2 Pita 1:1 - mzwDBL

¹ Men Seemɔn Pita maa ɛ Yeesu Kristo bonɔɔ dɛ ɛ o torome la, men chwerɛ tɔn nɔ dɛɛ tɛ he nɛra haa dɛ yarada Yeesu Kristo waa ɛ ya Korowii ne ya Lɛɛ la. O wa aa toɡra nomanta, o tɛ heyaa ya yarada waa wera nɔ dɔŋ.

2 Pita 1:1 ပူးပေါင်းရင်းမြစ်များ

Aesaya 12:2

Kasinteŋ, Korowiirii n Lɛɛ. Mɛɛ dɛɛ yaradao dɛ bɛ dɛɛ ɔmɛ. Korowii bee n bokpeɡa do, n yel maa ɡo bwa ɡee kɛŋɔ Korowii. Onee n Lɛɛ.”

Jeremia 33:16

A ɡɛ saŋ la, mɛɛ lɛ Juda ne Jerusalam nɛra bwaa, ásɛ ba so deŋnesɔɔhna ta. Ásɛ baa yerɛ bwɛjen Jerusalam ‘Korowii Waa ɛ Ya Lɛɛ.’ ”

Matiu 10:2

Yeesu toroma fi dɛ banɛ la waa kpɔ ba laanee nɔ. Seemɔn waa pa o sɔn Pita la ne o nime Andriu, ne Jems ne o nime Jɔn baa ɛ Sebedii bii la,

Matiu 4:18

Yeesu aa dɛ valɛ Galilia Moo la nyoa la, o na baala banɛ baa dɛ ɛ nee toma dɛɛ ta asau. Baala banɛ laanee Seemɔn baa dɛ yerɔ Pita la ne o nime Andriu.

Amanesoma Luk Aa Chwera Tɔn 1:47

N sie lɛ Korowii waa ɛ n Lɛɛ la nɛ.

Amanesoma Luk Aa Chwera Tɔn 11:49

Anɔ waa Korowii bol o Tɔn la baa dɛ yerɔ Wejema la bini ŋɔ, ‘Mɛɛ tomɛ n keamere ne toroma ba bee, baa kpoo banee dɛ́ fiiɡi bane’ la.

Amanesoma Jɔn Aa Chwera Tɔn 1:42

O la Seemɔn ne Yeesu be. Belaa Yeesu nyiŋu dɛ ŋɔ, “He sɔne Seemɔn. Jɔn biee hen. Taraken baa dɛɛ yerɛɛ Sefas.”

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 20:21

Yeesu berɔ bol ja ŋɔ, “Kórowii tɛ heyaa bambisɔɔhna. Gɛ n Mɛɛ aa tom mɛ la, ɡɛɛ n ɡe ɛɛ tomɛ heya.”

We-ɛɛla 15:14

Seemɔn Pita baɡle ɡɛ Korowii aa tɔ sie ɛ dɛ baɡle kɛ o dɛ nyin nɛra baa wola Juu tena ɛɛ la taeh. O baɡlɔ ŋɔ Korowii le ba bini bane ŋɔ ba ɛ o nɛra.

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

Tɔn Pɔɔl Aa Chwerɛ Rom Tena 1:12

Ya bwaa dɛɛ ba dɔŋa chae. Gɛ maa yarada Yeesu Kristo la, aa do heyaa ɡbembaa, ásɛ ɡɛ he ɡe aa yaradao la do n ɡe ɡbemba.

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

1 Kɔrent 1:30

Korowiirii ɡela he ne Yeesu Kristo pɛ, ásɛ ya che o nɛɛ dɛ dɔ Korowii wejema. O nɛɛ a che Korowii na yaa kɛ nɛndɛɛɡa dɛ berɛ kpɔ yaa ɛ o kwa. Onee kpɔ seo dɛ yawɛ yaa le ya wenaale ta.

1 Kɔrent 15:9

Menee Yeesu toroma la bwa bechala n waa aa wola hiaih. N ta chɛɛ kwaraa kɛ ba yer mɛ o torome, dɛkalkɛ ɡɛ n fa aa hah asɔre tena dɛ ɛɛ ba hɔhɔrɔwa la aa were.

1 Kɔrent 9:1

N ta n te dɔe dɛɛ di n nyu aa? N ta Yeesu torome ɛɛ yaa? N ta ya Dɔɔ Yeesu nae yaa? He teŋa haa dɛ teŋɛ Yeesu nɛɛ nɔ le toma maa ɛa he bini ya Dɔɔ kpeɡri ta la.

2 Kɔrent 4:13

Ba chwerɔ do Korowii Tɔn bini ŋɔ, “Maa yaradaa waa n bol.” Gɛɛ ya ɡee yarada. Yaa yaradaa waa yaa bol.

2 Kɔrent 5:21

Dɛ wechɔɡa bɛlbwa toole Yeesu Kristo nɛ, kɛ ya kɛrɛdɛ nomanta, Korowii ɡelɔ o lɛ ya wechɔɡa che, ásɛ dɛ ya ne o pɛo waa, ya waa won su Korowii siwi ó lɛ yaa kɛ nɛndɛɛɡaa yan.

Galaasia 2:8

Dɛkalkɛŋɔ ɡɛ Korowii aa baɡle o kpeɡri Yeesu torome Pita nɛɛ wɛɛ tomɛ Juu tena bini la, ɡɛɛ o baɡle o kpeɡri men maa ɛ Yeesu torome nɔ nɛɛ mɛɛ tomɛ nɛra baa wola Juu tena ɛɛ bini.

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Ɛfesos 4:5

Ya bwa Dɔɔ lɔ beŋkpoŋ. Waa ya bwa aa dɛ yarada, ne Korowii nee baa sɔ ya bwa la ɡe ɛ beŋkpoŋ.

Felepae 1:1

Men Pɔɔl ne Timoti yaa ɛ Yeesu Kristo bonɔɔna la, yanee chwerɛ tɔn nɔ dɛɛ tɛ Korowii nɛra he wa aa toɡra, he ne Yeesu Kristo pɛ he do Felepae la, ne he nɛra baa tɔ asɔre tena sie ne nɛra baa chɔ tomare nyoo la bwa.

Felepae 1:29

Korowii ɡelɔ he won yarada Yeesu Kristo, dɛ berɛ won koh o waa na hɔhɔrɔwa. Wejenaa o ɛ tɛ heyaa he won koh o waa na hɔhɔrɔwa la.

Felepae 3:9

ásɛ ya bwa won pɛ, ásɛ n ɛ nɛndɛɛɡe, n waa su Korowii siwi. N ta ŋɔe ŋɔ ń che Mmara ta teŋa ta dɛ́ ɛ nɛndɛɛɡe n waa su o siwi. Kɛ n dɛ nyin ń che yarada maa dɛ yarada Yeesu Kristo la ta, dɛ́ ɛ nɛndɛɛɡe n waa su o siwi. Nɛndɛɛɡe ɛɛ le Korowii be o kpɔ dɛɛ tɛ nɛra la bwa baa yarada Yeesu.

2 Timoti 1:5

N dɛ lii ɡɛ haa kpɔ kasinteŋ dɛɛ yarada Korowii ɡɛ he naa Lowis ne he nya Yunis fa aa dɛ yaradao la. N jemɔ kɛ ɡɛ ba fa aa yarada Korowii dɛ kpɔ ba te tɛo la, ba luɡe taa he den teŋɛ la.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

Taetos 1:4

N bie Taetos, henee n chwerɛ tɔn nɔ dɛɛ tɛ. Waa ya bwa aa dɛ yarada la taa a che he ɛ n bie tenten. Ń Naa Korowii ne ya Lɛɛ Yeesu Kristo chae dɛ́ tɛɛ bosɔɔhna.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Jems 1:1

Men Jems maa ɛ Korowii ne ya Dɔɔ Yeesu Kristo bonɔɔ laanee chwerɛ tɔn nɔ dɛɛ tɛ he Israel deene fi dɛ anɛ tena haa lɔ bobɛlbwa la. N dɛ na heya.

1 Pita 1:1

Men Pita maa ɛ Yeesu Kristo torome la, men chwerɛ tɔn nɔ dɛɛ tɛ he Korowii nɛra haa peɡra dɛ ka ɛ hɔɔhra Pɔntos, ne Galaasia, ne Kapadoosia, ne Eesia dɛ Bitiinia harɛre ta la.

1 Pita 1:7

A bwa dɛ baɡle kɛŋɔ he yarada la ɛ yarada kasinteŋ. Suuɡaswɛm kwaraa nɔ, nii nee baa jemɛ a kasinteŋ, kɛ a dɛ chɔɡ. He yarada la ɡwaa suuɡaswɛm, anomanta, a chɛ kɛ ba daah heyaa na ásɛ he won che kiŋkiŋ. Belaa baa ba heyaa kpɛɛra, ásɛ he dɔ jirima, dɛ́ dɔ sɔn awola Yeesu Kristo aa ba ya nao la.

1 Pita 2:7

He nɛra haa dɛ yaradao ɡe be la, wɛɛ ɛ Bwedɛɛɡe o wa aa hiaah tɛ heya. Asɛ nɛra baa wola on yaradae ɡe la, wɛɛ ɛ ɡɛ baa chwera Korowii Tɔn bini laanee ba be, kɛŋɔ, “Bwe la mamaala aa vɛoh dɛ liiru konsala laanee bera ba lawɛ dea kpoŋe la.”

1 Pita 5:1

N dɛ nyin n bol waane he asɔre nomonome baa dɛ tɔ he sie la be. Asɔre nomoa la bɛlee n ɡe. N ɡbaɡba kpɔ siwi na wahala la soo Yeesu Kristo aa naa. Awola waa dɛ ba ɡela nɛra na o jirima la, n ɡe ɛɛ dɔ o jirima la bɛlee. N dɛ soŋe heyaa kɛŋɔ

2 Pita 1:4

Waa ɛ ɡɛ nɔ, o cha yaa ŋwɛnɛdɛɛɡa kohona ta, aa wola dɔŋ dɔe. O baɡɛ yaa nyoa a wa. Hɛ́ɛ che a taa dɛ́ le pɛlchɔɡa aa lɔ harɛ nɔ ta dɛɛ chɔɡ nɛra la nyoa, ásɛ dɛ do ɡɛ Korowii aa doa la.

Tɔn Jud Aa Chwera 1:1

Tɔn nɔ le men Jud maa ɛ Yeesu Kristo bonɔɔ dɛ ɛ Jems nime la be. N chwerɔ dɛɛ tɛ he nɛra N Naa Korowii waa bera ɛ ya Mɛɛ la aa dɛ nyin heya, dɛ le heyaa tɛ o te, asɛ Yeesu Kristo ɡee nyin heyaa la.