2 Koranar 8:7 - mzwDBL

⁷ Korowii keame Elaesa la bwɛjen Damaskɔs dɛ ka na kɛŋɔ Siiria Kooro Bɛn Hadad bwara dɛ weo. Kooro Bɛn Hadad aa noa kɛŋɔ o ba bela la,

2 Koranar 8:7 ပူးပေါင်းရင်းမြစ်များ

Mumpar 14:15

Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.

1 Koranar 11:24

Resɔn nɔɔ fa boa baala bane nyoa dɛ ɛ ba nomoa ɡɛ saŋ Kooro Devid aa kpoo Soba tena la. Asɛ ɡɛ dɔm la kaa bwɛjen Damaskɔs, dɛ ka lɛ bela dɔɔh dɛɛ di bela kora.

1 Koranar 13:1

Awola bɛl, Korowii ɡelɔ o keame bɛl le Juda harɛ dɛ kaa Bɛtel. Dɛ Kooro Jɛroboam lɔ kon baa ɛ saraha o ta la bɔr dɛɛ ba saraha ɛɛ.

1 Koranar 15:18

Kooro Asa kpɔ suuɡapoŋa ne suuɡaswɛm bwa aa kaa, dɛ do deene baa kpɔ kwaa a yoɡ aa kpeɡa dɛɛ cheɡ koodem bela, dɛ Korowii Dea la tomɛ nomonome ba kpɔ ka tɛ Kooro Bɛn Hadad. Dɛ Kooro Hadad mɛɛ sɔne Tabrimɔn, o nabaa ɡe ɛ Aram Kooro Heseɔn dɛɛ di kora Damaskɔs.

1 Koranar 20:1

Siiria Kooro Bɛn Hadad boa o laa tena bwa nyoa, dɛ koranar fifraatoro dɛ banɛ, ne ba jaɡre ne torɔɡore baa vɔwɛ jaɡre pɛla. Ba laŋɔ ka chɔ bar Samaria tena ba ne ba yo.

1 Koranar 20:34

Kooro Bɛn Hadad ŋɔ Kooro Ahab be ŋɔ, “Mɛɛ berɛ bwɛjena n mɛɛ aa lɛa le he mɛɛ be laanee tɛɛ, ásɛ he ɛ he ɡbaɡba bonadibɔra Damaskɔs, ɡɛ n mɛɛ aa ɛa Samaria la.” Asɛ Kooro Ahab ŋɔ, “Dɛ he ɡelɔ ya fɔwɛ ɡɛ fɔo aa, mɛɛ kpɔe ta he kaa.” Anomanta, o ne o fɔwɛ fɔo asɛ o tao ŋwɛnɛ o kaa.

2 Koranar 1:2

Awola bɛl, Kooro Ahasia le o abrɔsane waa lɔ Samaria saldoa bobɛl waa kpɔ daa sam o koodem bela, dɛ le ba le harɛ dɛɛ we weela. Asɛ o tomɛ toroma Filisti tena bwɛjen bɛl baa dɛ yerɔ Ekron voɡ Baal Sibab ta ŋɔ bá ka voɡɛ kɛ wɛɛ dɔ o nyuu yaa.

2 Koranar 2:15

Dɛ Korowii keamere baa pɛa dɛɛ valɛ fifraanue ba le Jeriko la ta cheɡɛ bela nao, asɛ dɛ ŋɔ dɔŋa be ŋɔ, “Elaeja kpeɡri la ba Elaesa nɛ!” Asɛ ba la o be, dɛ ka ɡuŋi o sie,

2 Koranar 5:20

Korowii keame Elaesa bonɔɔ Gehasi lii dɛ ŋɔ, “N dɔɔ kpɔ Siiria te Naaman nɔ bwara kɛo, o ta koŋkɛɛla waa ba a ne bɛlbwa lɛɛ. N ŋwɛɛ Korowii waa lole kɛŋɔ mɛɛ chwao tiu dɛ́ ka lɛ komɛl le o be.”

2 Koranar 6:12

Ba bini bɛl ŋɔ, “N naa kooro, ya bini bɛlbwa laa. Korowii keame Elaesa waa lɔ Israel laanee. Onee dɛɛ no wobɛlbwa haa dɛ bol, dɛ́ ka bol Israel kooro be. Hale waa haa sɔh so he dea dɛ́ bol bwa.”

2 Koranar 6:24

A habɔɔ la, Siiria Kooro Bɛn Hadad kpɔ o laa tena bwa ba ka yo Israel tena, dɛ ka chɔ bar bwɛjen Samaria tena ɡe.

2 Koranar 8:6

Asɛ kooro la pɛɛ haah la, o ŋɔ, “Kpelaa.” Anee kooro ŋɔ o nomoa bɛl be ŋɔ, “N dɛ nyin kɛŋɔ he berɛ kpɔ haah nɔ komɛlbwa, ne kwaa aa le o koo ta suuɡa bwa tɛo, dɛ le ɡɛ saŋ waa le bonɔ dɛ kaa bwa.”

Aesaya 7:8

Damaskɔs laa Siiria harɛ bwɛjen aa? Kooro Resin ɡee Damaskɔs nyu te. Onee umeo? Bonɔ bene fifraanumɛl dɛ anue dɛ Israel harɛ paɡrɔ, waa bwɛbirii tel kpa.

Jeremia 40:5

Mɔɔ men Jeremia aa berɛ n te ŋɔ ń kaa la, Nebusaradan berɛ ŋɔ, “Berɛ kaa Ahikam bibaa Gedalia o nabaa aa ɛ Safan be. Babelɔn kooro leo dɛ kpɔ Juda bwɛɛre do o nɔn ta wɛɛ nyiŋi a ta, ásɛ he ne ó ka so nɛra la bini, kɛɛ dɛ bobɛlbwa ɡee hɛɛ nyin aa, hɛɛ won ka so.” Asɛ Nebusaradan kpɔ kondikwaa ne koŋkɛɛla ane tɛ mɛ n kpɔ kaa.

We-ɛɛla 17:6

Baa wola ban dɔe lawɛ la, ba tɛɡre Jasen ne asɔre tena la bane ka tɛ bwɛɛ la nomonome, dɛ nyɛɡ dɛɛ ŋɔ, “Nɛra nɔ, ban chɔɡ nɛra liire bobɛlbwa dɛɛ valɛ dɛ ɡel bobɛlbwa ɛɛ ɛ yeŋyeŋ la. Taraken ba ba ya bwɛɛ nɔ ta,

Mmarare 33:1

Gɛ Mosis waa ɛ Korowii nɛn aa swee andɛɛɡa tɛ Israel tena mɔɔ dɛ sewɛ laanee nɔ.

Sitɔɔla 16:2

Asɛ nɛra bol bwɛɛ la tena be ŋɔ, “Samsen ba bonɔ!” Anomanta, ba bar bwɛɛ la cheme jwaana la ne dɛɛ kpao bwɛɛ la doonyoa. Ba ta bela leɛ jwaana la ne bwa dɛɛ bol ŋɔ, “Bɔr chaahna binii yaa ba o dɔe dɛ́ kpoo.”