2 Koranar 7:7 - mzwDBL

⁷ Gɛ aa ɛ bá dɔ ba nyuune nomanta, ba iro chwa awola jɔmɔra la ne, dɛ ɡel ba tɛnte deene ne jaɡre dɛ keeɡore, bela chɔ pɛɛ.

2 Koranar 7:7 ပူးပေါင်းရင်းမြစ်များ

1 Koranar 10:29

Ba le kwaa aa do kɛ torɔɡore le Ijipt harɛ ta dɛɛ ba. Beŋkpoŋ yoɡ lɔ suuɡapoŋa lafraanumɛl, jaɡre la ɡe beŋkpoŋ lɔ suuɡapoŋa lafa fifraanue. Ba le ane bela baa tɛ Hiti ne Siiria koranar bwa.

1 Koranar 20:20

bɛlbwa kpo o dɔŋ o ne waa dɛ yo, anomanta, Siiria tena la chwao, asɛ Israel tena la kpɔ teŋɛ sibeɡra ne. Kooro Bɛn Hadad kpɔ jaaɡɔ waa soɡe o ta chwa kaa, nɛra baa soɡe jaɡre ta bane ja o nɛɛ chwa.

Job Tɔn 18:11

Kwaa aa dɛ aah ba ɛɛ bar baa cheme, dɛ ti ba dɛɛ di ba nafeena.

Yela 33:17

Jaɡre baa soɡe a ta dɛɛ yo, aa won ɡel nɛn pɔ o dɔm nɛɛ laa ta, a bokpeɡa kohona laa dɛ́ won lɛ naate.

Yela 68:12

“Koranar ne ba laa tena chwao le dɛɛ kaa!” Haahna baa ka dem la kpɔ laala baa kpɔa laa ta la bɔne dɔŋa.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Sɛɡla 28:1

Nɛnchɔɡe dɛ chwa dɛ nomɛl aa on doŋi, kɛ nɛn o wa aa toɡra baah suu kɛŋɔ nyujente ken.

Sɛɡla 6:5

Ɛ warane kɛŋɔ welo aa na kpaah, dɛ laa o te kpɔ, kɛɛ jumbie aa na nɛn waa dɛ harɔ bel la.

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Hibru 6:18

Korowii baɡɛ nyoa dɛ ŋwɛɛ o tenten ja. Webele anɛ nɔ ɡelɔ nyobaɡa la do kpeɡri, dɛkalkɛŋɔ Korowii aa won teŋe nyosone. Anee dɛ do ya nɛra yaa ba Korowii be ŋɔ ó lɛ yaa la ɡbemba, ásɛ ya won do kpeɡri ya hwɛɡa yaa dɛ hwɛɡɛ o nɛɛ la ta.

Sitɔɔla 7:21

Gedeɔn nɛra la cheɡɔ kiŋkiŋ bar Midian tena sobɔr la, asɛ Midian tena la ɛɛ dooɡe lɔŋɔre dɛɛ chwa.

1 Samoɛl 14:15

Belaa ɔmee kohona chole laa tena la bwa nɛɛ baa chel, banɔ la baa lɔ bela baa baŋre ba tɛnte deene ne banɔ la baa lɔ kpɔɡ bini, dɛ nɛra baa laŋa dɛɛ la ka yo bwa. Korowii ɡelɔ harɛ jiɡri ɔmee kohona chole ba nɛ.