2 Samoɛl 13:19 - mzwDBL

¹⁹ Taama ɛ tɔɔ do o nyu ta dɛ kɛɛ o batakaarejaŋ ondɛɛɡe la. Dɛ kpɔ nɔɔra dawɛ nyu dɛ wi kohona dɛɛ kaa.

2 Samoɛl 13:19 ပူးပေါင်းရင်းမြစ်များ

Jeremia 2:37

Hɛɛ ɡure nyuu su, dɛ́ kpɔ sihiih kaa, dɛkalkɛ Korowii vɛh nɛra haa kpɔ he te dawɛ ba nɛ, baa heyaa cha kpa.”

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

2 Samoɛl 1:11

Belaa Devid ne laa tena baa ja o nɛɛ bwa kɛɛ ba laala a baɡle kɛ ba loo kuu.

2 Samoɛl 1:2

Tɔpetooro wee ta la, baa bɛl le bela Kooro Sɔɔl aa baŋre o tɛnte deene dɛ so la ba. Dɛ o kɛɛ o laala bwa, dɛ ɛ teera su o nyu ta a baɡle kɛ o loo kuu. O la Devid be, dɛ ka ba harɛ dɛ kpɔ duure tɛo.

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Job Tɔn 2:12

O daamanar la aa dɛ ba, dɛ che bojaŋ nao la, ba ta on jemɛ. Ba wio kohona, dɛ laa ba laala kɛɛ, dɛ ɛ tɔɔ do ba nyuune ta, a baɡle kɛ ba loo kuu.

Ɛsta 4:1

Mɔdekae aa na waa baa ɛa la, o kɛɛ o laala dɛ kpɔ lweyal tɔ, dɛ ɛ tɔɔ do o nyu ta, a baɡle kɛŋɔ o tea bini chɔɡɔ. O valɛ bwɛjen Susa fɔɡbaahna dɛ dooɡe lɔŋɔre dɛɛ wi kohona.

1 Samoɛl 4:12

Awola tenten, baa bɛl waa le Bɛnjamen dea chwao le laa la ta dɛ ba Silo, dɛ o laala kɛɛrɔ asɛ teera do o nyu ta a baɡle kɛ o bambile chɔɡɔ.

Mumpar 37:29

Rubin aa bera la kɔlɔŋ la ta dɛ ka na kɛŋɔ o toole bela la, asɛ o laa o batakaare kɛɛ, a baɡle kɛŋɔ o loo kuu.

2 Samoɛl 13:20

Belaa o dɔɔ Absalɔm bɔɔro ŋɔ, “He dɔɔ Amnɔn la ɡelɔ he ne o chɔ kɛɛ? He te hel n nimambie, he dɔɔree on, bɛ nomɛlbwa be bol.” Asɛ Taama so o dɔɔ dem bela, bambichɔɡ ne.