2 Samoɛl 12:16 - mzwDBL

¹⁶ Kooro Devid soŋe Korowii, kɛŋɔ ó ɡel bie la dɔ bokpeɡa. Dɛ o vɔwɛ nyoa, dɛ́ yon ka jo dea jwaana dɛ́ chɔ harɛ.

2 Samoɛl 12:16 ပူးပေါင်းရင်းမြစ်များ

2 Samoɛl 13:31

Belaa kooro ir che dɛ kɛɛ o laala, dɛ chole harɛ, a baɡle kɛ o loo kuu. O bonɔɔna baa ja o nɛɛ bela la ɡe kɛɛ ba laala.

We-ɛɛla 9:9

A di tɔpera atoro, dɛ waa na. Dɛ waa kwaa di, waa nee ɡe nyɔ.

Jona 3:9

O baah ken ɛɛ sɔɔhnoo, ásɛ o dɔ tedoma tɛ yaa, dɛ́ charɛ o liire le o bandia waa dɛ ba kpɔe ba chɔɡ yaa la ta, ásɛ ya bɛ serewe.’ ”

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Yela 69:10

N vɔwɛ nyoa dɛɛ di suna, asɛ nɛra ɛɛ chɛɡ mɛ.

Yela 50:15

Hé yer mɛ he wenaale tɔpere aa, mɛɛ ba lɛ heyaa, ásɛ he kpɔ duure tɛ mɛ.”

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Samoɛl 12:22

Asɛ Kooro Devid chaŋe ŋɔ, “O ta aa soɡe le la, n vɔwɛ nyoa dɛ wi kpela. N liiro kɛŋɔ Korowii ken ɛɛ sune n nɛɛ, ásɛ bie la bɛ sewɛ.

Aesaya 26:16

N Naa Korowii, he tɛr he nɛra deŋne baa na wahala, asɛ ba ba he be ba soŋe.

2 Samoɛl 12:15

A habɔɔ la, Netan kaa dem. Korowii lɔ bibaa Uria haah aa lola tɛ Kooro Devid la bil, wɛɛ we weela.

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Daneɛl 6:18

Kooro la berɔ kaa o dem, o ta wone di kondikwaa jwaana la bwa, o sie ta lɛɛ kɛŋɔ ba ɛ silɛɛ waane bɛlbwa o dem ɡe. O ta wone chɔ dom.

Josua 7:6

Ate, Josua kɛɛ laala waa doa la, dɛ kpɔ sie pi harɛ Korowii Ne Nɛwɛnyina Fɔo Daka la sie, dɛ chɔ bela ka tel jɔmɔra. Israel nomonome la ɡe ɛ ɡɛ, ba ne Josua bwa ɛ teera do ba nyuune ta a baɡle kɛŋɔ ba loo kuu.

Daneɛl 9:3

Asɛ n kpɔ lweyal tɔ dɛ so tɔɔ ta, a baɡle kɛ n dɛ di suna, dɛ vɔwɛ nyoa dɛɛ soŋe Korowii.