2 Pita 1:12 - mzwDBL

¹² Kasinteŋ waa la haa noa la, he dɔɔ jema kɛrɛdɛ dɛ che a ta kiŋkiŋ. Kɛ mɛɛ dɛɛ lii heyaa a waa saŋ bɛlbwaa.

2 Pita 1:12 ပူးပေါင်းရင်းမြစ်များ

We-ɛɛla 16:5

Gɛɛ ba ɛ dɛ won cha bela asɔre tena ba do kpeɡri Yeesu waa baa dɛ yarada la ta, asɛ nɛnfala ɡe baa ja ba nɛɛ tɔpere bɛlbwa.

Felepae 3:1

Yabala, waa aa kaa laanee kɛŋɔ, hé ɡel he sie lɛ he ne ya Dɔɔ pɛɛ la ta. Wesiwi beŋkpoŋii n berɛ chwerɛ dɛɛ tɛ heyaa la, kɛ aa men ha. A dɛ ba ɡela he won che kiŋkiŋ.

Kolosi 1:5

Amanesoma aa ɛ kasinteŋ la aa ba he be loɡla la, he no hwɛɡa aa dɛ tɛ la wa. He yarada ne nɛnnyin la le kwaa haa dɛ hwɛɡɛ a ta la ta. Korowii ɡe kwaa a bwa cheɡ heyaa Korowii doa kɛrɛdɛ ken.

Kolosi 2:7

A taa aa ba cheɡa he won che kiŋkiŋ dɛ́ kpeɡ o waa la ta, dɛ́ won yarada o waa bwa kɛrɛdɛ ɡɛ baa baɡle heyaa la, dɛ́ɛ jam Korowii saŋ bɛlbwa.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

2 Timoti 1:6

A waa ɡela mɛɛ liiri kɛŋɔ hé ir nyu ne dɛ́ kpɔ Korowii kpeɡri awola maa kpɔ nɔn dawɛ he nɛɛ dɛ swee tɛɛ o kpɔ tɛɛ la ɛ toma,

Hibru 10:32

Hé lii ɡɛ he fa aa doa ɡɛ saŋ Korowii waa la aa chaah he sie la. He na wahala ɡa, kɛ he ta habɔɔ leɛ.

Hibru 13:9

He bɛ ɡel wefala chɔɡ he liire ásɛ he le Korowii ŋwɛnɛdɛɛɡe la ta. He dɛ nyin he do kpeɡri Korowii nɛɛ teŋa ta naa, hé kpɔ sie dawɛ chae Korowii aa sune nɛra nɛɛ dɛɛ cha ba la ta. He bɛ sie kpɔ dawɛ kondikwaare ane kii ne ane dii ta, dɛkalkɛŋɔ a ta wone cha nɛra baa kpɔ sie dawɛ a ta la.

1 Pita 5:10

Kɛ he baa na waa tama aa, Korowii waa dɛ na nɛra sum dɛɛ cha ba kohona la, o ɡbaɡba ɛɛ kwaa he wobɛlbwaa, dɛ́ ɡel he che kiŋkiŋ, dɛ́ do kpeɡri, dɛ́ lawɛ heyaa he bɛ chole. Onee le heyaa hé won che pɛɛ he ne Yeesu Kristo aa pɛa la ta, dɛ dɔ o jirima aa wola jaɡa dɔe bwa la.

1 Pita 5:12

Silasee cha mɛ n chwerɛ heyaa tɔmbora nɔ la. N jemɔ kɛ o waa dɔ kasinteŋ ya teŋa yaa dɛ teŋɛ Yeesu Kristo nɛɛ nɔ ta. N dɛ nyin he jemɛ ɡɛ aa chɛ kɛ hɛɛ ɛ, dɛ́ jemɛ kɛŋɔ ɡɛ n fa aa baɡle heyaa chae Korowii aa sune ya nɛɛ dɛ cha yaa la, a ɛ kasinteŋ. Hé den lawɛ a bini kiŋkiŋ.

2 Pita 1:13

N dɛ lii kɛŋɔ maa wola sewɛ mɔɔ nɔ, a chɛ kɛ mɛɛ lii heyaa hé do wɔrɔbe waa nɔ ta.

2 Pita 1:15

Mɛɛ takapɔɔ dɛ́ ɛ ɡɛ bwa maa won ɛ, ásɛ dɛ n ba toole kwaraa naa, he won dɛɛ lii waa nɔ saŋ bɛlbwa.

2 Pita 3:1

N dandɛɛɡa, tɔn nɔɔ n tɔn nɛɛte maa chwerɛ heya. N tɔne anɛ nɔ bwa bini la, n dɛ lii heyaa ásɛ he do wɔrɔbe waa nɔ ta, dɛ́ dɔ tepoŋ.

2 Pita 3:17

Anomanta, n dandɛɛɡa, haa dɔa na ken nɔ, hɛ́ɛ nyiŋi kɛrɛdɛ ásɛ dɛ bɛ ba ɡel nɛra baa wola Korowii ɔmɛ ba neɡre heyaa he lɔ naa he yarada la ta, dɛ́ ba choɡli.

1 Jɔn 2:21

Kasinteŋ bɛ jema waa laa n chwerɛ tɔn nɔ baa tɛ heya. He jemɛ kasinteŋ la, dɛ jemɛ kɛŋɔ nyosone ne kasinteŋ aa valɛ bwa.

2 Jɔn 1:2

dɛkalkɛŋɔ kasinteŋ la lɔ ya bwa bambile bini. Wɛɛ do lee saŋ bɛlbwa dɛɛ la.

Tɔn Jud Aa Chwera 1:17

N dandɛɛɡa, hɛ́ɛ lii waa ya Dɔɔ Yeesu Kristo toroma la fa aa bol he be la.

Tɔn Jud Aa Chwera 1:3

N dandɛɛɡa, n siwi fe swɛɛrɔ mɛɛ nyin kɛ ń chwerɛ heyaa tɔn dɛ baɡle lɛɛ Yeesu aa lɛ n ne he bwa la wa, asɛ n berɛ na kɛŋɔ a chɛ kɛ ń chwerɛ heyaa buɡ nɔ ta dɛ́ do heyaa ɡbemba, ásɛ hɛɛ yo waa yaa dɛ yarada la wa. Korowiirii fa baɡle o nɛra ba wa aa toɡra ɡɛ baa dɛɛ tomɔ. Gɛ waa baɡ ba la aa berɛ bwa.

Tɔn Jud Aa Chwera 1:5

N jemɔ kɛŋɔ he jemɔ, kɛ n dɛ nyin kɛ n lii heyaa ɡɛ Korowii fa aa lɛ Israel tena le Ijipt tena nɔn ta, asɛ a habɔɔ bane aa wola o waa yaradae, o kpoo ba la.