2 Samoɛl 15:10 - mzwDBL

¹⁰ Absalɔm sɔɔh tomɛ toroma Israel tena deene la be ba ka ŋɔ, “Dɛ he baa no bɛle sii yaa, he ŋɔ, ‘Absalɔm di kora Hɛbrɔn.’ ”

2 Samoɛl 15:10 ပူးပေါင်းရင်းမြစ်များ

1 Webena 12:38

Gɛ laa tena nɔ bwa kpɔ ba te, dɛ ba Hɛbrɔn sibeɡra ne kɛŋɔ, bá ba cheɡ Devid kora Israel harɛ ta. Dɛ Israel tena la kar bwa dɔ liire beŋkpoŋ kɛŋɔ, Devid ɛ kooro Israel harɛ.

1 Webena 12:23

Laa tena baa kpɔ ba te dɛ ba Kooro Devid be Hɛbrɔn, dɛ́ ba yo Kooro Sɔɔl, dɛ́ lɛ o kora tɛo ɡɛ Korowii aa bola laanee teŋa nɔ.

1 Webena 11:3

Anomanta, Israel nomonome la bwa ba Devid be Hɛbrɔn, o ne ba fɔwɛ fɔo Korowii sie bela, asɛ ba fuɡe noo do Devid nyu ta dɛ cheɡo kora ta Israel harɛ ta, ɡɛ Korowii aa cheɡɛ Samoɛl nɛɛ dɛ bol la.

2 Koranar 9:13

Buɡ la ta, ba ir ɛ warane, dɛ wur ba batakaani, dɛ kpɔ pa kwaa baa cheɡɛ a ta teeh dɛ jo dea la, asɛ Jehu valɛ a ta. Dɛ hoh bɛle dɛ moo ŋɔ, “Jehu di kora.”

1 Koranar 1:34

Hé tel Gehɔn bela aa, hé ɡel sɔfo Sadɔk ne Korowii keame Netan fuɡe noo do Solomɔn nyu ta, dɛ́ cheɡo Israel harɛ bwa kooro. Hé ɡel nomɛl hoh bɛla ásɛ hɛɛ moo ŋɔ, ‘Korowii tɛ Kooro Solomɔn mkpajaŋ!’

2 Samoɛl 19:10

Absalɔm ɡe yaa fuɡe noo do o nyu ta dɛ cheɡo ŋɔ ó ɛ ya kooro la ɡe ka laa ta. Ɛrɛɛ haa wola Kooro Devid ka kpɔe ba te waa bol kpa nɔɔ?”

2 Samoɛl 14:30

Anomanta, Absalɔm ŋɔ o bonɔɔna be ŋɔ, “He nao kɛŋɔ Joab koo teŋɛ n kon ta asɛ o du mea. Hé la dɛ́ ka kpaa nii do o ta.” Anomanta, o bonɔɔna la laŋɔ dɛ ka kpaa nii do koo la ta.

2 Samoɛl 13:28

dɛ ŋɔ o bonɔɔna be ŋɔ, “Hé ɡel he sie do Amnɔn be ɡɛ saŋ waa nyɔ sen dɛ dɛɛ la, mɛɛ lɔ sie he bee, ásɛ he kpoo. Hé te bɛ ɔmɛ. Mɛɛ lɛ wobɛlbwaa dawɛ n nɛ. He bɛ ɔmɛ, dɛ́ che kiŋkiŋ.”

2 Samoɛl 5:5

Waa soɡe Hɛbrɔn la, o di kora Juda bene anuanɛ korobie anumɛl, asɛ Jerusalam ɡe, o di kora Israel ne Juda bwa bene fifraatoro dɛ atoro.

2 Samoɛl 2:11

Kooro Devid di kora Hɛbrɔn Juda dea harɛ ta bene anuanɛ korobie anumɛl.

2 Samoɛl 2:1

A habɔɔ la, Devid bɔɔ Korowii ŋɔ, “N Naa Korowii, mɛɛ won la ka so Juda bwɛɛre nɔ bɛl ta naa?” Anee Korowii chaŋo ŋɔ “Ɔɔh.” Asɛ Devid berɛ bɔɔ ŋɔ, “Bwɛ besoo ta nɔ?” Anee Korowii ŋɔ, “Ka so Hɛbrɔn.”

2 Samoɛl 15:9

Belaa kooro ŋɔ o be ŋɔ, “Kaa deŋnesɔɔhna ne.” Asɛ o kaa Hɛbrɔn.

1 Koranar 1:11

Belaa Korowii keame Netan la Batsiiba waa ɛ Solomɔn nya be dɛ ka ŋɔ, “Jamɔ he ta noɛ kɛŋɔ Haɡit bibaa Adonija cheɡ o te kora ta ya naa Kooro Devid aa wola jemaa?