2 Samoɛl 1:10 - mzwDBL

¹⁰ Anomanta, n laŋɔ dɛ ka kpoo, dɛkalkɛ n jemɔ kɛŋɔ waa dɔa ɡwɛɡre la, o chola bini la, dɛ o ne sewee. Ate, n laa o kooɡbɛrɛ ne o baŋe kpɔ ŋɔ ń kpɔ ba tɛɛ la, n dɔɔ.”

2 Samoɛl 1:10 ပူးပေါင်းရင်းမြစ်များ

Matiu 7:2

dɛkalkɛ ɡɛ haa dɛ pwah he dɔŋa la, ɡɛɛ Korowii ɡee ba heyaa pwaeh. Kon haa kpɔa maɡɛ kwaa tɛ he dɔŋ la tentenee baa ba kpɔe maɡɛ tɛ he ɡe.

Sitɔɔla 9:54

O yerɛ o bonɔɔ waa cheɡɛ o dɔmkwaa la dɛ ŋɔ, “Ɛ warane dɛ́ kpɔ he kere ba kpo mɛ, ɡɛ aa ɛ ba bɛ ba ŋɔ haahnee kpo mɛ.” Asɛ o bonɔɔ la laa kere pamɛ dɛ tɔɡɔ o sewɛ.

2 Koranar 11:12

Name sɔfo Jehoiada ka lawɛ Joas le buse, dɛ kpɔ kooɡbɛrɛ piu, dɛ kpɔ fɔo baa fɔwa dɛ che o ta dɛɛ di kora harɛ la ta do o nɔn ta. Dɛ fuɡe noo do o nyu ta dɛ cheɡo kora ta, asɛ ba lɔ kpaŋa dɛ moo ŋɔ, “Kórowii tɛ kooro mkpajaŋ!”

Wiile 5:16

Komɛlbwa toole ya won dɛɛ tamane o waa kpa. Ya ɛ wechɔɡa nomanta, wenaale kohona ba ya nɛ.

2 Samoɛl 12:30

A habɔɔ, Kooro Devid la Raba dɛ ka laa ba voɡ Molɛk kooɡbɛrɛ kpɔ o nyu ta. O tɔɡre ɛɛ ɛ suuɡaswɛm kilore fifraatoro dɛ anaarɛɛ, ba bil bwedɛɛɡa a yoɡ aa kpeɡa o ta asɛ o kpɔ pi. O pa ba laaladɛɛɡa kɛrɛdɛ le bwɛjen la ta kaa,

1 Samoɛl 22:18

Ate, kooro berɛ ŋɔ Doeɡ waa le Edom la be ŋɔ, “Berɛ he te, dɛ́ kpoo sɔfore nɔ.” Anomanta, o berɛ o te dɛ kpoo ba. O kpoo sɔfore fifraanuatoro dɛ banue baa do sɔfo batakaarebori efɔd baa kpɔ yapondɛɛɡa ɛa.

Sitɔɔla 1:7

Belaa kooro la ŋɔ, “N fa teŋni koranar fifraanuanɛ nanibala ne nonibala, ba tɔɔ kondikompuɡrere dɛɛ di n tiɡ ta. Korowiirii ɡela waa maa ɛɛ ba la ɡure n nyu ta la.” Ba kpɔɔ kaa bwɛjen Jerusalam o ka sewɛ.

2 Samoɛl 1:9

Belaa o ŋɔ, ‘Ba, dɛ́ ba kpo mɛ. Ba do mɛ bol kohona, mɛɛ ba sewa.’

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”