2 Koranar 7:9 - mzwDBL

⁹ Dɛ ŋɔ dɔŋa be ŋɔ, “Kɛrɛdɛ laa yaa ɛ la, fini ɛ amanesoma tɔpere asɛ ya ɡbo kpɔ so la. Dɛ ya ɡelɔ bɔr chaah a ta naa, yaa dɔ waa. Ya den la kooro dem dɛ́ ka bol a wa.”

2 Koranar 7:9 ပူးပေါင်းရင်းမြစ်များ

2 Koranar 5:4

Ate, Naaman ka bol kooro be ɡɛ Israel harɛ ta tolo la aa bola la.

2 Koranar 7:10

Asɛ ba la dɛ ka yerɛ nɛra baa dɛ daah bwɛjen la doonyoone ta, dɛ bol ba be ŋɔ, “Ya la bela Siiria laa tena aa baa so la, ba kaalɔ dɛ ɡel ba tɛnte deene a che pɛɛpɛɛ. Ba jaɡre ne keeɡore ta vɔrɔwɔ che, ya ta nɛn nae, ya ta nɛn ɡbɔɡa ɡe noɛ.”

2 Koranar 7:3

Dɛ baala banaarɛ bane weechɔɡa aa lɔ ba nɛɛ soɡe bwɛjen Samaria doonyoa. Ba ŋɔ dɔŋa be ŋɔ, “Ásɛ ya so bonɔ dɛ́ serewe aa?

2 Koranar 7:6

dɛkalkɛ Korowii ɡelɔ Siiria laa tena la no ɡbɔɡa kɛŋɔ torɔɡore, ne jaɡre nakpale sii dɛ laa tena damanta ɡbɔɡa kɛŋɔ baa dɛ ba ba be, asɛ ba ŋɔ dɔŋa be ŋɔ, “Hé na, Israel kooro kaa kpɔ Hiti ne Ijipt koranar ŋɔ, ba laa tena ba yo yaa.”

2 Koranar 7:8

Baala weechɔɡa aa lɔ ba nɛɛ la aa dɛ tel bela Siiria laa tena la fa aa soɡa la, ba kaa jo tɛnte deene la bɛl bini, dɛ ka di kwaa dɛ nyɔ sen, dɛ pa suuɡapoŋa ne suuɡaswɛm ne yale dɛ kpɔ ka sɔh. Dɛ berɛ ka jo tɛnte denɛɛte bini, dɛ pa o ɡe bini laala ka sɔh.

Sɛɡla 24:16

Waa pu nɛn o wa aa toɡra, o chole kera anuanɛ naa, o berɔ dɛɛ ir. Kɛ dɛ wechɔɡa pu nɛnchɔɡe te naa, o dɛ lɔ harɛ.

Aesaya 41:27

Men Korowiirii tɔ sie bol amanesoma la Jerusalam tena be. Men tomɛ torome ŋɔ ó ka bol ba be.

Aesaya 52:7

Hé na ɡɛ toroma baa kpoŋe Amanesoma dɛ valɛ bwea dor dɛɛ ba wa aa dɔ nyokpoa ne, dɛɛ bol deŋnesɔɔhna ne Korowii lɛɛ wa! Hé no ba bala wa aa, he bambile ɛɛ sɔɔh heyaa taeh. O bol Saayɔn tena be ŋɔ, “Korowii haa dɛ tomɔ di kora!”

Neehum 1:15

Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

Nɛra Kura 32:23

Dɛ he vɛoh he ta ɡɛ ɛɛ yaa, dɛ he ɛ wechɔɡa dɛ jo Korowii nɛ, aa ɡure he nyu taa.

Amanesoma Luk Aa Chwera Tɔn 2:10

Anee nyundua torome la ŋɔ ba be ŋɔ, “Hɛ́ɛ berɛ ɔma! Amanesoma aa dɛ ba silɛɛ ne bala ba tɛ nɛra bwa la nee n ba.

Felepae 2:4

He bɛ ɡel he ɡbo waa hiah heya. Hé ɡel he dɔŋa ɡe waa hiah heya.