2 Koranar 8:18 - mzwDBL

¹⁸ O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la dɔŋa, dɛ jo Korowii nɛ.

2 Koranar 8:18 ပူးပေါင်းရင်းမြစ်များ

1 Koranar 21:25

Nomɛlbwa toole o siwi swɛɛ wechɔɡa ɛɛ Korowii siwi ta kɛŋɔ Kooro Ahab waa teŋɛ o haah Jɛsɛbɛl nyoa wobol ta la.

1 Koranar 22:44

Dɛ beŋkpoŋri lɔ Kooro Jehosafat ne Israel kooro baah ta.

2 Koranar 16:3

dɛ teŋɛ waa Israel koranar aa ɛa la ta. Hale o kpo o bibaa dɛ fuuh ɛ saraha. Dɛ ɡɛ waa la ɛ voɡtoroma harɛre nɛra Korowii aa doŋ ba tɛ Israel tena, ba tɔ sie ba so o ta la nawee wa. Dɛ Korowii kia.

2 Koranar 21:13

Mɛɛ bol Jerusalam tena waa dɛ́ pa ba bolchɔɡe kɛŋɔ maa ɛ Samaria tena, ne Israel Kooro Ahab, dɛ o naanar la. Mɛɛ le Jerusalam tena bwa nee kɛŋɔ, ba yon kpɔ kon fee hɛna bini, dɛ laa o doŋa bwa kpɔ dɛ berɛ pi la ken.

2 Koranar 21:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡbaa Baal, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie dɛ weweela bwa.

2 Koranar 8:26

Kooro Ahasia di bene fifraanɛ dɛ anɛ mɔɔ dɛ di kora. O soɡe Jerusalam di kora benanyoa beŋkpoŋ. O nya sɔne Atalia, dɛ Kooro Omri o fa aa di kora Israel harɛ ta ka la naa.

2 Koranar 8:27

Kooro Ahasia aa ɛ Kooro Ahab lole nomanta, o teŋɛ ŋwɛnɛ waa kpɔ o ta dɛ di kora la ta, dɛ ɛ wechɔɡa jo Korowii nɛɛ kɛŋɔ ɡɛ Kooro Ahab dem tena aa ɛa la.

2 Webena 17:4

O tomɛ Korowii o mɛɛ aa toma la, dɛ teŋɛ waa waa doo ta. O ta waa Israel koranar aa ɛa ta teŋɛ.

2 Webena 18:1

Kooro Jehosafat dɔ kondɔɔh, asɛ o sɔn ɡe le kohona. O cheɡɛ hahmor ta o ne Kooro Ahab kpɔ darame.

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

2 Webena 21:13

He teŋɛ waa Israel koranar aa ɛa la ta, a che a ta Juda ne Jerusalam tena kaa tomɛ voɡa, ɡɛ Kooro Ahab ne banɔ la baa di kora o habɔɔ aa ɛa la. Hale he berɔ kpoo he nimanar ba waa aa wera ɡwaale la.

2 Webena 21:6

O teŋɛ waa Israel koranar aa ɛa la ta. Dɛ o mo Kooro Ahab bihaah, anomanta, o ɛ wechɔɡa Kooro Ahab ne o dem tena aa ɛa la, dɛ jo Korowii nɛ.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”