2 Koranar 9:19 - mzwDBL

¹⁹ Asɛ kooro la berɛ tomɛ torome bɛl ja o so jaaɡɔ ta, dɛ la ka bɔɔro waa la tenten. Waa tel ba be la, o ŋɔ, “Kooro ŋɔ, ‘A somaa?’ ” Ate, Kooro Jehu chaŋe ŋɔ, “Ɛrɛɛ hɛɛ nyin deŋnesɔɔhna dɛ ɛɔ? Ba kaa n habɔɔ ka che.”

2 Koranar 9:19 ပူးပေါင်းရင်းမြစ်များ

2 Koranar 9:11

Jehu aa le buse dɛ la o nomondɔŋa la be la, asɛ bɛl pɛɛro ŋɔ, “Bɔkwaa choɡla te la ba he be ba ɛɔ? Wobɛlbwa maɡraa?” O chaŋ ba ŋɔ, “He ɡbabir jemɔ, dɛ jemɛ ɡɛ waa dɛ bol wa.”

2 Koranar 9:18

Ate, torome la kpɔ jaaɡɔ dɛ ka bɔɔ Kooro Jehu ŋɔ, “Kooro ŋɔ n bɔɔre ŋɔ a somaa?” Kooro Jehu chaŋe ŋɔ, “Ɛrɛɛ hɛɛ nyin deŋnesɔɔhna dɛ ɛɔ? Ba kaa n habɔɔ ka che.” Nɛn waa cheɡɛ jɛŋla la doa dɛɛ daah bwɛɛ la ŋɔ kooro be ŋɔ, “Torome la tel Kooro Jehu ne o nɛra la be, kɛ o berɔ ka ja ba nɛ, waa berɛ dɛɛ ba kpa.”

2 Koranar 9:20

Ate, nɛn waa dɛ daah bwɛɛ la berɛ ŋɔ, “Torome la telo kɛ waa berɛ dɛɛ ba kpa. Nɛn waa tɔ ba sie baa ba la le Nimsi naa Kooro Jehu. O soɡe torɔɡo bini dɛɛ ba, dɛ le choɡla te.”

2 Koranar 9:17

Dɛ nomɛl waa dɛ daah Jesreel cheɡɛ dejaŋ doa dɛ na Kooro Jehu ne o laa tena aa dɛ ba, asɛ o do lɔŋɔ ŋɔ kooro be ŋɔ, “N na laa tena bane aa dɛ ba.” Anee Kooro Joram ŋɔ, “Tomɛ nomɛl ó so jaaɡɔ ta dɛ́ ka bɔɔ ba ŋɔ, ‘A somaa?’ ”

Aesaya 48:22

Korowii ŋɔ, “Bosɔɔhna toole dɛ tɛ wechɔɡ-ɛɛra.”