2 Pita 3:14 - mzwDBL

¹⁴ Anomanta, n dandɛɛɡa, haa dɛ kpa awola tɔpere la, hé swɛɛ siwi kɛŋɔ hɛɛ do ɡoroŋee dɛ bɛ wechɔɡa bɛlbwa dɔ Korowii sie, ásɛ he ne o baah do wer.

2 Pita 3:14 ပူးပေါင်းရင်းမြစ်များ

Matiu 24:26

Dɛ nomɛl ŋɔ he be ŋɔ Kristo la lɔ kpɔɡ bini naa, he bɛ bela la. Dɛ nomɛl ɡe ŋɔ, ‘Nyiŋi na, o sɔh dea nɔ bini’ naa, he bɛ yarada,

Matiu 25:7

Bitoli fi la bwa ir doromi ta, dɛ kwaa ba kandere.

Amanesoma Luk Aa Chwera Tɔn 12:43

Dɛ bonɔɔ la dɔɔ la baa puu, dɛ o dɛ ɛ ɡɛ waa kpɔa do o nɔn ta la aa, bonɔɔ la sie ɛɛ lɛo.

Amanesoma Luk Aa Chwera Tɔn 2:29

“N Naa Korowii, he teŋɛ he nyobaɡa ta, name te hɛɛ wonoo ɡel men maa ɛ he bonɔɔ sewɛ sɔnɔnɔɔ,

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

Felepae 1:10

ásɛ dɛ won jemɛ waa aa wera kohona. Anee dɛ́ ɡel he won do kaih, nomɛlbwa aa wola he wechɔɡa dɔe ba dɛ bol ka tel awola Yeesu Kristo aa ba la.

Felepae 2:15

dɛkalkɛŋɔ a wer kɛŋɔ he ɛ Korowii bii nomɛlbwa aa wola he wechɔɡa dɔe dɛ bol, he tea to, he do kaih. Fini nɛra baa ɛ wechɔɡ-ɛɛra kɛrɛdɛ baa wola ŋwɛnɛ la ta kpɔ baahnee he do. Gɛ weweela aa dɛ chaah jwaana biro ta la, ɡɛɛ chɛ kɛ he do ba baah dɛɛ chaah.

Felepae 3:20

Kɛ harɛ nɔ ta ya bwɛɛ ɛɛ. Ya bwɛɛ lɔ nyundua. Yaa lɔ bonɔ nɔ, ya siwi swɛɛrɔ yaa kpa ya Dɔɔ Yeesu Kristo waa ɛ ya Lɛɛ la ó le bela ba.

1 Tesalonika 3:13

Wɛɛ ɡeloo he do kpeɡri, dɛ bɛ wechɔɡa dɔ, dɛ́ ɛ nɛndɛɛɡa N Naa Korowii waa ɛ ya Mɛɛ la be, awola o ne o toromedɛɛɡa la bwa aa ba la.

1 Tesalonika 5:23

Korowii waa dɛ tɛ yaa bosɔɔhna la, ó ɡbabir laa doŋa bwa kpɔ he nɛ, dɛ ɛ heyaa nɛndɛɛɡa ŋwɛnɛ bɛlbwa ta ka tel kɛŋɔ ya Dɔɔ Yeesu Kristo aa ba.

1 Timoti 6:14

kɛ hé lawɛ waa nɔ bini kɛrɛdɛ dɛ́ ɡel a toɡre, ásɛ nɛra bɛ a wobɛlbwa dɔ bol dɛ́ ka tel ɡɛ saŋ ya Dɔɔ Yeesu Kristo aa berɛ ba ja.

Hibru 9:28

Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

2 Pita 3:1

N dandɛɛɡa, tɔn nɔɔ n tɔn nɛɛte maa chwerɛ heya. N tɔne anɛ nɔ bwa bini la, n dɛ lii heyaa ásɛ he do wɔrɔbe waa nɔ ta, dɛ́ dɔ tepoŋ.

2 Pita 3:16

Pɔɔl dɛ bol a ɡɛ waa nɔ o tɔne bwa bini. Ane ta Pɔɔl tɔne waane mun noe kpeɡri taeh. Anomanta, nɛra baa wola wobɛlbwa jemɛ baa wola cheɡɛ kiŋkiŋ la, ba dɛ berɛ waa la sie. Gɛɛ a ɡɛ nɛra nɔ ɛɛ baɡle Korowii Tɔn bini waa la ane ɡe. Kɛ ba ɡbaɡba nyu taa ba ɛ dɛɛ dawɛ.

1 Jɔn 3:3

Nomɛlbwa waa dɔ ɡɛ hwɛɡa Yeesu Kristo nɛɛ la chɛ kɛ ó lawɛ o te, dɛ́ laa o te dɛ́ɛ kpɔ wechɔɡa ŋwɛnɛre ta, dɛ́ won do kaih ɡɛ tenten Yeesu Kristo aa do kaih la.