2 Samoɛl 11:2 - mzwDBL

² Awola jɔmɔra bɛl, kooro iro le o chɔɔbɔr dɛ baa valɛ saldoa koodem bela. O cheɡɛ bela na haah bɛl waa dɛ sɔ ne. Dɛ o wer tolo taeh,

2 Samoɛl 11:2 ပူးပေါင်းရင်းမြစ်များ

Mumpar 12:11

Baa dɛ kaa a ka tama ba tel Ijipt la, o ŋɔ o haah Sarai be ŋɔ “Gɛ haa wera tolo nɔ,

Mumpar 3:6

Dɛ haah la nao kɛŋɔ daa la nɔn la ɡe wer siwi ta dɛ do wer ne dii, dɛɛ tɛ wejema ɡe ja. Anomanta, o haŋrɔ kahonɛ dɛ cha ane di, dɛ kpɔ ane ka tɛ o jaa ɡe o di.

Mumpar 34:2

Hivi tena Kooro Hamɔ bibaa Sɛkem nao dɛ lawɔ, dɛ ɡuɡru o ne o chɔ.

Mumpar 39:6

Pɔtefa kpɔ komɛlbwa do o nɔn ta dɛ laa liire kpɔ a ta. Kwaa waa dɛ lii a waa kondikwa waa di ɡbo. Dɛ Josef mao kɛrɛdɛ dɛ do wer bonɔɔ ɡe.

Mumpar 6:2

belaa nyundua nɛra la aa naa kɛŋɔ harɛ nɛra la bihaahna la wer la, ba kpɔ ba bini bane mo, asɛ ba ne ba so.

2 Samoɛl 13:1

A habɔɔ la, Kooro Devid bibaa Absalɔm dɔ nimambihaah bɛl waa wola yalɛ baa yerɔ Taama, asɛ Kooro Devid bibaa Amnɔn ɛɛ nyinu. Dɛ o wer tolo kɛrɛdɛ.

2 Samoɛl 14:27

Bibaala batoro ne bihaah beŋkpoŋii Absalɔm lolɛ. Bihaah la sɔne Taama. Dɛ o wer tolo kɛrɛdɛ.

2 Samoɛl 4:5

Remɔn bibaala Rekab ne Baana iro ŋɔ ba dɛ kaa Esbɔsɛt dem. Baa kaa tel bela la, dɛ wee cheɡɛ nyufala, asɛ Esbɔsɛt so dɛɛ onɛ.

2 Samoɛl 4:7

Gɛ saŋ baa lɔ dea la bini la, dɛ Esbɔsɛt chɔ mpa ta. Baa tɔɡɔ o sewɛ tonɛ la, ba teŋe o nyu. Ba kpɔɔ valɛ awola jwaana la bwa Jɔɔdan Fɛlembɔjen bini dɛ kaa.

Job Tɔn 31:1

Job berɔ ŋɔ, “N ŋwɛɛrɔ kɛŋɔ maa bitoloo nyiŋi n pɛla dɔɔ.

Yela 119:37

Bɛ ɡel n pɛla do kwaa aa wola tɔnɔ dɔe ta. Tɛ mɛ mkpa ɡɛ he waa la aa baɡla la.

Sɛɡla 19:15

Bɔhwaahree dɛɛ chɔ dom kohona, ɡɛɛ nɛn waa wola waane ɛɛ nyin la ɡe ɛɛ chɔ lɔr.

Sɛɡla 31:30

Tolwaa te dɛ neɡre nɛn, wer ɡe ɛɛ tu, kɛ haah waa dɛ ɔmɛ Korowii la chɛ kpɛɛra.

Sɛɡla 6:25

Bɛ o wer waa koh dɛ́ ɡel he sie do o nɛ, bɛ ɡel o kpɔ o tolsie neɡre.

Sɛɡla 7:8

Baa dɛ kaa la, dɛ ɡɛne la te valɔ dɛɛ kpɔ bela hanjwamane la aa soɡa. Dɛɛ fɛrɛ haah la dem,

Jeremia 19:13

Jerusalam deene bini ne Juda koranar deene, ne saldor baa fuh daawiile dɛɛ tɛ weweela, dɛ bela baa fuɡe sen ɛ saraha dɛɛ tɛ voɡare bwa ɛɛ kah doŋaa kɛŋɔ Tɔfɛt ken.”

Matiu 10:27

Waa maa dɛ bol he be biro ta la, hé bola webaŋa, ásɛ waa maa sɔah bol he be la, hé bola nɛnlaa baah.

Matiu 24:17

Nomɛlbwa waa soɡe saldoa ɡe, o bɛ berɛ koh o te ŋɔ o dɛ tu dɛ́ jo dea dɛ́ ka kpɔ komɛl kpa.

Matiu 5:28

Kɛ taraken n dɛ ŋɔ he be ŋɔ, he naate haa na haah dɛ nyiŋu he pɛla do o nɛɛ la, he bɔ jwamane he bambile bini.

We-ɛɛla 10:9

Tɔ aa pera baa kaa dɛ ka tel bwɛjen Jopa la, Pita teeh sal dea webaŋa dɛɛ ba Korowii soŋa. Dɛ wee cheɡɛ nyufala.

Mmarare 22:8

Dɛ he do dea aa, ɛ kon bar sal la nyoa, ásɛ a bɛ ba kɛŋɔ nomɛl teeh sal la, dɛ́ le nyundua bela dɛ́ ba le harɛ sewɛ, dɛ́ kpɔ waa do he nyoa.

Mmarare 5:21

He bɛ ɡel he dɔŋa haahna pɛla dɔ heya. He bɛ ɡel he sie beɡre he dɔŋa deremi, ba harɛre ne ba bonɔɔna kɛɛ toli, ba nae ne keeɡore, dɛ komɛlbwa aa ɛ ba kwa.’

1 Pita 4:7

Wobɛlbwa jaɡa tɔpere la telo. Anomanta, hé nyiŋi kɛrɛdɛ, dɛ́ ɡel he sie chɔ harɛ, ásɛ dɛ won dɛɛ soŋe Korowii kɛrɛdɛ.

1 Jɔn 2:16

Bwadabii pɛlchɔɡa kwa, ne anɔ la aa ɛ siwi pɛla kwa, ne waa yaa nyina dɛ kpɔa dɛɛ maŋkura ya te la ɛ harɛ nɔ ta wa. A ta ya Mɛɛ waa lɔ nyundua la be leɛ.

1 Samoɛl 9:25

Baa le saraha bɔr bela dɛ ba bwɛɛ la ta la, Samoɛl ɡelɔ ba pa kalaŋ tɛ Sɔɔl o chɔ o saldoa, asɛ o la o ne o ka bol wa.