2 Pita 3:10 - mzwDBL

¹⁰ Ya Dɔɔ Yeesu bala tɔpere la, wɛɛ piɡruu kɛŋɔ ŋwɛɛ bala aa dɛ piɡri la ken. Awola tɔpere la, nyundua ɛɛ jiɡru kikikiki, dɛ́ nyoɡre nɛra siwi ta. Kwaa aa lɔ nyundua bwa ɛɛ fuuh dɛ́ mwɛɛ, ásɛ harɛ ne kwaa aa lɔ o ta bwa fuh.

2 Pita 3:10 ပူးပေါင်းရင်းမြစ်များ

Yela 102:26

A bwa ɛɛ chɔɡoo, aa wola lee do kpa, kɛ he te ɛɛ do lee dɛɛ la. A bwa ɛɛ ba ɛ kombenaa ba kpɔ ta kɛŋɔ yal yon hɛh la.

Yela 46:6

Korowii kpɔ ɔmee ba ta harɛre nɛra nɛ, o kɔrɔ kɛŋɔ bwaala, asɛ harɛ mwɛɛ.

Yela 97:5

Bwejena dɛ mwɛɛ kɛŋɔ tohkel, Korowii waa dɛ di kora harɛ nɔ nɛra bwa nɛɛ la sie.

Aesaya 2:12

Nemenɛ Korowii le tɔpere bɛl cheɡ, dɛ tɛ nɛra baa dɛ ɛ mbarafo ne sɔnnyin, ne nɛra baa dɛ ɡɔɔ ba te, dɛ́ ba ba ne harɛ.

Aesaya 24:19

Harɛ ɛɛ peroo, wɛɛ jiɡruu dɛ́ peɡri.

Aesaya 34:4

Wee ne korobie dɛ weweela bwa ɛɛ nyoɡroo, ásɛ Korowii doa ɡuɡri kɛŋɔ baa ɡuɡri kalaŋ la. Kwaa aa lɔ nyundua bwa ɛɛ lee harɛɛ kɛŋɔ papohola aa le daa ta dɛɛ lee la.

Aesaya 51:6

Hé ha sie nyiŋi nyundua, dɛ́ berɛ ba sie ne harɛ dɛ́ nyiŋi. Nyundua ɛɛ nyoɡroo kɛŋɔ ninchuu ken, ásɛ harɛ ɡe chɔɡ kɛŋɔ yakwara aa kɔɔhna ken, nɛra baa lɔ o ta serewe kɛŋɔ chwɛɛhne. Kɛ lɛɛ maa dɛ ba nɛra lɛɛ la ɛɛ do lee saŋ bɛlbwa dɛɛ la. N waa aa toɡra ɡe aa tonɛ bwa.

Joel 1:15

Tɔpere Korowii aa lea cheɡ la telo, saŋ On Kpeɡri Bwa Dɔɔ la aa ba chɔɡa ne la. Wɛɛ ba ɔmee kohona nee ba ta nɛra nɛ.

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Joel 2:31

Wee dɛ ba bira, ásɛ korobie swɛɛ kɛŋɔ chal ken, mɔɔ Korowii Tɔpejen waa do ɔma la ba.

Joel 3:14

Nɛra kaɡboŋa baa wola nyoa dɔe, lɔ Jehosafat Fɛlembɔjen bini. Dɛkalkɛ, Tɔpere Korowii aa lea cheɡ la telo tonɛ, fɛlembɔjen la bini.

Emɔs 9:13

Korowii ŋɔ, “Tɔpera la dɛ ba, ásɛ nɛn waa dɛ parɛ tɔ nɛn waa dɛ komɛ sie, onɔ la waa dɛ du ɡe tɔ nɛn waa dɛ tiɡri ɡrepo nɔna sie. Senfala ɛɛ koruu le bwejena dor dɛ́ palɛ kpɔ deŋɡarere ta.

Emɔs 9:5

Korowii, onee Koranar Bwa Kooro, onee kpɔ nɔn leɡe harɛ wɛɛ mwɛɛ, asɛ nɛra baa lɔ o ta bwa ɛɛ wi. Harɛ la bwa ɛɛ beɡre kɛŋɔ Nael Moo yon su, dɛ́ berɛ hweeh ka chɔ o buɡ ta la.

Maeka 1:4

Asɛ bwejena bwa mwɛɛ o lɔɡa, kɛŋɔ tohkel aa chɔŋɛ nii ta, dɛ palɛ dɛɛ jo fɛlembɔjena bini kɛŋɔ bɔchuubu ken.

Neehum 1:5

Bwejena dɛ jiɡri o sie, deŋɡarere ɛɛ mwɛɛ. Korowii leɔ dɛɛ ba naa, harɛ bwa ne nɛra baa lɔ o ta bwa dɛ chel.

Malakae 4:5

Hé no, mɛɛ tomɛ n keame Elaeja he bee, mɔɔ men Korowii Tɔpejen waa do ɔma kohona la ba.

Matiu 24:35

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Amanesoma Mak Aa Chwera Tɔn 13:31

Nyundua ne harɛ ɛɛ chɔɡoo. Aa lee ba do kpa. Kɛ n waa maa bola te bwa ɛɛ do lee saŋ te bɛlbwa.

Amanesoma Luk Aa Chwera Tɔn 12:39

Hɛ́ɛ no. Dɛ dem te fe jemɛ ɡɛ saŋ ŋwɛɛ aa ba ŋwɛo waa, o fe aa ɡel ó won ba jo o dem dɛ́ ŋwɛo.

Tɔn Pɔɔl Aa Chwerɛ Rom Tena 8:20

A dɛ yo dɛ yo kaahonɛ, dɛkalkɛŋɔ a ta a te dɔe. Korowiirii taa o tetoora ta kɛŋɔ a bɛ kpeɡri dɔ. Kɛ a dɛ hwɛɡɛ

1 Kɔrent 1:8

Ya Dɔɔ Yeesu Kristo nɔɔ dɛɛ ba ɡela he che kiŋkiŋ ka tel he serewe bena, ásɛ awola tɔpere waa ba la, wechɔɡa bɛlbwa bɛ he nɛɛ do.

1 Kɔrent 5:5

hé kpɔ naate bwadabii do Bɔnsam nɔn ta ó chɔɡo, ásɛ awola tɔpere ya Dɔɔ aa ba la, ó ɡe ba lɛ o doma te.

2 Kɔrent 1:14

Taraken haa jemɛ ya waa tama nɔ, n dɛ lii kɛŋɔ hɛɛ jemɛ ya waa bwaa, ásɛ awola tɔpere ya Dɔɔ Yeesu Kristo aa ba la, he baŋa pa ya waa kɛŋɔ ya baŋa aa pa he waa la.

1 Tesalonika 5:2

dɛkalkɛŋɔ he bwa jemɔ kpela kɛŋɔ tɔpere ya Dɔɔ la aa ba la ɛɛ piɡruu kɛŋɔ ŋwɛɛ aa dɛ piɡri nɛn jwaana la.

1 Tesalonika 5:4

Kɛ yabala, he te toole biro ta, he sie chaah waa nɔ ta. Anomanta, Yeesu bala la aa heyaa piɡri kɛŋɔ ŋwɛɛ.

2 Pita 3:11

Kwaa nɔ bwa aa dɛ ba fuih ken nɔ, dɛ ɛrɛɛ chɛ kɛ he doɔ? A chɛ kɛ he do ɡoroŋ he soɡa bini, dɛ́ kpɔ he te tɛ Korowii,

2 Pita 3:12

dɛɛ kpa Korowii Tɔpere La nyundua aa fuh kwaraa ásɛ harɛ ɡe komɛlbwa fuh dɛ́ mwɛɛ kwaraa la. Hé swɛɛ siwi ásɛ Korowii Tɔpere La ba warane.

2 Pita 3:7

Gɛɛ Korowii ŋɔ nyundua kwaa bwa ne harɛ kwaa bwa aa lole taraken nɔ, á do le ɡɛ, ásɛ nii ɛrɛ ba fuah awola waa dɛ ba nɛra baa wola on tomɛ waa bola dɛ́ pa bole, dɛ́ chɔɡ ba la.

Tɔn Jud Aa Chwera 1:6

Nyundua toroma ɡe aa wola ɡelɛ bela Korowii aa tɛɛ ba ŋɔ bá di kpeɡri maɡre ba ne, dɛ́ le ba dobɔr la, ó tɔ ba do biro ta, dɛ́ do ba jɔɡrɔre waa wola ban foo ta bwa, dɛ́ ka tel kɛŋɔ o tɔpejen waa dɛ ba nɛra waa bola dɛ́ pa bole la.

Wepila 16:15

Hɛ́ɛ no. Mɛɛ piɡri heyaa kɛŋɔ ŋwɛɛ ken. Naate waa wola dom chɔ dɛ do o laala dɛ so dɛɛ kpa la na som. N balaa, waa mumɡbalee valɛ nɛra nao ásɛ sihiih kpoo.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 21:1

Belaa n na nyundufale ne harɛfale bɛl. Dɛ nyundua ne harɛ la a fa aa lole la te nyoɡrɔ, asɛ mpo ɡe nyoɡre.

Wepila 3:3

Hɛ́ɛ lii ɡɛ ba fa aa baɡle heyaa ne waa haa noa la, dɛ́ lawɛ a bini, dɛ́ charɛ he liire le he wechɔɡa ta. Dɛ he ta nyu ne iraa, mɛɛ piɡri heyaa kɛŋɔ ŋwɛɛ ken, haa wola jemɛ ɡɛ saŋ maa ba he be.

Wepila 6:14

Asɛ Korowii doa nyoɡre n siwi ta kɛŋɔ baa ɡuɡri kalaŋ la. Bwejaŋa ne ekwie ɡe chuɡri le a buɡe ta kaa.