2 Samoɛl 13:22 - mzwDBL

²² Absalɔm ɡe ta wedɛɛɡe kɛɛ wechɔɡe bɛlbwa bolɛ baɡle Amnɔn, kɛ dɛ o waa lɔ o bini o haoh, dɛkalkɛ o ɡelɔ sihiih kpo o nimambihaah Taama.

2 Samoɛl 13:22 ပူးပေါင်းရင်းမြစ်များ

Mumpar 31:24

Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

1 Jɔn 3:15

Nomɛlbwa waa hah o dɔŋ la do kɛŋɔ nɛn waa dɛ kpoo nɛra ken. He jemɔ kɛŋɔ nomɛlbwa ɡe waa dɛ kpoo nɛra la ta Korowii mkpa aa wola jaɡa dɔe la dɔe.

Mumpar 24:50

Belaa Laban ne Bɛtoɛl chaŋe ŋɔ, “Korowii bee waa nɔ bwa le, anomanta, ya ta liire bɛlbwa dɔe kpa.

1 Jɔn 2:11

Nomɛlbwa waa hah o dɔŋ la do kɛŋɔ nɛn waa lɔ biro ta. O dɛ valɛ, kɛ waa jemɛ bela waa dɛ kaa, dɛkalkɛŋɔ biro la ɡelɔ o nyoŋe.

1 Jɔn 2:9

Nomɛlbwa waa ŋɔa o lɔ bochaah ta, kɛ dɛ hah o dɔŋ la, naate ta lɔ biro tenten ta.

Ɛfesos 4:31

Hé ɡel nyɛɡre doe, ne bandia, ne ɡaeh, ne wesaɡasaɡare, ne bahmuɡliwa, dɛ meesɔhwaa bwa,

Ɛfesos 4:26

Dɛ he baah diu waa, he bɛ ɡel a ɛ bandichɔɡa he ɛ wechɔɡa. Hé ɡel o sɔɔh warane. Aa were kɛŋɔ he baah di wee ka jo dɛ o ta sɔɔhnɛ.

Matiu 18:15

Anee Yeesu berɛ ŋɔ, “Dɛ he dɔŋ ɛɛ wechɔɡa ane aa, la o be he ne o le bokɛre bela nomɛlbwa aa wola toole, dɛ́ ka ɡel o jemɛ wechɔɡa waa kpɔa ɛɛ. Dɛ o na o wechɔɡa dɛ larawe naa, dɛ he berɔ dɔ he chamenate.

Wejereme 7:9

Bɛ ɡel he baah ɛɛ di warawara, ɡɛnee lɛ o dɔŋ waa dɛɛ do o bini.

Sɛɡla 26:24

Nɛn o nyoa wobol aa soma, kɛ dɛ dɔ liichɔɡa la dɛ́ neɡre nɛra.

Sɛɡla 25:9

Dɛ he ne he dɔŋ dɔ waane aa, he ne o ɡbo bola, dɛ bɛ ɡel a le baŋ.

Sɛɡla 10:18

Nɛn waa hah o dɔŋ dɛɛ tɔh la ɛ nyosonteŋni, asɛ nomɛlbwa waa dɛ taa nyokpɛl la ɡɛnɔ.

Mumpar 31:29

N fe dɔ ŋwɛnɛ kɛŋɔ ń won ɛɛ wechɔɡa, kɛ dɛ jwaana ne la, Korowii he mɛɛ aa tomɔ la kah mɛ ŋɔ n bɛ hen aah ŋwɛnɛ bɛlbwa ta.

1 Jɔn 3:10

Anɔ taa yaa ba cheɡa dɛ́ jemɛ banɔ la baa ɛ Korowii bii ne banɔ la baa ɛ Bɔnsam kwa. Nomɛlbwa waa wola wedɛɛɡa aa su Korowii siwi ɛ, kɛɛ waa wola o dɔŋ nyin la, o ta o bie ɛɛ.

1 Jɔn 3:12

Ya bɛ ɛ kɛŋɔ Keen, waa ɛ o te Bɔnsam bie dɛ kpo o nime Abɛl la. Bɔkwaa ɡela o kpoo wɔ? O we-ɛɛla waa ɛa la aa wola were asɛ o nime kwaa do wer la, anee ɡela o kpoo.

2 Samoɛl 13:21

Kooro Devid aa no waa nɔ la, o baah diu kohona.

Sɛɡla 26:26

O ɛ o te kɛŋɔ ba bɛ on hah aa, o wechɔɡa ɛɛ le baŋee nɛra bwa na.