2 Samoɛl 1:23 - mzwDBL

²³ Kooro Sɔɔl ne Jonatan waa wer ba soɡa bini dɛ dɔ nyokpoa kohona, ba baah ta pere ba seo bini bwa. Ba ɡbaŋre ɡwaa kee bɛlbwa, dɛ do kpeɡri ɡwaa nyujentena.

2 Samoɛl 1:23 ပူးပေါင်းရင်းမြစ်များ

2 Samoɛl 1:24

Israel haahna, hé wi Kooro Sɔɔl, a do kɛ waa kpɔ yaswɛm dɛɛɡe tɔ heya, dɛ kpɔ kwaa baa kpɔ suuɡaswɛm ɛa do heya.

2 Samoɛl 2:18

Dɛ Seruya bibaala batoro lɔ bela. Banee Joab ne Abisae dɛ Asahɛl. Dɛ Asahɛl won chwae kɛŋɔ kweɡla ken.

2 Samoɛl 23:20

Dɛ Jehoiada bibaa Bɛnaya ɛ nɛn waa won yoi kɛrɛdɛ, dɛ le bwɛjen Kabseel ta, o ɡe ɛ wejena kɛrɛdɛ. Onee wona ka kpo Moab baala banɛ baa won yoi kɛrɛdɛ la. O berɔ jo bɔɔ bini awola bɛl, dɛ dombwea leero dɛ ka kpo nyujente.

1 Webena 12:8

Baala bane le Gad dea dɛ ba ja Kooro Devid laa tena la nɛɛ dekpeɡ la ta pua hɛŋle ɡbo harɛ ta bobɛl. Ba ɛ banyoola baa kpoŋe kwaa baa kpɔa tɔ ɡbemɡbe dɛɛ yo laa ne lampeare. Ba siebɔra do ɔma kɛŋɔ nyujentena ken, dɛ do ɡbaŋre kɛŋɔ kweɡli aa lɔ bwejena dor.

Job Tɔn 9:26

A do kɛŋɔ ɡbera aa chɔŋɛ nee sie dɛɛ kaa warane, kɛɛ kee aa le nyundua, dɛɛ ba ba lawɛ kon di la ken.

Sɛɡla 30:30

Bɛlee puadɔɔ, o bwara kpeɡri ɡwaa ola bwa, waa komɛlbwa ɔmɛ kpɔɡ baah,

Yelsom 5:16

O nyoa som ne moe, o wobɛlbwa wer tɛ mɛ. Jerusalam haahna, ɡɛ n sɛnodɛɛɡe aa doa mɛɛ nyinu kohona laanee la.

Jeremia 4:13

Korowii ŋɔ, “Hé na, dɔm la dɛ ba kɛŋɔ baama ken, kwaa aa do kɛŋɔ torɔɡore ɡee ba kɛŋɔ kawulewule, o jaɡre ɡbaŋre ɡwaa kɔle.” Nɛra la ŋɔ, “Ya bwɛɛlɛ, ya bwa serewɔ!”

Wiile 4:19

Ba ɡbaŋre ɡwaa kɛŋɔ kee yon le nyundua la ken, dɛ ba tɔ ya nɛ. Ba ti yaa bwejena dor, dɛ ka sɔh dɛɛ kpaah yaa pua hɛŋle ɡbo harɛ ta.

Mmarare 28:49

Korowii ɛɛ ɡeloo nɛra haa wola ba wobol no, le harɛ jaɡa dɛ́ ba he nɛɛ wɔrɔbe nɛɛ kɛŋɔ kee yon ba ta la.

Sitɔɔla 14:18

Wee aa dɛ ba joe la, nɛra la baɡle Samsen waa la mun ŋɔ, “Tohnoo som ɡwaa komɛlbwa. Nyujente bwara kpeɡri ɡwaa komɛlbwa.” Anee Samsen chaŋe ŋɔ, “N haah laa baɡle heya aa, he fe aa won jemɛ waa nɔ mun.”

1 Samoɛl 18:1

Devid ne Kooro Sɔɔl baa bol waa tonɛ, asɛ Jonatan sie lɛ Devid nɛ, asɛ o ne o kpɔ darame wɛɛ nyinu kɛ o ɡbaɡba ken.

1 Samoɛl 20:2

Jonatan chaŋo ŋɔ, “Akai, Korowii ɛɛ la ane bojaŋ kɛ he sewɛ! Dɛ n mɛɛ ɛɛ ɛ wejena kɛɛ wejeɡa bɛlbwa kwaraa yaa, o ɡelɔ mɛɛ jemɛ a bini. Waa kpɔ sɔɔh mɛ. A ta kasinteŋ ɛɛ.”