2 Koranar 8:21 - mzwDBL

²¹ Belaa Kooro Jehoram kpɔ o laa sitɔɔla ne kwaa aa do kɛ torɔɡore, dɛ ka yo bwɛjen Sai tena. Edom tena la bar o ne o laa sitɔɔla baa dɛ nyiŋi kwaa aa do kɛ torɔɡore, kɛ o ne o laa tena iro dɛ ka yoo ba. Kooro Jehoram ne o laa sitɔɔla iro jwaana, dɛ jo ba baah le dɛ chwa kaa, asɛ laa tena la ɡe chwa kaa ba deremi.

2 Koranar 8:21 ပူးပေါင်းရင်းမြစ်များ

2 Samoɛl 18:17

Ba kpɔ Absalɔm chɔɔ la ta bɔluŋ bɛl bini kɔr la bini, dɛ pa bwea dawɛ o nɛ a daŋɛ kohona. Asɛ Israel tena la bwa chwa kaa ba deremi.

Amanesoma Luk Aa Chwera Tɔn 21:20

Yeesu berɔ ŋɔ, “He baa na kɛŋɔ soojare bar Jerusalam cheme aa, amɔ te hé jemɛ kɛŋɔ o paɡra telo.

2 Samoɛl 19:8

Ate, kooro ɡel wii dɛ ir dɛ ka so bwɛjen la doonyojen la jwɛh. O laa tena la noɔ kɛŋɔ o leɔ dɛ ba so bela, asɛ ba la ka che baro. Anɔ bwa aa dɛ ɛ la, dɛ Israel tena la bwa berɔ kaa ba deremi.

2 Koranar 14:7

Kooro Amasea ne o laa tena kpoo Edom laa tena kaɡboŋa fi Yar Fɛlembɔjen ta. Dɛ berɛ yo lɛ bwɛjen Sela, dɛ kwaa pa o sɔn Jokteel, ba ta dɛ yerɔ ɡɛ ba le fini.