɛ nɔn dɛɛ di kwaa la, ɛ n dɔm.

2 Samoɛl 15:31

Dɛ ba ŋɔ Kooro Devid be kɛŋɔ Ahetofɛl ja Absalɔm nɛra o ne baa dɛ vɔrɔwe waa la nɛ. Anomanta, Kooro soŋɔ ŋɔ, “N Naa Korowii, ɡel Ahetofɛl liire bwa berɛ wepuu.”

Josua 15:51

ne Gosen ne Holon dɛ Gilo. A lɔ bwɛjena fi dɛ beŋkpoŋ, a ne a bwɛjeɡre bwa.

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

2 Samoɛl 17:14

Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.

Taetos 1:16

Ba ŋɔ ba jemɛ Korowii, kɛ ba we-ɛɛla dɛ baɡle kɛŋɔ baa Korowii jemɛ. Ba we-ɛɛla doŋo Korowii be kohona, ba deŋne ɡe kpeɡri. Baa won ɛ wedɛɛɡe bɛlbwa bwa.

Amanesoma Jɔn Aa Chwera Tɔn 13:18

He bwa waa laa mɛɛ bol, dɛkalkɛŋɔ n jemɛ banɔ la maa lee ba. Anɔ ɡelɔ waa baa chwera Korowii Tɔn bini la ɛ kasinteŋ kɛŋɔ, ‘N dansom n ne waa pɛ nɔn di kondikwaa la, onee ɛɛ mɛ dɔm.’

Sɛɡla 21:27

Korowii kii nɛnchɔɡe saraha, n baa bol kɛŋɔ haa kpɔ liichɔɡa ɛa.

1 Webena 27:33

Dɛ Ahetofɛl ɡee dɛɛ ja kooro dɛɛ tɛo liire. Husai waa ɛ Aaki te ɛ kooro dam.

1 Koranar 21:12

Ba le tɔpebeŋkpoŋ cheɡ dɛ cheme vɔwɛ nyoa, dɛ yerɛ nɛra cheme dɛ tɛ Nabɔt nomonsobɔr.

1 Koranar 21:9

Tɔne la bini waa nɔ. “Hé bol nɛra be bá le tɔpebeŋkpoŋ cheɡ, dɛ́ cheme vɔwɛ nyoa, dɛ́ ɡel Nabɔt so nomonsobɔr.

Nɛra Kura 23:30

Kooro Balak ɛ waa Balam aa ŋɔ o be la, dɛ kpɔ nabal beŋkpoŋ ne pebal beŋkpoŋ ɛ saraha kon la bɛlbwa ta.

Nɛra Kura 23:14

Dɛ kpɔɔ kaa kpɔɡ baah bobɛl baa dɛ yerɛ bela Sofim, Pesɡa Bwejen doa. O ma kwaa baa dɛ ɛ saraha a ta anuanɛ, dɛ kpɔ nabal ne pebal ɛ saraha bɛlbwa ta.

Nɛra Kura 23:1

Balam ŋɔ Kooro Balak be ŋɔ, “Ma kwaa baa dɛ ɛ saraha a ta anuanɛ, ásɛ dɛ nyin nabala anuanɛ ne pebala anuanɛ ba tɛ mɛ.”

2 Samoɛl 16:15

Absalɔm ne Israel tena bwa ba Jerusalam, dɛ Ahetofɛl ja ba bini.

2 Samoɛl 23:34

ne Ahasbae bibaa Ɛlefɛlɛt waa le Maaka, ne Ahetofɛl bibaa Eliam waa le Gilo,

Yela 41:10

N Naa Korowii, na n sum, laɡ mɛ ir, ásɛ n bɔ n dɔma kem, waa baa ɛɛ mɛ la wa.

Sɛɡla 15:8

Korowii kii nɛnchɔɡa saraha, o dɛ no nɛra ba wa aa toɡra wesoŋa.

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.