2 Koranar 8:3 - mzwDBL

³ Bene anuanɛ la habɔɔ la, haah la le Filisti harɛ ta dɛ berɛ kaa Israel harɛ ta. Waa laŋa la, o la kooro be dɛ ka soŋo kɛŋɔ ó berɛ kpɔ o dem ne o harɛ tɛo.

2 Koranar 8:3 ပူးပေါင်းရင်းမြစ်များ

2 Samoɛl 14:4

Haah baa kaa kpɔɔ le Tekoa la aa la kooro be la, o ba harɛ dɛ kpɔ duure tɛo, dɛ ŋɔ, “N naa kooro, cha mɛ!”

2 Koranar 4:13

Anee Elaesa ŋɔ Gehasi be ŋɔ, “Ŋɔ haah nɔ be kɛŋɔ, o kaa nyin waa ba dawɛ ya nɛɛ a ɛ waa tɛ yaa. Bɔkwaa yaa ba wona ɛ tɛo wɔ? Yaa won bol o waa tɛo kooro be kɛɛ laa sitɔɔ be naa?” Haah la chaŋe ŋɔ, “N dɔ komɛlbwa maa dɛ nyin, n nɛra maa baa so ba baah ta nɔ.”

2 Koranar 6:26

Awola bɛl, dɛ Israel kooro dɛ valɛ Samaria danjwɛɛ baa maa baro doa, asɛ haah bɛl do lɔŋɔ o be ŋɔ, “N naa kooro, n poori cha mɛ!”

2 Koranar 8:2

Haah la ɛ ɡɛ Elaesa aa ŋɔa la, o ne o dem tena iro, dɛ ka so Filisti tena harɛ ta bene anuanɛ.

2 Koranar 8:4

Dɛ kooro fa bol waa Korowii keame Elaesa bonɔɔ Gehasi be ŋɔ, “Baɡ mɛ nyokpowe-ɛɛla bwa Elaesa aa ɛa.”

2 Koranar 8:6

Asɛ kooro la pɛɛ haah la, o ŋɔ, “Kpelaa.” Anee kooro ŋɔ o nomoa bɛl be ŋɔ, “N dɛ nyin kɛŋɔ he berɛ kpɔ haah nɔ komɛlbwa, ne kwaa aa le o koo ta suuɡa bwa tɛo, dɛ le ɡɛ saŋ waa le bonɔ dɛ kaa bwa.”

Jeremia 22:16

O bol nyaara ne nɛŋɡwɛɡra waa tɛɛ ba, anomanta, o wobɛlbwa wer tɛo. Gɛ laa dɛɛ baɡle kɛ nɛn jemɛ men Korowii aa?

Rut Tɔn 1:7

Ba bwa leɔ dɛ kpɔ Juda ŋwɛnɛ ta dɛɛ kaa.