2 Pita 2:20 - mzwDBL

²⁰ Nɛra jemɛ ya Dɔɔ waa ɛ ya Lɛɛ Yeesu Kristo waa la, dɛ won che a ta le waa aa dɛ la nɛn ne wechɔɡa ta harɛ bonɔ naa, a wer. Kɛ dɛ ba berɔ ba ɡel a ɡɛ wechɔɡa la dɔ bɔr vɔɡ ba ja aa, a te dɛ ba waa berɔ ɡbɔr dɛ ɡwaa mumpar la.

2 Pita 2:20 ပူးပေါင်းရင်းမြစ်များ

Ɛsekeɛl 33:13

Dɛ n ŋɔ nɛn o wa aa toɡra be ŋɔ wɛɛ dɔ o nyuu, asɛ o kpɔ o te dawɛ toɡra o waa fa aa toɡra la ta dɛɛ ɛ wechɔɡa aa, maa o wedɛɛɡa waa ɛa wubwa la bɛlbwa liira ba. Wɛɛ sewɛ o wechɔɡa waa ɛa la waa.

Lewi Dea Tena 13:20

Sɔfo la nyiŋu dɛ́ na kɛŋɔ o buɡ la kaa bini asɛ pona aa lɔ o bini ɡe to aa, ó ŋɔ o be ŋɔ o kah doŋa. A ɛ weebuula dɛ ba ɛ ɔr la buɡ ta.

Lewi Dea Tena 13:55

A habɔɔ baa chɛɡɛ kon la, sɔfo la ɛɛ nyiŋuu na ja. Dɛ o ta do ɡɛ waa doa, hale dɛ o ta yɛɛrɛ kwaraa ɡe aa, doŋa ta lɔ o ta. Dɛ o sie kɛɛ o habɔɔ bɛlbwa taa a lɛɡre aa, fuih chɛ kɛ ba fuuh.

Lewi Dea Tena 14:43

Dɛ bwea baa kpɔa le dɛ sɛh danjwɛɛ la dɛ kwaa maalo la habɔɔ, konfɔɔla la berɔ ba dem la ta naa,

Nɛra Kura 24:20

Balam na Amalɛk tena wa chaahna ta dɛ bol ŋɔ, “Amalɛk tenaa fa kpeɡa harɛre bwa bini, kɛ a habɔɔ wɛɛ ba paɡroo kwara.”

Mmarare 32:29

Dɛ he ɛ wejerema dɛɛ no waa mun aa, he fe jemɛ ɡɛ aa ɛa ɡɛ waa nɔ ba he nɛ.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

2 Timoti 2:4

Sooja bɛlbwa dɛ nyin kɛ o toma su o nomoa siwi. Anomanta, waa o te kpɔe dɛɛ koo nɛmpɛɛne waa ta.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

2 Pita 1:11

He dɛ ɛ ken nɔ naa, Korowii ɛɛ tɛ heyaa ŋwɛnɛ kohonaa, ásɛ he ja ya Dɔɔ waa ɛ ya Lɛɛ Yeesu Kristo Kora waa wola jaɡa dɔe la ta.

2 Pita 1:2

Kórowii che he jema haa jemɔ dɛ jemɛ ya Dɔɔ Yeesu la ta, dɛ́ cha heyaa kohona, dɛ́ tɛ heyaa bosɔɔhna.

2 Pita 1:3

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ.

2 Pita 1:4

Waa ɛ ɡɛ nɔ, o cha yaa ŋwɛnɛdɛɛɡa kohona ta, aa wola dɔŋ dɔe. O baɡɛ yaa nyoa a wa. Hɛ́ɛ che a taa dɛ́ le pɛlchɔɡa aa lɔ harɛ nɔ ta dɛɛ chɔɡ nɛra la nyoa, ásɛ dɛ do ɡɛ Korowii aa doa la.

2 Pita 1:8

Da waa wera tɛ heyaa la. He wono dɔ a ɡɛ da nɔ kɛrɛdɛ naa, aa ɡeloo jema haa jemɛ ya Dɔɔ Yeesu Kristo la dɔ tɔnɔ dɛ́ su siwi.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

2 Pita 3:18

Kɛ hé swɛɛ siwi ásɛ ya Dɔɔ waa ɛ ya Lɛɛ Yeesu Kristo suna waa sune he nɛɛ dɛɛ cha heyaa la ɛɛ ja kohona. Hé swɛɛ siwi dɛɛ dɔ wejema o waa ta kohona. Hé ɡel ya tɛo jirima taraken ne saŋ bɛlbwa. Aamen.