2 Koranar 9:18 - mzwDBL

¹⁸ Ate, torome la kpɔ jaaɡɔ dɛ ka bɔɔ Kooro Jehu ŋɔ, “Kooro ŋɔ n bɔɔre ŋɔ a somaa?” Kooro Jehu chaŋe ŋɔ, “Ɛrɛɛ hɛɛ nyin deŋnesɔɔhna dɛ ɛɔ? Ba kaa n habɔɔ ka che.” Nɛn waa cheɡɛ jɛŋla la doa dɛɛ daah bwɛɛ la ŋɔ kooro be ŋɔ, “Torome la tel Kooro Jehu ne o nɛra la be, kɛ o berɔ ka ja ba nɛ, waa berɛ dɛɛ ba kpa.”

2 Koranar 9:18 ပူးပေါင်းရင်းမြစ်များ

2 Koranar 9:22

Kooro Joram aa na Kooro Jehu la, o bɔɔro ŋɔ, “Kooro Jehu, a somaa?” O chaŋe ŋɔ, “Ɛrɛɛ deŋnesɔɔhna ɛɛ ba wona do le nɔ? He nya Jɛsɛbɛl ɡelɔ nomɛlbwa ɛɛ tomɛ voɡa dɛɛ ɛ sɔm we-ɛɛla.”

2 Koranar 9:19

Asɛ kooro la berɛ tomɛ torome bɛl ja o so jaaɡɔ ta, dɛ la ka bɔɔro waa la tenten. Waa tel ba be la, o ŋɔ, “Kooro ŋɔ, ‘A somaa?’ ” Ate, Kooro Jehu chaŋe ŋɔ, “Ɛrɛɛ hɛɛ nyin deŋnesɔɔhna dɛ ɛɔ? Ba kaa n habɔɔ ka che.”

Tɔn Pɔɔl Aa Chwerɛ Rom Tena 3:17

Waa aa ɡela nɛn bambile ɛɛ sɔɔhno la te, baa an jemɛ.

Jeremia 16:5

Korowii berɔ ŋɔ men Jeremia be ŋɔ, “Lwe ba dem bɛl ta naa, bɛ bela jo. Bɛ lokua dɔ tɛ nomɛlbwa, maa andɛɛɡaa swee tɛ n nɛra ba dɔ deŋnesɔɔhna, kɛɛ dɛ baɡle n nyina kɛɛ dɛ sune ba nɛɛ kpa.

Aesaya 59:8

Deŋnesɔɔhna ŋwɛnɛ te, haa an jemɛ. Kasinteŋ ɡe toole he waa bini. He we-ɛɛla bwa ɡolo, a ɡel nomɛlbwa waa dɛ teŋɛ a ta aa deŋnesɔɔhna waa jemɛ.

Aesaya 48:22

Korowii ŋɔ, “Bosɔɔhna toole dɛ tɛ wechɔɡ-ɛɛra.”

2 Koranar 9:17

Dɛ nomɛl waa dɛ daah Jesreel cheɡɛ dejaŋ doa dɛ na Kooro Jehu ne o laa tena aa dɛ ba, asɛ o do lɔŋɔ ŋɔ kooro be ŋɔ, “N na laa tena bane aa dɛ ba.” Anee Kooro Joram ŋɔ, “Tomɛ nomɛl ó so jaaɡɔ ta dɛ́ ka bɔɔ ba ŋɔ, ‘A somaa?’ ”

2 Koranar 9:31

Kooro Jehu aa baa tel bwɛɛ la doonyojen ta la, Jɛsɛbɛl ŋɔ, “He ba deŋnesɔɔhna ne naa? Nɛŋkpoa te bɛl le! Henee Simri waa kpo o dɔɔ la!”