2 Koranar 9:17 - mzwDBL

¹⁷ Dɛ nomɛl waa dɛ daah Jesreel cheɡɛ dejaŋ doa dɛ na Kooro Jehu ne o laa tena aa dɛ ba, asɛ o do lɔŋɔ ŋɔ kooro be ŋɔ, “N na laa tena bane aa dɛ ba.” Anee Kooro Joram ŋɔ, “Tomɛ nomɛl ó so jaaɡɔ ta dɛ́ ka bɔɔ ba ŋɔ, ‘A somaa?’ ”

2 Koranar 9:17 ပူးပေါင်းရင်းမြစ်များ

1 Samoɛl 16:4

Samoɛl ɛ ɡɛ Korowii aa baɡlo la bwa. Waa tel bwɛjen Bɛtlɛham la, bwɛɛ la nomonome ɔmɔ, dɛ kpɔ bochechela ka chemo dɛɛ bɔɔro ŋɔ, “Deŋnesɔɔhna nee he ba tenaa?”

Aesaya 62:6

Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Aesaya 56:10

Nomonome baa ɛ sitɔɔla dɛɛ daah n nɛra Israel tena la, ba do kɛŋɔ nyoŋa ken, baa waa mun no. Ba do kɛŋɔ nyootena aa wola won wor dɛ chɔ dɛɛ dee ɡbo, dɛɛ nyin chɔe.

2 Koranar 9:19

Asɛ kooro la berɛ tomɛ torome bɛl ja o so jaaɡɔ ta, dɛ la ka bɔɔro waa la tenten. Waa tel ba be la, o ŋɔ, “Kooro ŋɔ, ‘A somaa?’ ” Ate, Kooro Jehu chaŋe ŋɔ, “Ɛrɛɛ hɛɛ nyin deŋnesɔɔhna dɛ ɛɔ? Ba kaa n habɔɔ ka che.”

2 Koranar 7:14

Ba le baala bane, dɛ nyin kwaa aa do kɛ torɔɡore anɛ, ne a jaɡre ŋɔ bá ti Siiria tena, asɛ kooro do baala baa dɛ ba laŋa la ŋɔ, “Hé la ka na waa aa chiɡ Siiria laa tena sobɔr bela.”

1 Koranar 2:15

Anee Adonija ŋɔ, “He jemɔ kɛŋɔ kora la fa ɛ n kon, n nɛɛ Israel tena bwa sie dawɛ kɛŋɔ menee dɛ́ ɛ ba kooro. Kɛ waa la sie berɔ, asɛ a ɛ kɛŋɔ n nime di, dɛkalkɛ Korowiirii ɛa ɡɛ.

2 Samoɛl 18:24

Dɛ Kooro Devid ta soɡe bwɛjen la bini doonyoa ne baŋ kon la baah ta, nɛn waa dɛ daah bela la teehnɔ kaa danjwɛɛ la kaa ka che o doa, dɛ ka pɛl o doonyoa. Waa dɛ nyiŋi la o na baa bɛl waa dɛ chwa.

2 Samoɛl 13:34

Anɔ bwa la, dɛ Absalɔm chwao. Kooro nɛn waa dɛ daahno la nyiŋo dɛ na nɛra baa wara dɛ do ŋwɛnɛ ta o wee cholibɔr Horonaim pera, deŋɡare bɛl doa. Waa le belaa o la ka ŋɔ kooro be ŋɔ, “N na baala bane baa le deŋɡare la ta Horonaim pera dɛɛ ba.”

1 Samoɛl 17:22

Devid kpɔ o kondikwaa ja nɛn waa dɛ nyiŋi ba laala ta la, dɛ chwa kaa o dɔɔranar be laa la ta, dɛ ka na ɡɛ baa doa.

2 Koranar 9:11

Jehu aa le buse dɛ la o nomondɔŋa la be la, asɛ bɛl pɛɛro ŋɔ, “Bɔkwaa choɡla te la ba he be ba ɛɔ? Wobɛlbwa maɡraa?” O chaŋ ba ŋɔ, “He ɡbabir jemɔ, dɛ jemɛ ɡɛ waa dɛ bol wa.”

2 Koranar 9:16

Ate, Kooro Jehu ka jo o torɔɡo bini dɛ kaa Jesreel. Dɛ Kooro Joram ta chɔ bela dɛɛ chah, asɛ Juda Kooro Ahasia te la bela dɛɛ la ka nao.

2 Koranar 9:18

Ate, torome la kpɔ jaaɡɔ dɛ ka bɔɔ Kooro Jehu ŋɔ, “Kooro ŋɔ n bɔɔre ŋɔ a somaa?” Kooro Jehu chaŋe ŋɔ, “Ɛrɛɛ hɛɛ nyin deŋnesɔɔhna dɛ ɛɔ? Ba kaa n habɔɔ ka che.” Nɛn waa cheɡɛ jɛŋla la doa dɛɛ daah bwɛɛ la ŋɔ kooro be ŋɔ, “Torome la tel Kooro Jehu ne o nɛra la be, kɛ o berɔ ka ja ba nɛ, waa berɛ dɛɛ ba kpa.”