2 Pita 1:4 - mzwDBL

⁴ Waa ɛ ɡɛ nɔ, o cha yaa ŋwɛnɛdɛɛɡa kohona ta, aa wola dɔŋ dɔe. O baɡɛ yaa nyoa a wa. Hɛ́ɛ che a taa dɛ́ le pɛlchɔɡa aa lɔ harɛ nɔ ta dɛɛ chɔɡ nɛra la nyoa, ásɛ dɛ do ɡɛ Korowii aa doa la.

2 Pita 1:4 ပူးပေါင်းရင်းမြစ်များ

Tɔn Pɔɔl Aa Chwerɛ Rom Tena 9:4

Israel tena maa dɛ bol ba waa nɔ, Korowii ɛɛ ba o bii dɛ baɡ ba o jirima. O ne ba fɔwɛ fɔo, asɛ o tɛɛ ba o Mmara, dɛ baɡ ba ɡɛ aa chɛ kɛ baa tomɔ, dɛ baɡ ba nyoa bele aŋwɛnɛ bwa.

2 Kɔrent 1:20

Nyoo bwa Korowii aa baɡa la, Yeesu nɛɛ ya che dɛ jemɛ kɛ a ɛ kasinteŋ. O waa ya won Aamen la sii, ásɛ Korowii won dɔ sɔn.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

2 Kɔrent 6:17

Anomanta, n bolɔ ŋɔ, ‘Hé le ba bini! Hé pere he te le ba nɛɛ kwara! He bɛ komɛlbwa waa kah doŋa leɡe, ásɛ n lɛ heya,

Galaasia 3:16

Korowii Tɔn la baɡlɔ kɛŋɔ Korowii baɡɛ Abraham ne o naa nyoa. Korowii Tɔn la ta ŋɔe ŋɔ Korowii baɡɛ Abraham ne o naanar nyoa. Dɛ Abraham ne o naa. O baɡlɔ kɛŋɔ Abraham naa beŋkpoŋ, onee kɛ Kristo.

Galaasia 6:8

Dɛ nɛn teŋɛ o nɛwɛnyini mar wechɔɡa aa suu pɛla kwaa nɛɛ dɛ du wechɔɡa aa, sewee wɛɛ ba koma. Dɛ nɛn teŋɛ Korowii Domadɛɛɡe la tetoowaa ta dɛ du wedɛɛɡa aa, wɛɛ komɛ mkpa aa wola jaɡa dɔe bwa laanee Domadɛɛɡe la be.

Ɛfesos 4:13

ásɛ ya bwa won dɔ nyopɛo yarada yaa yarada Korowii Bie ne jema yaa jemɔ la ta kɛrɛdɛ dɛ ka tonɛ, dɛ won kpeɡ kɛrɛdɛ kɛŋɔ nomonome o nɛɛ teŋa ta, ɡɛ Yeesu Kristo aa doa la. Onee ya kpɔ dɛɛ maɡɛ ya te dɛ́ jemɛ ɡɛ yaa kpeɡ.

Kolosi 3:10

dɛ́ charɛ dafale. Korowiirii ɡela he do ɡɛ la. Onee dɛɛ kwaa he dafale la saŋ bɛlbwa ásɛ he do kɛrɛdɛ ɡɛ waa doa la, dɛ́ won jemɔ kɛrɛdɛ ka tonɛ.

Hibru 12:10

Ya mɛɛnanar baa lolɛ yaa la, tɔpera anɛ bɛlee ba tɛr ya deŋne ɡɛ ba ɡe aa naa kɛ aŋwɛnɛ taa la. Kɛ Korowii te aa dɛ tɛr ya deŋne la, ya ɡbaɡba kɛrɛdɛ waa wɛɛ ɛ ɡɛ ásɛ ya do ɡoroŋ kɛŋɔ ɡɛ waa doa la.

Hibru 9:15

Yeesu cheɡɔ tɛ nɛwɛnyini ne Korowii baah ta taraken dɛ fɔwɛ fɔo dɛ tɛ nɛwɛnyini ne Korowii, ásɛ nɛra Korowii aa lee ba ŋɔ ba ɛ o nɛra la won dɔ kwaa waa baɡ ba nyoa la saŋ bɛlbwa dɛɛ la. Baa wonoo dɔa saŋ bɛlbwa dɛɛ la, dɛkalkɛ wechɔɡa ba fa aa dɛ ɛ fɔobene la ta la, Yeesu Kristo aa baa sewɛ la, o bɔ a kem. O sewɔ ásɛ ba wechɔɡa la bɛ won dɔ kpeɡri ba nɛɛ kpa.

Jems 1:27

Waa Korowii waa ɛ ya Mɛɛ aa dɛ nyin a do wer dɛ́ maɡre o toma bini laanee kɛŋɔ, yá cha bilalbii ne luhaahna ba wahala bini, ásɛ dɛ laa ya te kpɔ harɛ nɔ wechɔɡa ta.

2 Pita 1:1

Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

2 Pita 3:13

Ya dɛ nyiŋi nyoa Korowii aa baɡa la ŋwɛnɛ. Anee kɛŋɔ wɛɛ ta nyundua onfale ne harɛfalee. Belaa wedɛɛɡa ɛɛ ba doe.

2 Pita 3:9

Korowii aa o nyobaɡa ta too, ɡɛ bane aa dɛ lii kɛŋɔ Korowii biɡri o nyobaɡa waa baɡa ŋɔ ya Dɔɔ Yeesu ɛɛ bao la. Bambilee o dɔ tɛ heya, dɛkalkɛ waa nyin kɛ nomɛlbwa chɔɡ ta. O dɛ nyin kɛ nɛra bwa charɛ ba liire dɛ́ le ba wechɔɡa ta mɔɔ o ba.

1 Jɔn 2:25

Dɛ ya ne Yeesu ne o Mɛɛ wono pɛ aa, a taa yaa ba cheɡa, dɛ́ dɔ Korowii mkpa aa wola jaɡa dɔe Yeesu aa baɡɛ yaa nyoa la.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.