2 Koranar 7:3 - mzwDBL

³ Dɛ baala banaarɛ bane weechɔɡa aa lɔ ba nɛɛ soɡe bwɛjen Samaria doonyoa. Ba ŋɔ dɔŋa be ŋɔ, “Ásɛ ya so bonɔ dɛ́ serewe aa?

2 Koranar 7:3 ပူးပေါင်းရင်းမြစ်များ

2 Koranar 5:1

Dɛ baa bɛl lole baa yerɔ Naaman. Dɛ onee Siiria kooro laa sitɔɔ. Dɛ o ɛ nɛnjen asɛ o dɔɔ kooro ɛɛ duuru kohona. Dɛkalkɛ a cheɡɛ o nɛ Korowii cha ba, dɛ ɡel ba pɔ ba dɔma nɛ. Kɛ dɛ wee lɔ Naaman nɛ.

2 Koranar 7:4

Dɛ ya jo bwɛɛ nɔ ta naa, lɔr la lɔ bela, yaa serewoo. Ya soɡe bonɔ ɡe aa, yaa serewoo, he den ɡel yá kaa bela Siiria laa tena aa soɡa, dɛ́ kpɔ ya te ka do ba nɔn ta. Dɛ ba ɡel yaa aa, dɛ ya dɔ ya nyu, ba kpoo yaa ɡe aa, ya den serewe.”

2 Koranar 8:4

Dɛ kooro fa bol waa Korowii keame Elaesa bonɔɔ Gehasi be ŋɔ, “Baɡ mɛ nyokpowe-ɛɛla bwa Elaesa aa ɛa.”

Jeremia 27:13

Ɛrɛɛ chɛ kɛ he ne he nɛra sewɛ laa ta, kɛɛ lɔr kɛɛ weechɔɡa kpoo heya ɔ? Gɛ waa nɔɔ Korowii ŋɔ aa pu harɛ bɛlbwa nɛra baa vɛah dɛ kpɔ ba te do Babelɔn kooro lɔɡa la.

Jeremia 8:14

Korowii nɛra la ŋɔ, “Ɛrɛɛ ya bwa ta so nɔɔ? Yá boa ya nyoa. Hé ɡel ya chwa kaa bwɛjena baa ma danjwɛkpeɡa bara bini, dɛ́ den ka serewe bela. Korowii ŋɔ yá na waa dɛ́ serewe, dɛ do tɛɡchɔɡa nee ta tɛ yaa ŋɔ yá nyɔ, wechɔɡa yaa ɛa dɛ jo o nɛɛ la wa.

Nɛra Kura 12:10

Bam la aa le Korowii Dea Cheremibɔr la ta la, bwadabii weechɔɡa ane den le Miriam nɛ, o bwara bwa to kɛŋɔ yabi ken. Asɛ Arɔn ke nyiŋi Miriam, dɛ na kɛŋɔ bwadabii weechɔɡa le o nɛ.

Nɛra Kura 12:14

Asɛ Korowii ŋɔ o be ŋɔ, “Dɛ Miriam mɛɛ fe ta nentane ta o sie ta naa, ba fe ta on kpɔe le he baah ta o ka so dahara tɔpera anuanɛ sihiih kpoo waa? Hé le Miriam ne dahara, dɛ́ ɡel o so bela tɔpera anuanɛ mɔɔ he berɛ ba o ne.”