2 Koranar 8:20 - mzwDBL

²⁰ Kooro Jehoram aa di kora saŋee Edom tena vɛh o toma, dɛ ka chiɡ ba kooro.

2 Koranar 8:20 ပူးပေါင်းရင်းမြစ်များ

1 Koranar 22:47

Dɛ kooro toole Edom harɛ ta, nɛnee Juda kooro le o ka chiɡ o naa ta dɛɛ di kora bela.

2 Koranar 3:9

Ate, Israel Kooro Joram ne Juda Kooro Jehosafat, dɛ Edom kooro kpɔ ba laa tena le. Ba valɔ kpɔ ŋwɛnɛ waa ɡoɡla ta tɔpera anuanɛ, asɛ ba nee ba tonɛ, ane toole nɛra ne ba kondɛɛra nyɔ.

2 Koranar 8:22

Ba le fini, Edom tena vɛh Juda kooro toma. Gɛ saŋee bwɛjen Lebna tena ɡe vɛh o toma.

2 Koranar 3:27

Asɛ o lawɛ o bibanloɡle waa chiɡ o naa ta dɛ́ di kora la, dɛ kpɔɔ ɛ saraha danjwɛɛ baa maa bar bwɛjen la ta tɛ Moab harɛ voɡ. Israel laa tena la aa na ɡɛ la, ba bambile teŋo kohona ba laa berɛ kaa ba harɛ ta.

2 Samoɛl 8:14

O bɔne laa tena la bini kuore ta ba so bwɛɛre ta Edom harɛ bwa, asɛ harɛ la tena bwa do o lɔɡa dɛɛ tomɔ. Korowii ja o nɛ, bobɛlbwa waa laŋa ka yo bwa.

Mumpar 27:40

Yoi ɡboo hɛɛ ba dɛɛ yoi mɔɔ dɛ́ dɔ kwaa di, dɛɛ tomɛ he nime. Kɛ he baa tomɔ la sie tama naa, hɛɛ yoo, dɛ́ berɛ won lɛ he te.”

2 Koranar 3:26

Moab kooro nao kɛŋɔ ba dɛ ba o nɛɛ pɔe, asɛ o kpɔ laa tena lafraanuanɛ ba kpoŋe tokobie, dɛ́ fee ka tawɛ kpɔ ba bini kaa Edom kooro be, kɛ o ta wone.

1 Koranar 22:48

Kooro Jehosafat kwaa stiimaere asɛ dɛ fee kpɔ la Ofir harɛ ta kaa di suuɡaswɛm bona. Kɛ a kaa paɡre Eseɔn Gɛba a ta wone tel Ofir.

2 Koranar 14:7

Kooro Amasea ne o laa tena kpoo Edom laa tena kaɡboŋa fi Yar Fɛlembɔjen ta. Dɛ berɛ yo lɛ bwɛjen Sela, dɛ kwaa pa o sɔn Jokteel, ba ta dɛ yerɔ ɡɛ ba le fini.