2 Samoɛl 1:24 - mzwDBL

²⁴ Israel haahna, hé wi Kooro Sɔɔl, a do kɛ waa kpɔ yaswɛm dɛɛɡe tɔ heya, dɛ kpɔ kwaa baa kpɔ suuɡaswɛm ɛa do heya.

2 Samoɛl 1:24 ပူးပေါင်းရင်းမြစ်များ

Jeremia 2:32

Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

Sitɔɔla 5:30

‘Ba ken pa laa ta kwaa dɛɛ bɔna, baa bɛlbwa dɔ haah beŋkpoŋ kɛɛ banɛ, Sisera ɡe dɔ laaladɛɛɡa baa sɔh kwaa dawɛ a ta, haahna laaladɛɛɡa aa wera dɛ́ ba tɛ mɛ. Anɔ bwa ɛ kwaa baa paa laa ta.’

Sɛɡla 31:21

Waa ɡelɛ waa ɛɛ kpo o dem tena waa saŋ. O dɛ tɔ ba yale.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

2 Samoɛl 1:23

Kooro Sɔɔl ne Jonatan waa wer ba soɡa bini dɛ dɔ nyokpoa kohona, ba baah ta pere ba seo bini bwa. Ba ɡbaŋre ɡwaa kee bɛlbwa, dɛ do kpeɡri ɡwaa nyujentena.

2 Samoɛl 1:25

Na ɡɛ banyoola aa sewɛ laa ta! Jonatan sewɔ chɔ Gelboa bwejen doa.

Sɛɡla 25:12

Nɛn waa dɛ no nɛn waa jemɛ waa wejaala la, a ɡwaa kwaa baa kpɔ suuɡaswɛm tenten ɛa.