2 Samoɛl 10:8 - mzwDBL

⁸ Amɔn tena la kpɔ ba te, dɛ ba che Raba waa ɛ ba bwɛjen la doonyoa, asɛ Siiria tena baa le Soba ne Rehob dɛ laa tena baa le Tob ne Maaka ɡe ka che bwɛɛ la dahare.

2 Samoɛl 10:8 ပူးပေါင်းရင်းမြစ်များ

2 Samoɛl 10:6

Amɔn tena la aa na Kooro Devid bandia kɛŋɔ o mee le ba we-ɛɛla ta la, ba kaa kpɔ Siiria laa tena kaɡboŋa fifraanɛ baa dɛ valɛ le bwɛjena Bɛt Rehob ne Soba, ne Maaka Kooro ne o laa tena kaɡboŋ, dɛ laa tena kaɡboŋa fi dɛ banɛ baa le Tob harɛ ta ɡe ba ba cha ba.

1 Webena 19:7

Kwaa aa do kɛ torɔɡore kaɡboŋa fifraatoro dɛ anɛ la ne nɛra baa so a ta baa nyina la, ba soŋe Maaka kooro ne o laa tena ja, asɛ ba ba so Medeba, asɛ Amɔn tena bwa ɡe le ba bwɛɛre ta dɛ́ ba yo.

Sitɔɔla 1:31

Gɛɛ Aasa dea tena ɡe aa wola nɛra baa lɔ Ako ne Sidon ne Alab ne Aksib ne Hɛlba ne Afɛk kɛɛ Rehob la doŋe.

Josua 19:28

ne Ɛbrɔn ne Rehob ne Hamɔn ne Kana, dɛ kpoŋe kaa Sidon.

Nɛra Kura 13:21

Ate, ba chiɡ ŋwɛnɛ ta dɛ ka sɔh nyiŋi harɛ la. Ba cheɡɛ Sin pua hɛŋle ɡbo harɛ ta, dɛ ka le Rehob waa lɔ Lebo Hamat ŋwɛnɛ ta.

Sitɔɔla 11:3

Anomanta, o chwao le ba bini dɛ ka so Tob harɛ ta. Belaa nɛra bane baa wola waane dɔe dɛɛ ɛ la, ba ja o nɛɛ dɛɛ teŋɛ o nɛ.

Sitɔɔla 11:5

asɛ Gelead harɛ nomonome tomɛ nɛn Jɛfta be Tob harɛ ta,

2 Samoɛl 10:7

Kooro Devid aa no waa nɔ la, o tomɛ Joab ne laa tena la bwa ŋɔ bá ka yoo ba.

2 Samoɛl 10:9

Joab nao kɛŋɔ laa tena lɔ o sie ne habɔɔ, anomanta, o le Israel laa tena baa jemɛ yoi kɛrɛdɛ, dɛ kpɔ ba ka che Siiria tena la sie ba ne ba yo.

2 Samoɛl 23:34

ne Ahasbae bibaa Ɛlefɛlɛt waa le Maaka, ne Ahetofɛl bibaa Eliam waa le Gilo,

1 Koranar 11:24

Resɔn nɔɔ fa boa baala bane nyoa dɛ ɛ ba nomoa ɡɛ saŋ Kooro Devid aa kpoo Soba tena la. Asɛ ɡɛ dɔm la kaa bwɛjen Damaskɔs, dɛ ka lɛ bela dɔɔh dɛɛ di bela kora.

1 Webena 19:9

Amɔn tena la kpɔ ba te, dɛ ba che Raba waa ɛ ba bwɛjen la doonyoa, asɛ koranar baa bala dɛ ba cha la ɡe che bwɛɛ la dahare.

Jeremia 40:8

ba bwa iro la Gedalia be Mispa. Banee Nɛtanea bibaa Ismael, ne Karea bibaala Johanan ne Jonatan, ne Tanhumet bibaa Seraya, ne Efai bibaala baa le Nɛtɔfa, ne Jaasania waa ɛ Maaka te, dɛ baala baa ja ba nɛɛ bwa.