2 Koranar 8:13 - mzwDBL

¹³ Anee Hasael bɔɔ ŋɔ, “He bonɔɔ, n ɡee ume maa wola toole wobɛlbwa bini kɛ nyoate, ásɛ n won ɛ ɡɛ wejena nɔ dɔŋa ɔ?” Elaesa chaŋe ŋɔ, “Korowii ɡelɔ n jemɛ kɛŋɔ, henee dɛ́ chiɡ Kooro Bɛn Hadad naa ta di kora Siiria harɛ ta.”

2 Koranar 8:13 ပူးပေါင်းရင်းမြစ်များ

1 Samoɛl 17:43

O bɔɔ Devid ŋɔ, “Nyoatee men he kpoŋe daa dɛɛ ba n be naa?” Asɛ o ŋwɛɛ voɡa ta Devid nɛɛ dɛ taahno.

1 Koranar 19:15

Anee Korowii ŋɔ, “Berɛ kpɔ ŋwɛnɛ haa kpɔ o ta ba la, dɛ́ kaa Damaskɔs pua hɛŋle ɡbo harɛ la ta. He tel bela aa, kpɔ noo fuɡe do Hasael nyu ta, dɛ́ cheɡo Siiria harɛ ta kooro.

2 Samoɛl 9:8

Asɛ Mɛfebɔsɛt ɡuŋu ja dɛ ŋɔ, “Bɔkwaa men maa ɛ he bonɔɔ, maa wola toole wobɛlbwa bini kɛ nyoate lale, ɛɛ ba wona su he siwi ɔ?”

Matiu 7:6

Dɛ hé dɛ bol Korowii Amanesoma dɛɛ baɡle nɛra, asɛ baa no dɛ ɛa kɛ wesalee yaa, hé ɡel ba, dɛkalkɛŋɔ he kpɔ kondɛɛɡa tɛ nyootena aa, aa wola a waa jemɛ la, aa ɡelaa dɛ́ ba dorome. He kpɔ kondɛɛɡa ta parakooni ɡe aa, aa tiɡri a taa dɛ́ laa chɔɡ.”

Maeka 2:1

Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.

Yela 22:20

Lɛɛ mɛ le tokobi seo nyoa. Lɛɛ mɛ le n dɔma baa do kɛŋɔ nyootena nɔ nɔn ta.

Yela 22:16

N dɔma bar mɛ cheme, kɛŋɔ nyootena aa wara dɛ tɔ mɛ do baah ta, dɛɛ toɡri n nɔɔra ne nakpale.

2 Koranar 8:10

Elaesa ŋɔ o be ŋɔ, “Ka ŋɔ o be ŋɔ wɛɛ ɡbaŋroo te, kɛ kasinteŋ, Korowii pili a bini baɡ mɛ kɛŋɔ wɛɛ sewɔɔ.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Felepae 3:2

Hɛ́ɛ do nɛnchɔɡa baa ɛ ba te manyare la dɛɛɡɔ. Nɛra baa dɛ maŋkura penteŋ dɛ ŋɔ nómɛlbwa mɔn o bɔtɔn mɔɔ dɛ́ tomɛ Korowii la waa mɛɛ bol la.

Jeremia 17:9

Umee dɛ́ won jemɛ nɛwɛnyini bambile bini waɔ? Wobɛlbwa toole o bini ka ja neɡra ɡbo, nomɛlbwa aa wola won kwaaro.

2 Koranar 13:22

Siiria Kooro Hasael fiiɡi Israel tena, ɡɛ saŋ bwa Kooro Jehoahas fa aa di kora Israel harɛ ta la,