2 Samoɛl 1:1 - mzwDBL

¹ Kooro Sɔɔl seo habɔɔ, Devid le laa o ne Amalɛk tena aa kaa yo o pɔ ba nɛɛ la ba, dɛ ba so bwɛjen Siklaɡ tɔpera anɛ.

2 Samoɛl 1:1 ပူးပေါင်းရင်းမြစ်များ

Mumpar 14:7

Ba berɔ laa berɛ dɛ yo ba Kades, o sɔn bɛl ɡee Ɛn Mispat. Ba yoo dɛ lɛ Amalɛk tena harɛ bwa, asɛ dɛ pɔ Amɔre tena baa soɡe Hasasɔn Taama la ɡe nɛ.

1 Samoɛl 27:6

Anomanta, awola tɔpere la, Kooro Akis kpɔ bwɛɛ Siklaɡ tɛo o ka so bela. Le ɡɛ saŋ dɛ kaa la, Siklaɡ ɛ Juda koranar bwɛɛre la bɛl.

1 Samoɛl 30:1

Tɔpetooro wee la, Devid ne o laa tena valɔ dɛ berɛ ba bwɛjen Siklaɡ. Dɛ Amalɛk tena baa yo Juda weekaŋle harɛbɔr bwɛɛre, dɛ ba pa ba laala dɛ fuh Siklaɡ,

1 Samoɛl 31:4

Asɛ Kooro Sɔɔl ŋɔ o bonɔɔ waa dɛ che o dɔmkwaa la be ŋɔ, “Pamɛ he kere la, dɛ́ ba tɔɡ mɛ kpo, ásɛ nɛra baa wola Korowii tomɛ nɔ bɛ men ba kpo dɛ́ chɛɡ mɛ ja.” Kɛ dɛ bonɔɔ la dɛ ɔmɛ kɛ ó ɛ ɡɛ, anomanta, Kooro Sɔɔl pamɛ o ɡbaɡba kere dɛ chole o ta.

1 Samoɛl 31:6

Gɛɛ a do Kooro Sɔɔl ne o bibaala batoro ne o bonɔɔ dɛ o laa tena bwa sewɛ awola tenten.