2 Koranar 9:20 - mzwDBL

²⁰ Ate, nɛn waa dɛ daah bwɛɛ la berɛ ŋɔ, “Torome la telo kɛ waa berɛ dɛɛ ba kpa. Nɛn waa tɔ ba sie baa ba la le Nimsi naa Kooro Jehu. O soɡe torɔɡo bini dɛɛ ba, dɛ le choɡla te.”

2 Koranar 9:20 ပူးပေါင်းရင်းမြစ်များ

2 Samoɛl 18:27

Belaa nɛn waa dɛ daah bela la ŋɔ, “N dɛ na kɛŋɔ baa waa tɔ sie la dɛ le sɔfo Sadɔk bibaa Ahimas.” Asɛ kooro ŋɔ, “O ɛ nɛndɛɛɡe. Amanesoma nee wɛɛ ba.”

Habakuk 3:12

He kpɔ bandia valɛ kpɔ harɛ nɔ ta bwa, dɛ kpɔ bwaawee tɛr harɛ nɔ ta nɛra deŋne kɛŋɔ baa dɛ lɔ mea.

Habakuk 1:6

N dɛ ba Babelɔn tena baa do ɔma, ba sie ɡe do kpeɡri, kpeɡri tɛɛ, ásɛ ba laa tena wur kaa harɛ nɔ ta bobɛlbwa, dɛ́ ka yo nɛra dɛ́ lɛ ba sobɔra aa wola ba kwaa ɛɛ bwa dɔɔh.

Daneɛl 11:44

Kɛ wɛɛ ba no waa aa chiɡ wee leebɔr ne weekaŋle nyunduabɔr nɔɔ, ásɛ o jum jah, á ɡel o ir kpɔ sibeɡra kohona ka yo dɛ́ kpoo nɛra warɛ.

Aesaya 54:16

Menee ta loɡre, o yon kpɔ nii do hɔla ta dɛ́ lɔa a hɔ, dɛ́ kpɔ buni do dɛ́ loɡɛ dɔmkwa. Menee ta laa tena ɡe, ba kpɔ dɔmkwaa yo dɛɛ chɔɡ kwa.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

2 Koranar 10:16

Kooro Jehu ŋɔ o be ŋɔ, “Ya kaa ásɛ he ka na ɡɛ Korowii waa aa lɔ n bini kɛrɛdɛ.” Asɛ ba bwa che Kooro Jehu torɔɡo la bini, dɛ kaa bwɛjen Samaria.

1 Koranar 19:17

Nomɛlbwa waa chwa le Hasael kpoe nyoa la, Jehuu dɛ́ kpoo. Elaesa ɡee dɛ́ kpo banɔ la Jehu aa wola ban dɔ kpo la.

2 Koranar 9:2

He tel belaa, ɡaaɡe Jehosafat bibaa Jehu, o nabaa aa ɛ Nimsi bɔr. La o be, dɛ́ yerɔ le o bala bini he ne o jo kaa dea bini,

2 Koranar 9:19

Asɛ kooro la berɛ tomɛ torome bɛl ja o so jaaɡɔ ta, dɛ la ka bɔɔro waa la tenten. Waa tel ba be la, o ŋɔ, “Kooro ŋɔ, ‘A somaa?’ ” Ate, Kooro Jehu chaŋe ŋɔ, “Ɛrɛɛ hɛɛ nyin deŋnesɔɔhna dɛ ɛɔ? Ba kaa n habɔɔ ka che.”