2 Koranar 9:26 - mzwDBL

²⁶ ‘N na Nabɔt ne o bii kpoe nɔ wa, n ŋwɛɛrɔ kɛ mɛɛ bɔɔ a kemee ɡɛ harɛ nɔ tenten ta. Gɔɔro, dɛ́ kpɔɔ ka ta koo nɔ ta ɡɛ Korowii aa bola la.’ ”

2 Koranar 9:26 ပူးပေါင်းရင်းမြစ်များ

Ɛsekeɛl 18:19

He dɛ bɔɔ ŋɔ, ‘Ɛrɛɛ aa wola chɛɛ kɛŋɔ bie dɔ deŋnetɛra o mɛɛ wechɔɡa waɔ?’ Bie la waa toɡrɔ dɛ do wer, o teŋɛ me Mmarare la ta kɛrɛdɛ ken, anomanta, wɛɛ dɔ o nyuu kɛrɛdɛ.

2 Webena 25:4

Kɛ o ta ɡɛ nomonome la bii kpoorɛ ɡɛ Korowii aa chwera Mosis Mmara la ta kɛŋɔ, “Mɛɛ kɛɛ nya ɛ wechɔɡa aa, haa won kpɔ kpo o bie, bii ɡe ɛ wechɔɡa aa, haa won kpɔ kpo mɛɛ kɛɛ nya. Nɛn o ɡbaɡba aa ɛ wechɔɡa laanee chɛ kɛ ó sewɛ o wechɔɡa wa.”

2 Webena 24:25

Baa do Kooro Joas bol laa ta la, Siiria laa tena la kaalɔ, belaa o nomonome la banɛ vɔrɔwe o vɔrɔwa dɛ kpoo, kpoe waa kpo sɔfo Jehoiada bibaa la wa. Ba kpoo ɡɛ saŋ dɛ o chɔ mpa ta, asɛ ba huɡo Jerusalam waa ɛ Kooro Devid Bwɛjen ta, kɛ koranar huɡribɔr laa.

1 Koranar 21:19

Ŋɔ o be ŋɔ men Korowii ŋɔ, ‘Ahab, he kpo nɛn dɛ berɛ kpɔ o kwaa di aa? Bela nyootena aa kpɛle Nabɔt chal la, bela tentenee aa ba he ɡe chal kpɛla.’ ”

Mmarare 24:16

He bɛ nomɛlbwa ba kpo o bie wechɔɡa waa ɛa wa. Gɛɛ he bɛ bie ɡe ba kpo o mɛɛ wechɔɡa wa. Bɛlbwa chɛ kɛŋɔ ó sewɛ o wechɔɡa waa ɛa wa.

Mmarare 5:9

He bɛ an dɛɛ ɡuŋi a ba ɛ kɛŋɔ hɛɛ tomaa. Dɛkalkɛŋɔ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne. Hale dɛ́ kpoŋe ka tel ba naanar bele batoro kɛɛ banaarɛ baa ka ba la nɛ,

Kaala 20:5

He bɛ an ɡuŋi á ba ɛ kɛ hɛɛ tomaa, dɛkalkɛ menee Korowii haa dɛ tom mɛ la, n dɛ mee. N dɛ tɛr banɔ la baa hah mɛ deŋne, hale dɛ́ kpoŋe ka tel ba bii ne ba naanar bele batoro kɛɛ banaarɛ baa ka ba la nɛ.

1 Koranar 21:13

Nyosonteŋna banɛ la baa so ba ne o sie chaɡɛ dɔŋa, ba haŋɛ o nyoa nɛra la bwa baah ta kɛŋɔ o taah Korowii ne kooro la. Anomanta, ba lawɔ le bwɛjen la ta dɛ ka foɡro bwea kpo.

2 Koranar 9:21

Kooro Joram ŋɔ, “Hé kpɔ torɔɡo maa vɔwa dɛɛ pɛl jaaɡɔ la vɔwɛ warane.” Baa tona la, asɛ Kooro Joram waa ɛ Israel harɛ kooro ne Juda Kooro Ahasia bɛlbwa kpɔ o torɔɡo, dɛ ka cheme Kooro Jehu. Ba kaa chemo harɛ waa ɛ Jesreel te baa yerɔ Nabɔt koo ta.

2 Koranar 9:25

Kooro Jehu ŋɔ o bonɔɔ bɛl waa dɛ chao baa yerɔ Bidka be ŋɔ, “Laa Kooro Joram kpɔ ta Jesreel te Nabɔt koo nɔ ta. Lii ɡɛ saŋ n ne he fa aa soɡe torɔɡo ta, dɛ teŋɛ o mɛɛ Kooro Ahab nɛɛ la, Korowii bol o waa nɔ bil.

Habakuk 2:10

He vɔrɔwɔ dɛ chɔɡ harɛre nɛra kohona, dɛ ɡel sihiih kpo he ɡbaɡba dem tena, dɛ berɛ ba waane ba dawɛ he nɛ.

Yela 9:13

N Naa Korowii, na ɡɛ n dɔma aa cheɡɛ n nɛ, dɛ ɡel n bwara ɛɛ nyɛɡ! Sune n nɛ, dɛ́ lɛɛ mɛ le seo ta,