Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pita 2:2 - mzwDBL

2 Nɛndamanta ɛɛ teŋɛ ba wedoŋa baa dɛ ɛ la taa, ásɛ a che a ta nɛra bol kasinteŋ ŋwɛnɛ wobochɔɡa kɛ waa were.

အခန်းကိုကြည့်ပါ။ ကော်ပီ




2 Pita 2:2
36 ပူးပေါင်းရင်းမြစ်များ  

Asɛ ba ba bɔɔ Lɔt ŋɔ, “Leperaa hɔɔhra baa baa choɡe jɔmɔra nɔ ne la dɔɔ? Le ba ne tɛ yaa yá laɡ ba ka chɔ.”


N teŋɛ Korowii waa ta, n ta wechɔɡa ɛɛ dɛ vɛoh.


Ŋwɛnɛjen ɛɛ chɔ belaa baa yerɔ “Ŋwɛnɛɡoroŋ Waa Dɛ Kaa Korowii be.” Wechɔɡ-ɛɛra aa o taa kpɔ, ó chɔ tɛ nɛra baa teŋɛ Korowii waa la ta, hale ɡɛna kwara aa o taa kpɔ.


Korowii ŋɔ o nɛra be ŋɔ, “Hé ka che ŋwɛnɛ chɛchɛre ta dɛɛ nyiŋi. Hé bɔɔ ŋwɛnɛbena wa, dɛ́ jemɛ ŋwɛnɛ waa wera dɛɛ kpɔ o ta, dɛ́ so deŋnesɔɔhna ta. Anee he ŋɔ, ‘Akai, yaa o taa kpɔ.’


Anomanta, ba tomɛ ba habɔteŋra bane ne Hɛrɔd nɛra bane, ba ba o be dɛ ba ŋɔ, “Nomoa, ya jemɔ kɛŋɔ kasinteŋ ɡboo hɛɛ bol, haa nyosone teŋe. Korowii ŋwɛnɛɛ hɛɛ chaɡle nɛra kasinteŋ ne. He ta bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol wa, kɛŋɔ bɛl ɛ kooro kɛɛ nomoa kɛɛ bechala nɔ.


dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe teŋe nyosone ŋɔ Korowii keameree ban. Baa ɛ wejena ne nyokpowaa, dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.


Kɛ onɔ la waa do feelɔɔ la dɛ́ kaa he ne mkpa ta. O ɡe ta kpɔe kpeɡri. Anomanta, nɛra tama kenii jema dɛɛ kpɔ o ta.


Asɛ ba ba ŋɔ o be ŋɔ, “Nomoa, ya jemɔ kɛŋɔ he dɛ bol kasinteŋ. He ta waa bolɛ dɛɛ ɔmɛ a habɔɔ kɛŋɔ a dɛ do bane som, kɛɛ a dɛ we bane bambile nɔ. Haa nɛra siebɔr nyiŋi dɛɛ bol waa kɛŋɔ bɛl ɛ kooro kɛɛ nomoa kɛɛ bechala nɔ. Korowii ŋwɛnɛɛ hɛɛ baɡle nɛra kasinteŋ ne. Webeŋkpoŋii yaa nyin ya jemɛ. Onee kɛŋɔ ya Mmara nɔ dɛ tɛ yaa ŋwɛnɛ kɛŋɔ yá bɔ toɔ dɛ́ɛ tɛ Rom Koojen Siisa la aa, kɛɛ waa yaa ŋwɛnɛ tɛ?”


dɛkalkɛ nɛra ɛɛ bao dɛ́ ba teŋe nyosone ŋɔ Kristo laanee ban, ásɛ bane ɡe ŋɔ Korowii keameree ban. Baa ɛ bebeewaa ne nyokpowaa dɛɛ nyin bɔr dɛ́ neɡre nɛra Korowii aa chal ba dɛ lɛɛ ba la kwara.


Belaa o chaŋo ŋɔ, “Menee ŋwɛnɛ, menee kasinteŋ, menee mkpa. Dɛ nomɛlbwa ɛɛ la n Mɛɛ la bee yaa, nemenɛ ó che n nɛ.


“Bɔnsam nɛn kohona, he hah wedɛɛɡa bwa kɛrɛdɛ! He lambaara kan ɡa. Bɛ he wechɔɡa la kpɔ tɔ Korowii ŋwɛnɛ.


Kɛ bela Juu tena baa wola Yeesu waa yarada la te chɔɡ Pɔɔl ne Banabas sɔn, dɛ ir nɛra baa wola Juu tena ɛɛ la bwaawee, asɛ ba baah di nɛra baa yarada Yeesu waa la nɛ.


A ɡɛ bitolo la do lɔŋɔre teŋɛ ya ne Pɔɔl nɛɛ dɛɛ ŋɔ, “Nemenɛ Korowii tomɛ nɛra nɔ he be la! Waa haa ɛ ásɛ Korowii lɛ heyaa laanee baa bol la!”


O lɔ bambile dɛ baa bol Korowii Waa cheremi dea. Presela ne Akwela no waa waa dɛ bol la, dɛ kpɔɔ la ba dem dɛ ka baɡlo Korowii Waa la kɛrɛdɛ.


Ba bini bane deŋne kpeɡri baa waa la yarada kwara, dɛɛ bol Yeesu nɛɛ teŋa la waa aa wola were kwara nɛnlaa la bwa baah ta. Anomanta, Pɔɔl ɡel ba, dɛ lawɛ nɛra baa yarada Yeesu waa la, asɛ tɔpere bɛlbwa o ne ba kaa cheme bobɛl baa dɛ yerɛ bela Teraanɔs Sukuu la ta.


Dɛ n fa cheɡɛ nɛra baa teŋɛ ɡɛ ŋwɛnɛfale nɔ ta nɔ nɛɛ dɛɛ nyin ba dɛ́ kpo, dɛ lawɛ ba baala ne haahna bwa do deene.


Ba waa nɔ bini beŋkpoŋ waa ɛ kasinteŋ laanee kɛ baa ŋɔa ŋɔ ŋwɛnɛ la baa dɛ yerɔ ŋwɛnɛfale la, o taa mɛɛ teŋɛ, dɛ kpɔ o ta dɛɛ tomɛ Korowii ya naawa fa aa dɛ tomɔ la. N dɛ teŋɛ wobɛlbwa aa lɔ Mosis Mmara bini ne Korowii Keamere Tɔne bini la ta.


Korowii Tɔn baɡlɔ ŋɔ, “He Juu tena aa ɡela nɛra baa wola Juu tena ɛɛ la siwi sa Korowii la.”


Anomanta, dɛ luhaahna ba taa ɛ toli la yalɔ dɛ loɡle bii, dɛ won ba deremi ta nyiŋa, ɡɛ aa ɛ ásɛ ya dɔma bɛ wedoŋa bɛlbwa dɔ bol yaɡɛ yaa aa, ɡɛɛ n fe ɛɛ nyin.


dɛ́ dɔ nfɛrɛ kɛrɛdɛ, wedoŋa bɛlbwa aa wola toole ba nɛ, dɛ́ won ba dem tomare ɛɛ, dɛɛ ɛ nɛra wedɛɛɡa, dɛɛ no ba jaranar wa, ásɛ nomɛlbwa bɛ Korowii waa la wechɔɡe dɔ bol.


Gel a toɡre kɛrɛdɛ, nɛra bɛ a wobɛlbwa dɔ dɛ́ bol, ásɛ nɛra baa dɛ tɔŋle heyaa bɛ ya wechɔɡe bɛlbwa dɔ dɛ́ bol, ásɛ sihiih kpo ba.


Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.


Nɛra nɔ te do kɛ kpɔɡ bini ola Korowii aa taa ŋɔ báa kpoa la ken. Baa liire kpɔe dɛɛ ɛ wa. Waa mun noe kpeɡri ba be naa, sisa wobolee ba bol dɛɛ yaɡa. Baa serewoo kɛŋɔ ola ken.


Ba ɡel ŋwɛnɛtoɡre la, dɛ nyoɡre. Ba kpɔ Beɔ bie Balam o fa aa ɛ Korowii keame la ŋwɛnɛ la. O sie aa beɡre suuɡa kohona nomanta, o kpɔ ŋwɛnɛchɔɡe ta dɛ nyin suuɡa.


Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.


Dɛ ba fe ta Korowii ŋwɛnɛtoɡre la waa noɛ ka aa, a fe bɔ ba nɛɛ dɛ ɡwaa kɛŋɔ baa jemɛ Korowii ŋwɛnɛ la dɛ vɛh waa o ɡbaɡba aa ŋɔa báa ɛ la ɛɛ.


Dɛ Lɔt te ɛ nɛndɛɛɡe waa dɛ ɔmɛ Korowii bela, asɛ wedoŋa bwɛɛre la tena aa wola Korowii ɔmɛ dɛɛ ɛ la ɛɛ hao. O te, Korowii lɛo.


Waa nɛra nɔ aa wola a mun jemɛ la, wobochɔɡaa ba bol dɛɛ yaɡa. Ba ne ola bwa beŋkpoŋ, dɛkalkɛ ola ta liire dɔe. Waa aa ɛ á bwara sɔɔhna la, anee aa ɛ. Gɛɛ ba ɡe do. An ɡee dɛɛ chɔɡ ba.


dɛ́ ba bol nɛra bwa waa dɛ́ pa bole. Wɛɛ pa ba bolchɔɡe ba wechɔɡa baa ɛa dɛ vɛh Korowii waa ta teŋa la waa, dɛ́ pa nɛra baa wola Korowii tomɛ bolchɔɡe ba nɛnhɛlwobochɔɡa baa bola dɛɛ yaɡɔ la wa.”


Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.


Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.


asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.


Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.


Harɛ nɔ ta nɛra baa wola ba sɔna chwerɛ Pebie la baa kpoo la Mkpa Tɔn la bini harɛ mumpar bwa la, ba bwa ɛɛ duu olchɔɡe laanee kɛŋɔ Korowii ken.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ