2 Koranar 8:6 - mzwDBL

⁶ Asɛ kooro la pɛɛ haah la, o ŋɔ, “Kpelaa.” Anee kooro ŋɔ o nomoa bɛl be ŋɔ, “N dɛ nyin kɛŋɔ he berɛ kpɔ haah nɔ komɛlbwa, ne kwaa aa le o koo ta suuɡa bwa tɛo, dɛ le ɡɛ saŋ waa le bonɔ dɛ kaa bwa.”

2 Koranar 8:6 ပူးပေါင်းရင်းမြစ်များ

Mumpar 37:36

Ismael bonadiire la ɡe yoɡ Josef tɛ Ijipt te Pɔtefa. O ɛ Ijipt harɛ ta kooro laa tena baa dɛ daah o dem la bwa nomoa.

2 Samoɛl 9:7

Kooro Devid ŋɔ o be ŋɔ, “Dɛɛ berɛ ɔma, mɛɛ koh he mɛɛ Jonatan waa dɛ́ nyini kɛrɛdɛ. Mɛɛ berɛ he naa Kooro Sɔɔl harɛ la bwaa tɛɛ, ásɛ n ne he pɛ nɔn dɛɛ di kwa saŋ bɛlbwa n dem.”

2 Koranar 8:5

Gehasi aa dena dɛɛ bol kooro be ɡɛ Elaesa aa chum bibaa bɛl seo ta la, dɛ haah la Elaesa aa chum o bibaa seo ta la, deno baa soŋe kooro ŋɔ, ó berɛ kpɔ o dem ne o harɛ tɛo. Gehasi ŋɔ, “N naa kooro, haah laanee la, o bie Elaesa aa ɡela o berɛ dɔ mkpa la ɡee la.”

2 Koranar 8:7

Korowii keame Elaesa la bwɛjen Damaskɔs dɛ ka na kɛŋɔ Siiria Kooro Bɛn Hadad bwara dɛ weo. Kooro Bɛn Hadad aa noa kɛŋɔ o ba bela la,

2 Koranar 9:32

Asɛ Kooro Jehu ha sie dɛ nao tokoro ta dɛ ŋɔ, “Umee ja n nɛɔ?” Asɛ nomonome banɛ kɛɛ batoro baa lɔ koodem bela ba fɔɡɛ ba lure baa daah kooro haahna ba sie ne harɛ dɛɛ nyiŋu.

1 Webena 28:1

Kooro Devid yerɛ Israel nomonome la bwa cheme Jerusalam. Nomonome baa chɔ Israel deene nyoo ne nomonome baa chɔ kooro tomare nyoo, ne sitɔɔla baa chɔ laa tena kaɡboŋa ne lafare nyoo, ne nomonome baa chɔ kooro bibaala ne o laala ne kondɛɛre nyoo, ne koodem nomonome dɛ banyoola bwa.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Mmarare 22:2

Dɛ he ne kon te la jaŋne kɛɛ dɛ haa kon te jemaa, lawɔ kaa he dem. Ásɛ dɛ kon te ba dɛ bɔɔ o wa aa, hé kpɔ tɛo.

Sitɔɔla 11:13

Amɔn kooro chaŋe Jɛfta toroma la ŋɔ, “Israel tena aa le Ijipt harɛ ba la, ba lɛ n harɛ le Aanɔn Moo ta ka tel Jabɔk Moo ta, dɛ kpoŋe ka tel Jɔɔdan Moo ta bwa. Taraken nɔ, berɛ kpɔ tɛ mɛ jeih ken.”