2 Koranar 8:4 - mzwDBL

⁴ Dɛ kooro fa bol waa Korowii keame Elaesa bonɔɔ Gehasi be ŋɔ, “Baɡ mɛ nyokpowe-ɛɛla bwa Elaesa aa ɛa.”

2 Koranar 8:4 ပူးပေါင်းရင်းမြစ်များ

We-ɛɛla 24:24

Aa baa di tɔpera anɛ la, Fɛlekse ne o haah Drusila ba Sisaaria. Dɛ Juu tee o haah la. Fɛlekse ɡelɔ ba ka yerɛ Pɔɔl, asɛ o baa baɡlo ɡɛ baa teŋɛ Yeesu Kristo nɛɛ dɛ́ yaradao.

Amanesoma Jɔn Aa Chwera Tɔn 9:27

Anee o ŋɔ, “N fa aa bol he be wubwa la, he vɛh noe. Ɛrɛɛ hɛɛ nyin kɛ ń bol jaɔ? He ɡe dɛ nyin he ɛ o habɔteŋra kɛɛ?”

Amanesoma Luk Aa Chwera Tɔn 23:8

Waa na Yeesu la, dɛ o sie lɛo taeh. Waa no o waa dɛ fe ɛɛ nyinu o ɛ nyokpowaa ó na biɡro, anomanta, dɛ o dɛ nyinu dɛ́ na.

Amanesoma Luk Aa Chwera Tɔn 9:9

Anee Kooro Hɛrɔd ŋɔ, “Jɔn te, n ɡelɔ ba teŋe o nyu, aah nɛn besoo ɡe waa mɛɛ no ken nɔɔ?” Asɛ dɛ swɛɛ siwi kɛŋɔ wɛɛ na Yeesuu.

Matiu 2:8

Waa bɔɔ ba ɡɛ waa nɔ tonɛ la, o ŋɔ ba be ŋɔ, “Hé takapɔ dɛ́ la Bɛtlɛham, dɛ́ ka ɡaaɡe bie la bɔr kɛrɛdɛ, dɛ́ na bela waa lole, dɛ́ ba ŋɔ n be ásɛ n ɡe ka duuru.”

2 Koranar 7:10

Asɛ ba la dɛ ka yerɛ nɛra baa dɛ daah bwɛjen la doonyoone ta, dɛ bol ba be ŋɔ, “Ya la bela Siiria laa tena aa baa so la, ba kaalɔ dɛ ɡel ba tɛnte deene a che pɛɛpɛɛ. Ba jaɡre ne keeɡore ta vɔrɔwɔ che, ya ta nɛn nae, ya ta nɛn ɡbɔɡa ɡe noɛ.”

2 Koranar 7:3

Dɛ baala banaarɛ bane weechɔɡa aa lɔ ba nɛɛ soɡe bwɛjen Samaria doonyoa. Ba ŋɔ dɔŋa be ŋɔ, “Ásɛ ya so bonɔ dɛ́ serewe aa?

2 Koranar 7:1

Korowii keame Elaesa ŋɔ, “Hé no Korowii wa. Waa Korowii aa dɛ bol laanee kɛŋɔ, ‘Kere saŋ nɔ bɔr tenten, lakaja baa do mea o ta Samaria aa yoɡii dɔ, baa yawɔɔ suuɡapoŋ beŋkpoŋii.’ ”

2 Koranar 6:32

Asɛ o tomɛ ŋɔ bá ka yerɛ Elaesa ba, dɛ o lɔ o dem Israel nomonome so o be. Torome la aa wola tele mɔɔ la, Elaesa ŋɔ nomonome la be ŋɔ, “He ta nae kɛŋɔ nɛn waa dɛ kpoo nɛra nɔ aa tomɛ nɛn ŋɔ ó ba kpo mɛ naa? Dɛ torome la balaa, hé laa ɡbera tɔ dɛ bɛ ɡel o dɔ bɔr jo. O dɔɔ kooro nakpale sio teŋɛ o nɛɛ wɛɛ ba.”

2 Koranar 6:6

Anee Korowii keame Elaesa ŋɔ, “Leperaa o leo?” Asɛ o baɡlo, Elaesa teŋe daa dɛ kpɔ ta bela, asɛ kpanfɛ la le jaah.

2 Koranar 5:14

Anomanta, Naaman iro dɛ ka jo Jɔɔdan Moo la bini, dɛ sɔ kera anuanɛ ɡɛ Korowii keame la aa ŋɔ o be la, asɛ o bwara berɛ kwaa dɛ do wer kɛrɛdɛ kɛŋɔ bechala bwara ken.

2 Koranar 4:12

O ŋɔ o bonɔɔ baa dɛ yerɔ Gehasi be ŋɔ, “La ka yerɛ Sunem haah la ba tɛ mɛ.” Asɛ o yerɔ o ba che o sie.

2 Koranar 2:24

Asɛ Elaeja ke nyiŋ ba dɛ taah ba Korowii sɔn ne, asɛ sisirere anɛ le daa ane bini, dɛ ba kpoo bii la bini fifraanaarɛ dɛ banɛ dɛ toɡri ba ola.

2 Koranar 2:14

O kpɔ Elaeja yal la lɔ nee la dɛ lii ŋɔ, “Leperaa Korowii Elaeja aa tomɔ la dɔɔ?” Waa bera kpɔ lɔ nee la, o bini pero anɛ, asɛ harɛpɛɛ chɔ o valɛ o bini le o baŋ.

2 Koranar 8:3

Bene anuanɛ la habɔɔ la, haah la le Filisti harɛ ta dɛ berɛ kaa Israel harɛ ta. Waa laŋa la, o la kooro be dɛ ka soŋo kɛŋɔ ó berɛ kpɔ o dem ne o harɛ tɛo.

2 Koranar 4:25

Anomanta, ba leɔ dɛɛ kaa Korowii keame Elaesa be Kaamɛl Bwejen ta. Korowii keame la aa nao bojaŋ la, o ŋɔ o bonɔɔ Gehasi be ŋɔ, “Nyiŋi na, haah la waa le Sunem laanee dɛɛ ba la.