2 Pita 2:10 - mzwDBL

¹⁰ Nɛra ba sie aa beɡre ba bwadabii nɔ wechɔɡa aa suu nɔ pɛlchɔɡa ta, baa wola waa bu la, ba deŋnee Korowii ɛɛ ba tɛra kohona. A ɡɛ nɛra baa teŋe nyosone ŋɔ ba dɛ chaɡle waa nɔ, waa ba bambile aa lawaa baa ɛ. Ba bambile kpeɡri! Baa nyundua toroma bu. Wobochɔɡa kwaraa ba bol dɛɛ yaɡ ba!

2 Pita 2:10 ပူးပေါင်းရင်းမြစ်များ

Mumpar 49:6

Maa ba nɛɛ ja ba wobɛlbwa baa vɔrɔwe ta. Ba baah diu waa, ba dɛ kpoo nɛra, dɛɛ ŋwɛne nae ɡe nakpale pɛɛpɛɛ á bɛ won valɛ.

2 Samoɛl 20:1

A balɔ kɛŋɔ Bikri bibaa Seeba lɔ Gelɡal harɛ, o le Bɛnjamen dea. Dɛ o dɔ dichɔɡa o nyu bini. O hoh bɛla dɛ ŋɔ, “Ya ta dibɔr bɛlbwa dɔe Kooro Devid be, yaa Jese bibaa nɛɛ teŋɛ! Israel baa bɛlbwa berɛ kaa dem.”

1 Koranar 12:16

Nɛra baa ja Kooro Jɛroboam nɛ aa naa kɛŋɔ kooro la ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

Yela 12:4

A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Kaala 22:28

He bɛ nɛnhɛlwobol bol yaɡɛ men Korowii kɛɛ dɛ́ taah he harɛ nomoa.

Wejereme 10:20

Bɛ he liire ɛ kɛŋɔ, hɛɛ bol kooro bwara wechɔɡe bɛlee, kɛɛ dɛ́ taah suuɡate he dea haa chɔ o bini, dɛkalkɛ jumbie bɛl ken ɛɛ kpɔ waa haa bola laanee ka taa baɡ ba.

Jeremia 2:31

He fini bii, hé no waa men Korowii aa dɛ bol nɔ. N ta doe kɛŋɔ pua hɛŋle ɡbo harɛ, kɛɛ harɛ biro tenten aa lɔ o ta tɛ heya. Ɛrɛɛ n nɛra ɛɛ bol ŋɔ, ‘Ya dɔ ŋwɛnɛ dɛ́ ɡaaɡe kaa bobɛlbwa, yaa berɛ ba he be kpa.’

Nɛra Kura 15:30

Kɛ nomɛlbwa saahnɔ ɛ wechɔɡa aa, bwɛɛlembie yo, hɔɔhree yo, naate ɛ Korowii nɛnhɛla. Gɛ nɛn la ta chɛ kɛŋɔ bá kuro ja o nɛra bini.

Amanesoma Luk Aa Chwera Tɔn 11:25

dɛ berɛ ka na kɛ baa la liire bini chaahnɔ kɛŋɔ dea baa chaaro dɛ kwaaro kɛrɛdɛ ba ta nɛn kpɔe do o ta dɛ ɡel o chɔ pɛɛ la.

Amanesoma Luk Aa Chwera Tɔn 19:14

Waa kaala la, o waa ta o bwɛɛ tena tea toorɛ, asɛ ba tomɛ toroma bá tiu dɛ ka ŋɔ, ‘Yaa baa nɔ nyin kɛ o ɛ ya kooro.’

We-ɛɛla 23:5

Asɛ Pɔɔl ŋɔ, “Yabala, n ta jemɛ kɛ Sɔfonomoaa on. Korowii Tɔn baɡlɔ kɛŋɔ ŋwɛnɛ toole kɛ nomɛlbwa chɛɡɛ nomoa waa dɛ nyiŋi o bwɛɛ tena nɛ.”

Tɔn Pɔɔl Aa Chwerɛ Rom Tena 8:1

Taraken nɔ nɛra ba ne Yeesu Kristo aa pɛa la te aa bolchɔɡe dii ba ba tɛr ba deŋne.

1 Kɔrent 6:9

Haa jemɛ kɛŋɔ wechɔɡ-ɛɛra aa Korowii Kora la taa ja kɛɛ? He bɛ he nyu neɡre. Nɛra baa dɛ ɛ sɛnwa, ne voɡtoroma, ne nɛra baa dɛ bɔ jwamane, ne baala ba ne ba bandɔŋa aa dɛ chɔ haah ne baa,

2 Kɔrent 10:3

A ɛ kasinteŋ kɛŋɔ harɛ bonɔɔ ya so. Kɛ harɛ bonɔ laa laa yaa yo.

Ɛfesos 4:19

Wobɛlbwa aa ban sihiih ɛ. Anomanta, ba saahnɔ dɛɛ teŋɛ ba pɛlchɔɡa we-ɛɛla ta, dɛɛ ɛ wedoŋa ba siwi swɛɛ a ta.

Ɛfesos 5:5

Hé jemɛ kɛrɛdɛ kɛŋɔ nɛra baa dɛ bɔ jwamane, dɛɛ ɛ wedoŋa, ba sie ɛɛ beɡre kwaa ta la aa bɔr dɔe ba Yeesu Kristo ne Korowii Kora la bini. Sie beɡra kwaa ta do kɛŋɔ voɡ toma ken.

Kolosi 3:5

Anomanta, hé ɡel he harɛ nɔ ta dor bwa ta kwaraa. He bɛ he bwadabii kpɔ do jwamane, ne wedoŋa, ne kayɛɡlɛ, ne pɛlchɔɡa, dɛ kwaa ta sibeɡra ta. Kwaa ta sibeɡra do kɛŋɔ voɡa toma ken.

1 Tesalonika 4:7

Korowii aa le yaa ŋɔ ya ɛ o bii la, o ta ŋɔe ŋɔ yá ba ɛ wedoŋa. O ŋɔ yá ba ɛ wedɛɛɡa.

2 Timoti 3:2

dɛkalkɛ nɛra ɛɛ dɛɛ nyin ba ɡbaɡbaa ɡwaa komɛlbwa, dɛɛ nyin suuɡa sibeɡra ne, dɛɛ ɛ mbarafo, dɛɛ ɛ jenu, dɛ bol waa dɛɛ yaɡɛ nɛra, dɛ ɛ deŋnekpeɡ tena baa wola ba eehnanar waa no, dɛ ɛ boniayɛ tena, dɛ ɛ ba te nɛndoŋa.

Taetos 1:7

dɛkalkɛŋɔ, a chɛ kɛ nɛn waa dɛ tɔ asɔre tena sie la ɛ nɛndɛɛɡe nomɛlbwa aa wola o wechɔɡee dɔ bol bwa, waa ɛ Korowii bonɔɔ nomanta. A chɛ kɛ o ɛ nɛn waa wola o te baɡle, dɛ lɛ nɛn kon dɛɛ ja o kon ta, o baah aa wola di warawara, waa wola sennyɔdɛɛ ɛɛ, waa wola naɡra nyin, o siwi aa wola suuɡa ta beɡre kohona.

Hibru 13:4

A chɛ kɛ nomɛlbwa kpɔ duure dɛɛ tɛ hahmor, dɛ bɛ nɛmpɛɛne lawɛ dɛɛ chɔ dɛ ka ja ba haahna kɛɛ ba jaranar nɛ. Korowii ɛɛ tɛr nɛra baa dɛ ɛ wedoŋa baa ne haah chɔe be pera dɛɛ nyin ba dɔŋa haahna kɛɛ ba dɔŋa jaranar la deŋnee.

2 Pita 3:3

Anɔ la aa tɔ siee kɛŋɔ, a chɛ kɛ he jemɛ kɛŋɔ tɔpera aa ka mun nɔ ta nɔ, nɛra ɛɛ dɛɛ mamɛ heyaa. Ba sie ɛɛ dɛɛ lɛ ba pɛlchɔɡa taa.

Tɔn Jud Aa Chwera 1:10

Waa nɛra nɔ aa wola a mun jemɛ la, wobochɔɡaa ba bol dɛɛ yaɡa. Ba ne ola bwa beŋkpoŋ, dɛkalkɛ ola ta liire dɔe. Waa aa ɛ á bwara sɔɔhna la, anee aa ɛ. Gɛɛ ba ɡe do. An ɡee dɛɛ chɔɡ ba.

Tɔn Jud Aa Chwera 1:16

Gɛ nɛra nɔ, saŋ bɛlbwaa baa naɡre wa, wa aa ba siwi su. Wedoŋa ba sie aa dɛ lɛ a ta laanee baa ɛ. Ba dɛ ta nyoa. Kwaane dɔe dɛ le nɛra be waa baa bol nɛra wedɛɛɡe.

Tɔn Jud Aa Chwera 1:18

Ba ŋɔ he be ŋɔ, “Tɔpera aa ka mun la ta la, nɛra ɛɛ leo dɛɛ mamɛ heya. A ɡɛ nɛra nɔ aa Korowii ɔmɛ. Wedoŋa ba sie aa dɛ lɛ a taa baa ɛ.”

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.

1 Samoɛl 10:27

Kɛ nɛnchɔɡa bane ɡe ŋɔ, “Ɛrɛɛ nɛn waa do ken ɡe ɛɛ ba wona lɛ yaa ɔ?” Ba haoh dɛɛ nyiŋi o nyubaah, ba ta on koŋkɛɛla bɛlbwa ba tɛɛ. Sɔɔl ɡe ta ba waa la kpɔe ɛ wobɛlbwa.