2 Samoɛl 10:12 - mzwDBL

¹² Dɔ bambile, dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

2 Samoɛl 10:12 ပူးပေါင်းရင်းမြစ်များ

1 Kɔrent 16:13

Hɛ́ɛ nyiŋi he te kɛrɛdɛ ásɛ dɛ ta lawɛ waa la bini kiŋkiŋ. Hé dɔ bambile ásɛ dɛ ɡel lawa haa lawɛ waa la bini la do kpeɡri.

Mmarare 31:6

Hé che kiŋkiŋ, he bɛ ɔmɛ. Korowii haa dɛ tomɔ nɔ ɡbaɡba ɛɛ che he mun taa. Waa he jwɛɛh le, waa heyaa ta.”

1 Samoɛl 3:18

Anomanta, Samoɛl bol waa la bwa baɡlo, o ta bɛlbwa kpɔe sɔɔh. Ate Eli ŋɔ, “Onee Korowii, ɡel o ɛ waa aa too o tea.”

Hibru 13:6

Anomanta, yaa wonoo lɔ bambile ŋɔ, “N Naa Korowii dɛ cha mɛ, anomanta, maa ɔmɛ. Ɛrɛɛ nɛwɛnyini ɛɛ ba wona ɛɛ mɛ nɔ?”

Nehemia 4:14

N iro dɛ ka na kɛŋɔ a ɛ waa tɛ nɛra la, anomanta, n ŋɔ ba ne ba sitɔɔla ne ba nomonome, ne banɔ la baa jaa la bwa be ŋɔ, “He bɛ ban ɔmɛ, hé lii ɡɛ Korowii aa do kan dɛ do ɔma kohona, ásɛ dɛ yo tɛ he bwɛɛ tena, ne he bibaala ne bihaahna, ne he haahna dɛ he deremi.”

1 Samoɛl 4:9

Filisti tena, hé dɔ bambile, dɛ́ che kiŋkiŋ kɛŋɔ baala, dɛ ɡɛ laa aa, hɛ́ɛ ka do Israel tena lɔɡaa ɡɛ ba fa aa lɔ ya lɔɡa la. Hé che kiŋkiŋ dɛ́ yo.”

Sitɔɔla 10:15

Asɛ Israel tena la ŋɔ Korowii be ŋɔ, “Ya ɛ wechɔɡa. Ɛ yaa ɡɛ bɛlbwa haa naa kɛ a wer he be. Kɛ soŋe, dɛ́ lɛ yaa taraken.”

1 Webena 19:13

Dɔ bambile dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

Job Tɔn 1:21

dɛ ŋɔ, “Ba lol mɛ mumɡbal, mumɡbal nee n berɛ dɛɛ ba kaala. Korowiirii dɛɛ tɛ, onee dɛɛ lɛ. Hé ɡel ya kpɛɛ o sɔn.”

1 Samoɛl 17:32

Asɛ Devid ŋɔ Kooro Sɔɔl be ŋɔ, “Bɛlbwa bɛ ɡel o bambile chɔɡ Filisti te nɔ wa, men maa ɛ he bonɔɔ nɔ ɛɛ lao dɛ́ ka yoo.”

1 Samoɛl 14:12

Ate, Filisti tena baa lɔ bela la nyɛɡ Jonatan ne o bonɔɔ la nɛɛ ŋɔ, “Hé ba ya be nyundua bonɔ, ásɛ ya baɡle heyaa waane.” Anee Jonatan ŋɔ o bonɔɔ la be ŋɔ, “Teŋɛ n nɛ dɛɛ ba, Korowii kpɔ ba do Israel tena nɔn ta.”

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

Josua 1:18

Nomɛlbwa waa ɛ deŋnekpeɡ waa wola he waa taa teŋɛ la, kpoe yaa ba o kpoe. He te che kiŋkiŋ, dɔ bambile!”

Josua 1:9

Bɛ soh kɛŋɔ maa ŋɔ he be ŋɔ he che kiŋkiŋ dɛ́ dɔ bambile la! Bɛ ɔmɛ, bɛ ɡel he bwara ɡe yɔr. Men, Korowii haa dɛ tom mɛ la, n teŋɛ he nɛɛ bobɛlbwa haa kaa.”

Nɛra Kura 13:20

Hé nyiŋi bela harɛ teera la na, harɛdɛɛɡee kɛɛ harɛdɛɛɡe laa ɔ? Daa lɔ o ta kɛɛ daa toole o ta nɔ? Hé takapɔ ba daa aa lɔ bela nɔna ane ne.” Dɛ ɡrepo nɔnloɡla swɛɛra saŋee.

2 Webena 32:7

“Hé che kiŋkiŋ, hé dɔ bambile. He bɛ ɔmɛ, he bɛ ɡel he bwara yɔr Asiiria koojen ne o laa tena baa wara kohona nɔ wa. Kpeɡri waa ja ya nɛɛ la ɡwaa kpeɡri waa ja ba nɛ.

Hibru 11:33

A ɡɛ nɛra nɔ bwa yarada Korowii kohona, dɛ che ba yarada ta yo koranar dɛ pɔ ba nɛ, dɛ ɡel nɛra ɛɛ ɛ waa aa toɡra Korowii ŋwɛnɛ ta, asɛ Korowii ɛ waa waa baɡɛ nyoa la ane ba bere saŋ. Ba wono tɔ nyujentena nyoo, a ta wone laɡ ba.

2 Samoɛl 10:11

Belaa Joab ŋɔ Abisae be ŋɔ, “Dɛ he baa na kɛŋɔ Siiria tena la dɛ pɔ n nɛ aa, he ba dɛ́ ba lɛɛ mɛ, dɛ Amɔn tena ɡe kpeɡri ba dɛ ɡwaa he nɛ aa, ń ɡe ba lɛɛ.

Mmarare 31:7

Ate, Mosis yerɛ Josua dɛ bol o be Israel tena la bwa siwi ta ŋɔ, “Che kiŋkiŋ, bɛ ɔmɛ, dɛkalkɛŋɔ henee dɛɛ ba nɛra nɔ sie tɔe, dɛ́ kpɔ ba ka so harɛ Korowii aa kpɔa baɡɛ ba naawa nyoa la ta.

2 Samoɛl 15:26

Kɛ o sie ta n nɛɛ lɛɛ yaa, ó ɛ ɡɛ bwa aa too o tea.”

Nehemia 4:8

Asɛ ba bwa pɛ, dɛ vɔrɔwe kɛŋɔ, bá ba yo Jerusalam, dɛ́ kpɔ sibeɡra ba ta nɛra baa lɔ bela nɛ.

Ɛsta 4:16

“Kaa dɛ́ ka yerɛ Juu tena baa soɡe bwɛjen Susa nɔ ta bwa cheme, ásɛ he vɔwɛ nyoa dɛ soŋe Korowii tɛ mɛ. He bɛ kwaa di, dɛ bɛ nee ɡe nyɔ tɔpera atoro chɔɔ ne jwaana. N ne n toli ɡe ɛɛ ɛ ɡɛɛ, a lole kɛŋɔ kooro ta nɛn yerɛ aa waa o sie la, kɛ mɛɛ lao. Hale seo kwaraa yaa, ń sewɛ.”